JEE Main 2023: ಸೆಷನ್ 2 ನೋಂದಣಿ ಪ್ರಾರಂಭ; ನೋಂದಣಿ ಪ್ರಕ್ರಿಯೆಯ ಸಂಪೂರ್ಣ ಮಾಹಿತಿ

ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಜೆಇಇ ಮೇನ್ 2023 ಸೆಷನ್ 2 (JEE Main 2023 Session 2) ಗಾಗಿ ನೋಂದಣಿ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ. ಏಪ್ರಿಲ್ 2023 ರಲ್ಲಿ ಜೆಇಇ ಮೇನ್ 2023 ಸೆಷನ್ 2 ಪರೀಕ್ಷೆಗಳಿಗೆ ಹಾಜರಾಗಲು ಬಯಸುವ ಅಭ್ಯರ್ಥಿಗಳು ಎನ್​ಟಿಎ-ಜೆಇಇ ಮೇನ್ 2023 (NTA-JEE Main 2023) ರ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು. ಅಧಿಕೃತ ವೆಬ್‌ಸೈಟ್​ನಲ್ಲಿ ನೋಂದಣಿ ಮತ್ತು ಅರ್ಜಿಯನ್ನು ಪೂರ್ಣಗೊಳಿಸಬಹುದು. ಅಧಿಕೃತ ಸೂಚನೆಯ ಪ್ರಕಾರ ಜೆಇಇ ಮೇನ್ 2023 ಸೆಷನ್ 2 ನೋಂದಣಿ ಲಿಂಕ್ ಮಾರ್ಚ್ 12, 2023 ರವರೆಗೆ ತೆರೆದಿರುತ್ತದೆ.

ಜೆಇಇ ಮೇನ್ 2023 ಸೆಷನ್ 2 ಪರೀಕ್ಷೆಗಳನ್ನು ಏಪ್ರಿಲ್ 6, 7, 8, 9, 10, 11 ಮತ್ತು 12 ರಂದು ನಡೆಸಲು ನಿರ್ಧರಿಸಲಾಗಿದೆ. ಅಭ್ಯರ್ಥಿಗಳು ಜೆಇಇ ಮೇನ್ 2023 ಸೆಷನ್ 2 ನೋಂದಣಿ ವಿಂಡೋ ಮೂಲಕ ಲಾಗಿನ್ ಮಾಡಬಹುದು ಮತ್ತು ಅಪ್ಲಿಕೇಶನ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.

ಅಧಿಕೃತ ಸೂಚನೆಯ ಪ್ರಕಾರ, ಪರೀಕ್ಷಾ ಕೇಂದ್ರ, ಪ್ರವೇಶ ಪತ್ರಗಳನ್ನು ಡೌನ್‌ಲೋಡ್ ಮಾಡುವುದು ಮತ್ತು ಪರೀಕ್ಳ್ಷಾ ಫಲಿತಾಂಶವನ್ನು ಇನ್ನು ಮುಂದಿನ ದಿನಗಳಲ್ಲಿ ಅಧಿಕೃತ ವೆಬ್‌ಸೈಟ್​ನಲ್ಲಿ ಬಿಡುಗಡೆ ಮಾಡಲಾಗುವುದು. ಸದ್ಯಕ್ಕೆ ಜೆಇಇ ಮೇನ್ 2023 ಸೆಷನ್ 2 ಅರ್ಜಿಗಳು ಲಭ್ಯವಿದ್ದು, ಅರ್ಹತೆಯುಳ್ಳ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ jeemain.nta.nic.in ನಲ್ಲಿ ಅರ್ಜಿ ಸಲ್ಲಿಸಬೇಕು. ಜೆಇಇ ಮೇನ್ 2023 ಸೆಷನ್ 2 ನೋಂದಣಿಗಳನ್ನು ಪೂರ್ಣಗೊಳಿಸುವ ಮೊದಲು ವಿದ್ಯಾರ್ಥಿಗಳು ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಲು ಮತ್ತು ನಮೂದಿಸಿದ ವಿವರಗಳನ್ನು ಓದುವುದು ಉತ್ತಮ.

