ಬಾಯ್​ಫ್ರೆಂಡ್ ಜೊತೆ ಅದ್ಧೂರಿಯಾಗಿ ನಿಶ್ಚಿತಾರ್ಥ ಮಾಡಿಕೊಂಡ ಆಮಿರ್ ಪುತ್ರಿ ಇರಾ ಖಾನ್; ಫೋಟೋ ವೈರಲ್

ಆಮಿರ್ ಖಾನ್ (Aamir Khan) ಹಾಗೂ ರೀನಾ ದತ್ತ ದಂಪತಿ ಮಗಳು ಇರಾ ಖಾನ್​ (Ira Khan) ತಮ್ಮ ಬಹುಕಾಲದ ಬಾಯ್​ ಫ್ರೆಂಡ್​ ನೂಪುರ್‌ ಶಿಖಾರೆ  ಜತೆ ಶುಕ್ರವಾರ (ನ.18) ಮುಂಬೈನಲ್ಲಿ ನಿಶ್ಚಿತಾರ್ಥ (engaged) ಮಾಡಿಕೊಂಡಿದ್ದಾರೆ. ನೂಪುರ್‌ ಶಿಖಾರೆ ಅವರು ಸೆಲೆಬ್ರಿಟಿ ಫಿಟ್ನೆಸ್ ತರಬೇತುದಾರರಾಗಿದ್ದಾರೆ. ಇರಾ ಖಾನ್​ ಮತ್ತು ನೂಪುರ್‌ ಶಿಖಾರೆ ಬಹಳ ವರ್ಷಗಳಿಂದ ಡೇಟಿಂಗ್‌ ಮಾಡುತ್ತಿದ್ದರು. ಸದ್ಯ ಇಬ್ಬರೂ ಪರಸ್ಪರ ರಿಂಗ್​ ಬದಲಾಯಿಸಿಕೊಂಡಿದ್ದಾರೆ. ನಿಶ್ಚಿತಾರ್ಥ ಸಮಾರಂಭದಲ್ಲಿ ನಟ ಆಮಿರ್ ಖಾನ್, ತಾಯಿ ರೀನಾ ದತ್ತಾ, ಆಮಿರ್ ಎರಡನೇ  ಪತ್ನಿ ಆಗಿದ್ದ ಕಿರಣ್ ರಾವ್, ಆಮಿರ್  ಅವರ ಸೋದರಳಿಯ ಇಮ್ರಾನ್ ಖಾನ್ ಮತ್ತು ಅಜ್ಜಿ ಜೀನತ್ ಹುಸೇನ್ ಭಾಗವಹಿಸಿದ್ದರು. ಇರಾ ಖಾನ್​ ತಮ್ಮ ನಿಶ್ಚಿತಾರ್ಥ ಸಮಾರಂಭದ ಸುಂದರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಎಲ್ಲೆಡೆ ವೈರಲ್ ಆಗುತ್ತಿವೆ.

ಕಳೆದ ಎರಡು ವರ್ಷಗಳಿಂದ ಇರಾ ಹಾಗೂ ನೂಪುರ್ ಡೇಟಿಂಗ್ ಮಾಡುತ್ತಿದ್ದರು. ಇದನ್ನು ಇಬ್ಬರೂ ಮುಚ್ಚಿಟ್ಟಿರಲಿಲ್ಲ. ನೂಪುರ್ ಜತೆ ಇರುವ ಹಲವು ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಇರಾ ಈ ಹಿಂದೆ ಹಂಚಿಕೊಳ್ಳುತ್ತಲೇ ಬಂದಿದ್ದರು. ಈಗ ಇಬ್ಬರೂ ಅಧಿಕೃತವಾಗಿ ತಮ್ಮ ಕುಟುಂಬಗಳ ಮುಂದೆ ಎಂಗೇಜ್​ಮೆಂಟ್​ ಮಾಡಿಕೊಂಡಿದ್ದಾರೆ.

ಸೆಲೆಬ್ರಿಟಿ ಫಿಟ್ನೆಸ್ ತರಬೇತುದಾರರಾದ ನೂಪುರ್ ಶಿಖಾರೆ ಅವರು ಕೆಲವು ತಿಂಗಳ ಹಿಂದೆ ಇರಾ ಖಾನ್ ಅವರಿಗೆ ಇಟಲಿಯಲ್ಲಿ ನಡೆದ ತಮ್ಮ ಸೈಕ್ಲಿಂಗ್ ಕಾರ್ಯಕ್ರಮವೊಂದರಲ್ಲಿ ಪ್ರಪೋಸ್ ಮಾಡಿದ್ದರು. ಆ ವಿಡಿಯೋವನ್ನು ನೂಪುರ್  ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು.

ಮಗಳ ಎಂಗೇಜ್​ಮೆಂಟ್​​ ಕಾರ್ಯಕ್ರಮದಲ್ಲಿ ಹೆಜ್ಜೆ ಹಾಕಿದ ಆಮಿರ್ ಖಾನ್

57 ವರ್ಷದ ಆಮಿರ್ ಖಾನ್​ ಅವರು ಬಿಳಿ ಕುರ್ತಾ ಪೈಜಾಮಾದಲ್ಲಿ ತಮ್ಮ ಮಗಳ ನಿಶ್ಚಿತಾರ್ಥ  ಕಾರ್ಯಕ್ರಮದಲ್ಲಿ ಮಿಂಚಿದ್ದಾರೆ. ಅಷ್ಟೇ ಅಲ್ಲದೇ ‘ಪಾಪಾ ಕೆಹತಾ ಹೇ ಬಡಾ ನಾಮ್​ ಕರೇಗಾ..’ ಹಾಡಿಗೆ ಹೆಜ್ಜೆ ಹಾಕಿ ಖುಷಿ ಪಟ್ಟಿದ್ದಾರೆ. ಸದ್ಯ ಆಮಿರ್ ಡ್ಯಾನ್ಸ್​ ಮಾಡಿರು ವಿಡಿಯೋ ಸಖತ್​ ವೈರಲ್​ ಆಗುತ್ತಿದೆ. ‘ಲಾಲ್​ ಸಿಂಗ್​ ಚಡ್ಡಾ’ ಸಿನಿಮಾದ ಸೋಲಿನಿಂದ ಕುಗ್ಗಿ ಹೋಗಿರುವ  ಆಮಿರ್ ಸದ್ಯ ಸಿನಿಮಾ ಮಾಡುವುದರಿಂದ ಬ್ರೇಕ್​ ಪಡೆದುಕೊಂಡಿದ್ದಾರೆ.

ಮತ್ತಷ್ಟು ಮನರಂಜನೆ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.