68ನೇ ವಯಸ್ಸಿಗೆ ಈಜು ಕಲಿತ ಅನುಪಮ್ ಖೇರ್; ಈ ವಯಸ್ಸಲ್ಲಿ ಚಾಲೆಂಜ್ ಸ್ವೀಕರಿಸೋದೇಕೆ?

ಅನುಪಮ್ ಖೇರ್ ಅವರಿಗೆ ಈಗ 69 ವರ್ಷ ವಯಸ್ಸು. ಈ ವಯಸ್ಸಿನಲ್ಲಿ ಯಾರೂ ಹೊಸದನ್ನು ಕಲಿಯುವ ಸಾಹಸ ಮಾಡಲ್ಲ. ಈಗಿರುವ ವಿದ್ಯೆಗಳೇ ಸಾಕು ಎಂದು ಸುಮ್ಮನಾಗುತ್ತಾರೆ. ಆದರೆ, ಅನುಪಮ್ ಖೇರ್ ಅವರು ಇದಕ್ಕೆ ಭಿನ್ನ. ಅವರು ತಮ್ಮ 68ನೇ ವಯಸ್ಸಿಗೆ ಈಜು ಕಲಿತಿದ್ದಾರೆ! ಹೌದು, ಇದು ಅಚ್ಚರಿ ಎನಿಸಿದರೂ ನಿಜ. ಹಿಂದೆಂದೂ ಕಲಿಯದ ಈ ವಿದ್ಯೆಯನ್ನು ಅವರು ಇಳಿ ವಯಸ್ಸಿನಲ್ಲಿ ಕರಗತ ಮಾಡಿಕೊಂಡಿದ್ದಾರೆ. ಇದಕ್ಕೆ ಕಾರಣ ‘ವಿಜಯ್ 69’ ಹೆಸರಿನ ಸಿನಿಮಾ.

ಈ ಬಗ್ಗೆ ಅನುಪಮ್ ಖೇರ್ ಅವರು ತಮ್ಮ ಅನುಭವ ಹಂಚಿಕೊಂಡಿದ್ದರು. ‘ಮುಂದಿನ ವರ್ಷಗಳಲ್ಲಿ ನಾನು ಹೊಸದಾಗಿ ಏನನ್ನಾದರೂ ಕಲಿಯಲು ಪ್ರಯತ್ನಿಸುತ್ತೇನೆ. ಯಾವಾಗ ಏನು ಬೇಕಾದರೂ ಆಗಬಹುದು. ನನಗೆ ಸ್ವಮ್ಮಿಂಗ್ ಬರುತ್ತಿರಲಿಲ್ಲ. ಆದರೆ, ಆ ನಿಟ್ಟಲ್ಲಿ ನಾನು ಶ್ರಮ ಹಾಕಿದೆ. ನೀವು ಕೂಡ ಹೊಸದನ್ನು ಕಲಿಯಲು ಇದು ಸ್ಫೂರ್ತಿ ನೀಡಬಹುದು. ಇಷ್ಟು ವರ್ಷ ನೀವು ನೀಡಿದ ಪ್ರೀತಿ ಮತ್ತು ಆಶೀರ್ವಾದಗಳಿಗೆ ಧನ್ಯವಾದಗಳು’ ಎಂದಿದ್ದರು ಅನುಪಮ್ ಖೇರ್.

‘ಏನನ್ನಾದರೂ ಹೊಸದು ಮಾಡಬೇಕು ಎಂಬ ಚಾಲೆಂಜ್​ನ ಎಂಟು ವರ್ಷಗಳ ಹಿಂದೆ ನಾನು ತೆಗೆದುಕೊಂಡೆ. ವರ್ಷಗಳ ಹಿಂದೆ ನಾನು ವರ್ಕೌಟ್ ಮಾಡಿ ಫೋಟೋ ಪೋಸ್ಟ್ ಮಾಡಿದ್ದೆ. ಈ ರೀತಿಯ ಫೋಟೋ ಪೋಸ್ಟ್ ಮಾಡಲು ಧೈರ್ಯ ಬೇಕು. ಈಗ ಸ್ವಿಮ್ಮಿಂಗ್ ಚಾಲೆಂಜ್ ತೆಗೆದುಕೊಂಡಿದ್ದೆ’ ಎಂದಿದ್ದರು ಅವರು.

‘ನನಗೆ ನೀರಿನ ಬಗ್ಗೆ ಭಯ ಇತ್ತು. ಆದರೆ, ಈಗ ಅದರಿಂದ ದೂರ ಆಗಿದ್ದೇನೆ. ನಾನು ಈಗ ನೀರಿನಲ್ಲಿ ತೇಲುತ್ತೇನೆ. ನಾನು ಸೈಕ್ಲಿಂಗ್ ಮಾಡುತ್ತೇನೆ. ನಾನು ಓಡಬೇಕು ಎಂದುಕೊಂಡಿದ್ದೇನೆ. ಈ ರೀತಿಯ ಯೋಚನೆಗಳು 60+ ವಯಸ್ಸಿನವರಿಗೆ ಮಾತ್ರವಲ್ಲ, ಯುವಕರಿಗೂ ಸ್ಫೂರ್ತಿ ಕೊಡುತ್ತದೆ’ ಎಂದಿದ್ದಾರೆ ಅನುಪಮ್ ಖೇರ್.

ಇದನ್ನೂ ಓದಿ: ಅನುಪಮ್ ಖೇರ್ ಕಚೇರಿಯನ್ನು ಲೂಟಿ ಮಾಡಿದ ಕಳ್ಳರು; ಸಿಕ್ಕಿದ್ದೇನು?

ಅನುಪಮ್ ಖೇರ್ ಅವರ ನಟನೆಯ ‘ವಿಜಯ್ 69’ ನೆಟ್​ಫ್ಲಿಕ್ಸ್ ಮೂಲಕ ಪ್ರಸಾರ ಕಂಡಿದೆ. ಕಂಗನಾ ರಣಾವತ್ ನಟನೆಯ ‘ಎಮರ್ಜೆನ್ಸಿ’ ಸಿನಿಮಾದಲ್ಲಿ ಜಯ ಪ್ರಕಾಶ್ ನಾರಾಯಣ್ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.