‘ಬಿಗ್ ಬಾಸ್’ ಲೈವ್​ನಲ್ಲೇ ಸೆ*; ವೈರಲ್ ವಿಡಿಯೋ ನೋಡಿ ಎಲ್ಲರೂ ಶಾಕ್

‘ಬಿಗ್ ಬಾಸ್’ ಫ್ಯಾಮಿಲಿ ಶೋ ಎನ್ನುವ ಖ್ಯಾತಿಗೆ ಪಾತ್ರವಾಗಿತ್ತು. ಆದರೆ, ಈಗ ಶೋಗೆ ಈ ಟೈಟಲ್ ಯಾಕೋ ಹೊಂದಿಕೆ ಆಗುತ್ತಿಲ್ಲ. ಸಾಕಷ್ಟು ವಿವಾದಗಳು ಶೋನಲ್ಲಿ ಆಗುತ್ತವೆ. ಫೈಟ್​ಗಳು ನಡೆದರೆ ಹೇಗೋ ಸಹಿಸಿಕೊಳ್ಳಬಹುದು. ಆದರೆ, ಸ್ಪರ್ಧಿಗಳು ಸಖತ್ ಇಂಟಿಮೇಟ್ ಆಗಿಬಿಟ್ಟರೆ? ಈಗ ಅದೇ ರೀತಿಯ ಘಟನೆ ನಡೆದಿದೆ. ‘ಬಿಗ್ ಬಾಸ್ ಒಟಿಟಿ 3’ನಲ್ಲಿ ಅರ್ಮಾನ್ ಮಲಿಕ್ ಹಾಗೂ ಅವರ ಎರಡನೇ ಪತ್ನಿ ಕೃತಿಕಾ ಮಲಿಕ್ ಬ್ಲ್ಯಾಂಕೇಟ್ ಒಳಗೆ ಇಂಟಿಮೇಟ್ ಆಗಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಹುಟ್ಟುಹಾಕಿದೆ.

ರಾತ್ರಿ ಆದ ಬಳಿಕ ಬಿಗ್ ಬಾಸ್ ಮನೆಯಲ್ಲಿ ಲೈಟ್ ಆಫ್ ಆಗುತ್ತದೆ. ಆದರೆ, ಬಿಗ್ ಬಾಸ್ ಮನೆಯಲ್ಲಿ ಇರುವ ಕ್ಯಾಮೆರಾಗಳು ಎಷ್ಟು ಆಧುನಿಕವಾಗಿರುತ್ತವೆ ಎಂದರೆ ಎಷ್ಟೇ ಕಗ್ಗತ್ತಲು ಇದ್ದರೂ ಕ್ಯಾಮೆರಾ ಕಣ್ಣಲ್ಲಿ ಕಾಣುತ್ತವೆ. ಬಹುಶಃ ಅರ್ಮಾನ್ ಹಾಗೂ ಕೃತಿಕಾ ಇದನ್ನು ಮರೆತಂತೆ ಇದೆ. ಇಬ್ಬರೂ ಮನೆ ಒಳಗೆ ಲೈಂಗಿಕ ಕ್ರಿಯೆ ನಡೆಸಿದ್ದಾರೆ. ಇದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಇದನ್ನು ಖಂಡಿಸೋ ಕೆಲಸ ಆಗುತ್ತಿದೆ.

‘ಇದೊಂದು ರಿಯಾಲಿಟಿ ಶೋ. ಲಕ್ಷಾಂತರ ಮಂದಿ ಇದನ್ನು ನೋಡುತ್ತಾ ಇರುತ್ತಾರೆ. ಅವರಿಬ್ಬರು ಪತಿ-ಪತ್ನಿ ಎಂದ ಮಾತ್ರಕ್ಕೆ ಎಲ್ಲವನ್ನೂ ಮಾಡೋಕೆ ಹಕ್ಕಿದೆ ಎಂದರ್ಥವಲ್ಲ’ ಎಂದು ಕೆಲವರು ಬುದ್ಧಿ ಹೇಳಿದ್ದಾರೆ. ‘ಇಬ್ಬರನ್ನೂ ಮನೆಯಿಂದ ಈಗಲೇ ಹೊರಹಾಕಿ’ ಎಂದು ಕೆಲವರು ಕೇಳಿದ್ದಾರೆ. ಇನ್ನೂ ಕೆಲವರು ‘ಬಿಗ್ ಬಾಸ್ ಹೆಸರನ್ನು ಹಾಳುವ ಮಾಡುವ ಕೆಲಸ ನಡೆಯುತ್ತಿದೆ’ ಎಂದಿದ್ದಾರೆ. ‘ಸಲ್ಮಾನ್ ಖಾನ್ ಶೋ ನಡೆಸುತ್ತಿದ್ದರೆ ಈ ರೀತಿ ಆಗುತ್ತಿರಲಿಲ್ಲ’ ಎಂದು ಕೆಲವರು ಹೇಳಿದ್ದಾರೆ. ಕೆಲವರು ಇದನ್ನು ಎಡಿಟೆಡ್ ವಿಡಿಯೋ ಎಂದಿದ್ದಾರೆ.

ಇದನ್ನೂ ಓದಿ: ‘ಅವಳ ಜೊತೆ ಹಾಯಾಗಿರಲಿ’; ಬಿಗ್ ಬಾಸ್​ನಿಂದ ಬಂದ ಬೆನ್ನಲ್ಲೇ ಪತಿಗೆ ವಿಚ್ಛೇದನ ಕೊಡೋಕೆ ಮುಂದಾದ ಪಾಯಲ್

ಅರ್ಮಾನ್ ಮಲಿಕ್​ಗೆ ಇಬ್ಬರು ಪತ್ನಿಯರು. ಪಾಯಲ್ ಹಾಗೂ ಕೃತಿಕಾ ಎಂಬುದು ಅವರ ಹೆಸರು. ಈ ಮೂವರು ಬಿಗ್ ಬಾಸ್ ಮನೆಗೆ ಬಂದಿದ್ದರು. ಈ ಪೈಕಿ ಕೃತಿಕಾ ಎಲಿಮಿನೇಟ್ ಆಗಿದ್ದು, ಪಾಯಲ್ ಹಾಗೂ ಅರ್ಮಾನ್ ಉಳಿದುಕೊಂಡಿದ್ದಾರೆ. ಮನೆಯಿಂದ ಹೊರ ಹೋದ ಬೆನ್ನಲ್ಲೇ ಪತಿಗೆ ವಿಚ್ಛೇದನ ಕೊಡೋದಾಗಿ ಪಾಯಲ್ ಘೋಷಣೆ ಮಾಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.