ಜೆಇಇ ಮೇನ್ 2023 ಸೆಷನ್ 2 ಅಧಿಕೃತ ಅಧಿಸೂಚನೆ ಓದಲು ಇಲ್ಲಿ ಕ್ಲಿಕ್ ಮಾಡಿ

ಜೆಇಇ ಮೇನ್ 2023 ಸೆಷನ್ 2 ನೋಂದಣಿ ಪ್ರಕ್ರಿಯೆ:

ಜೆಇಇ ಮೇನ್ 2023 ಸೆಷನ್ 2 ನೋಂದಣಿ ಲಿಂಕ್ ಆನ್‌ಲೈನ್‌ನಲ್ಲಿ ಲಭ್ಯವಿದೆ. ಅಭ್ಯರ್ಥಿಗಳು ಇಲ್ಲಿ ಒದಗಿಸಲಾದ ಹಂತಗಳನ್ನು ಅನುಸರಿಸುವ ಮೂಲಕ ಜೆಇಇ ಮೇನ್ 2023 ಸೆಷನ್ ೨ ನೋಂದಣಿ ಮತ್ತು ಅಪ್ಲಿಕೇಶನ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.

• ಹಂತ 1: ಜೆಇಇ ಮೇನ್ 2023 ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ
• ಹಂತ 2: ಪಬ್ಲಿಕ್ ನೋಟೀಸ್ ಕೆಳಗಿರುವ ಜೆಇಇ ಮೇನ್ 2023 ಸೆಷನ್ 2 ನೋಂದಣಿ ಲಿಂಕ್ ಅನ್ನು ಕ್ಲಿಕ್ ಮಾಡಿ
• ಹಂತ 3: ಲಾಗಿನ್ ಆದ ಬಳಿಕ ಕೇಳುವ ಮಾಹಿತಿಗಳನ್ನು ತುಂಬಿ ಮತ್ತು ಜೆಇಇ ಮೇನ್ 2023 ಸೆಷನ್ 2 ಅಪ್ಲಿಕೇಶನ್‌ಗಳನ್ನು ಪೂರ್ಣಗೊಳಿಸಿ
• ಹಂತ 4: ಅರ್ಜಿ ಶುಲ್ಕವನ್ನು ಪಾವತಿಸಿ ಮತ್ತು ಅಂತಿಮ ಸಲ್ಲಿಕೆ ಲಿಂಕ್ ಅನ್ನು ಕ್ಲಿಕ್ ಮಾಡಿ

ಇದನ್ನೂ ಓದಿ: Scholarship 2023: UG, PG ವಿದ್ಯಾರ್ಥಿಗಳಿಗೆ ಅರ್ಜಿ ಸಲ್ಲಿಸಲು ಫೆ.16 ಕೊನೆಯ ದಿನ

ಜೆಇಇ ಮೇನ್ 2023 ಅರ್ಜಿ ಸಲ್ಲಿಸಲು ಬೇಕಾಗುವ ದಾಖಲೆಗಳ ಪಟ್ಟಿ:

ಜೆಇಇ ಮೇನ್ 2023 ಅರ್ಜಿಗಳನ್ನು ಸಲ್ಲಿಸುವಾಗ, ಅಭ್ಯರ್ಥಿಗಳು ಆನ್‌ಲೈನ್ ಅರ್ಜಿ ನಮೂನೆಯಲ್ಲಿ ದಾಖಲೆಗಳ ಸೆಟ್ ಅನ್ನು ಅಪ್‌ಲೋಡ್ ಮಾಡಬೇಕಾಗುತ್ತದೆ. ಜೆಇಇ ಮೇನ್ 2023 ಸೆಷನ್ 2 ಅರ್ಜಿ ಸಲ್ಲಸಲು ಅಗತ್ಯವಿರುವ ದಾಖಲೆಗಳ ಪಟ್ಟಿ ಈ ಕೆಳಗಿನಂತಿದೆ.

• ಅಭ್ಯರ್ಥಿಯ ಭಾವಚಿತ್ರ
• ಅಭ್ಯರ್ಥಿಯ ಸಹಿ ಮತ್ತು ಸ್ಕ್ಯಾನ್ ಮಾಡಿದ ಭಾವಚಿತ್ರ
• ಜಾತಿ ಪ್ರಮಾಣ ಪತ್ರ
• ಇತರ ಅಂಗವೈಕಲ್ಯ ಪ್ರಮಾಣಪತ್ರಗಳು ಇದ್ದರೆ

ಶಿಕ್ಷಣ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