ದಾಖಲೆರಹಿತ ಚಿನ್ನದೊಂದಿಗೆ ಸಿಕ್ಕಿಬಿದ್ದ ಕೃನಾಲ್ ಪಾಂಡ್ಯ | DRI detains Krunal Pandya for possessing unaccounted gold

ಇಂಡಿಯನ್ ಪ್ರಿಮೀಯರ್ ಲೀಗ್ 13 ನೇ ಅವೃತ್ತಿ ಗೆದ್ದ ಮುಂಬೈ ಟೀಮಿನ ಭಾಗವಾಗಿದ್ದ ಅಲ್​ರೌಂಡರ್ ಕೃನಾಲ್ ಪಾಂಡ್ಯ ಅವರನ್ನು ಕಂದಾಯ ಗುಪ್ತಚರ ನಿರ್ದೇಶನಾಲಯದ ಆಧಿಕಾರಿಗಳು ತಮ್ಮ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಸುದ್ದಿಸಂಸ್ಥೆಯೊಂದರ ಮೂಲಗಳ ಪ್ರಕಾರ, ದುಬೈನಿಂದ ಗುರುವಾರದಂದು ಮುಂಬೈ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದ ಪಾಂಡ್ಯ ಅವರ ಬ್ಯಾಗಿನಲ್ಲಿ ದಾಖಲೆರಹಿತ ಚಿನ್ನ ಮತ್ತು ಇತರ ಬೆಲೆಬಾಳುವ ವಸ್ತುಗಳು ಪತ್ತೆಯಾಗಿವೆ. 

ನವೆಂಬರ್ 10ರಂದು ದುಬೈ ಇಂಟರ್​ನ್ಯಾಶನಲ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಫೈನಲ್ ಪಂದ್ಯದಲ್ಲಿ ಮುಂಬೈ ತಂಡ ಡೆಲ್ಲ್ಲ ಕ್ಯಾಪಿಟಲ್ಸ್ ಟೀಮನ್ನು 5 ವಿಕೆಟ್​ಗಳಿಂದ ಸೋಲಿಸಿ 5 ನೇ ಬಾರಿಗೆ ಪ್ರಶಸ್ತಿ ಬಾಚಿಕೊಂಡಾಗ ಕೃನಾಲ್ ವಿಜಯದ ರನ್ ಬಾರಿಸಿದ್ದರು. 

ಕಳೆದೆಲ್ಲ ಸೀಸನ್​ಗಳಲ್ಲಿ ಉಪಯುಕ್ತ ಮತ್ತು ಕೆಲವು ಬಾರಿ ಪಂದ್ಯ ಗೆದ್ದುಕೊಡುವ ಕಾಣಿಕೆಗಳನ್ನು ಮುಂಬೈ ಟೀಮಿಗೆ ನೀಡಿರುವ ಕೃನಾಲ್, ಐಪಿಎಲ್ 2020 ರಲ್ಲಿ ನೀರಸ ಪ್ರದರ್ಶನಗಳನ್ನು ನೀಡಿ ನಿರಾಸೆಗೊಳಿಸಿದರು. 13ನೇ ಅವೃತ್ತಿಯಲ್ಲಿ ಅವರು ಪಡೆದಿದ್ದು 6 ವಿಕೆಟ್ ಮತ್ತು ಗಳಿಸಿದ್ದು ಕೇವಲ 109 ರನ್ ಮಾತ್ರ.