Madhugiri Election Results: ಮಧುಗಿರಿ ವಿಧಾನಸಭಾ ಕ್ಷೇತ್ರ ಚನಾವಣೆ 2023 ಫಲಿತಾಂಶ; ಕಾಂಗ್ರೆಸ್ ಜೆಡಿಎಸ್ ನಡುವೆ ಫೈಟ್
Madhugiri Assembly Election Results 2023 Live Counting Updates: ಕಳೆದ ಎರಡು ದಶಕಗಳಿಂದ ಮಧುಗಿರಿ ಕ್ಷೇತ್ರದಲ್ಲಿ ಜೆಡಿಎಸ್ ಹಾಗೂ ಕಾಂಗ್ರೆಸ್ ನಡುವೆ ಹಾವು ಏಣಿ ಆಟ ನಡೆಯುತ್ತಿದೆ.
Updated on: May 13, 2023 | 2:40 AM
Madhugiri Assembly Election Results 2023: ಕರ್ನಾಟಕ ವಿಧಾನಸಭೆಯ 224 ಕ್ಷೇತ್ರಗಳಿಗೆ ಮೇ 10ರಂದು ನಡೆದಿದ್ದ ಚುನಾವಣೆಯ (Karnataka Assembly Elections) ಫಲಿತಾಂಶ ಇನ್ನು ಕೆಲವೇ ಕ್ಷಣಗಳಲ್ಲಿ ಪ್ರಕಟಗೊಳ್ಳಲಿದೆ. ತುಮಕೂರು ಜಿಲ್ಲೆಯ ಮಧುಗಿರಿ ಕ್ಷೇತ್ರದಲ್ಲಿ ಬಿಜೆಪಿಯಿಂದ ಎಲ್ಸಿ ನಾಗರಾಜ್, ಕಾಂಗ್ರೆಸ್ನಿಂದ ಕೆಎನ್ ರಾಜಣ್ಣ, ಜೆಡಿಎಸ್ನಿಂದ ವೀರಭದ್ರಯ್ಯ ಹಾಗೂ ಆಮ್ ಆದ್ಮಿ ಪಕ್ಷದಿಂದ ಸಯ್ಯದ್ ಮುಝಾಮಿಲ್ ಪಾಷಾ ಅವರು ಕಣದಲ್ಲಿದ್ದಾರೆ. 1999 ಮತ್ತು 2004ರ ಚುನಾವಣೆಯಲ್ಲಿ ಕಾಂಗ್ರೆಸ್ ಸತತ ಎರಡು ಬಾರಿ ಗೆದ್ದಿದ್ದರೆ, ನಂತರದ ಚುನಾವಣೆಯಲ್ಲಿ ಕಾಂಗ್ರೆಸ್ ಮತ್ತು ಜೆಡಿಎಸ್ ನಡುವೆ ಹಾವು ಏಣಿ ಆಟ ನಡೆಯುತ್ತಿದೆ.
1999ರಲ್ಲಿ ಜೆಡಿಎಸ್ನ ಗಂಗಹನುಮಯ್ಯ ವಿರುದ್ಧ ಕಾಂಗ್ರೆಸ್ನ ಡಾ.ಜಿ.ಪರಮೇಶ್ವರ್ ಅವರು 55 ಸಾವಿರ ಮತಗಳ ಅಂತರದಲ್ಲಿ ಗೆಲುವು ಸಾಧಿಸಿದ್ದರು. 2004 ರ ಚುನಾವಣೆಯಲ್ಲೂ ಪರಮೇಶ್ವರ್ ಅವರು ಸತತ 2ನೇ ಬಾರಿ ಚುನಾಯಿತರಾದರು. ಇವರ ವಿರುದ್ಧ ಜೆಡಿಎಸ್ನ ಹೆಚ್ ಕೆಂಚಮಾರಯ್ಯ ಅವರು ಸೋಲು ಅನುಭವಿಸಿದ್ದರು. 2008ರ ಚುನಾವಣೆಯಲ್ಲಿ ಜೆಡಿಎಸ್ನ ಡಿಸಿ ಗೌರಿಶಂಕರ್ ಚುನಾಯಿತರಾದರೆ ಕಾಂಗ್ರೆಸ್ನ ಕೆಎನ್ ರಾಜಣ್ಣ ಸೋಲು ಅನುಭವಿಸಿದ್ದರು.
2013ರ ಚನಾವಣೆಯಲ್ಲಿ ಕಾಂಗ್ರೆಸ್ನ ರಾಜಣ್ಣ ಅವರು ಜೆಡಿಎಸ್ನ ಎಂವಿ ವೀರಭದ್ರಯ್ಯ ಅವರನ್ನು ಸೋಲಿಸಿದ್ದರು. 2018ರ ಚುನಾವಣೆಯಲ್ಲಿ ಕಾಂಗ್ರೆಸ್ನ ರಾಜಣ್ಣ ಅವರನ್ನು ಜೆಡಿಎಸ್ನ ವೀರಭದ್ರಯ್ಯ ಅವರು ಸೋಲಿಸಿ ಶಾಸಕರಾಗಿ ಆಯ್ಕೆಯಾಗಿದ್ದರು. 18,574 ಮತಗಳ ಅಂತರದಿಂದ ರಾಜಣ್ಣರನ್ನು ವೀರಭದ್ರಯ್ಯ ಅವರು ಸೋಲಿಸಿದ್ದರು.
