‘ನನ್ನ ಜೀವನದ ರಹಸ್ಯಗಳು ನನ್ನ ಜೊತೆಯೇ ಸಮಾಧಿಯಾಗುತ್ತವೆ, ಅವು ಬಯೋಪಿಕ್ ಆಗಲ್ಲ’; ಸಲ್ಮಾನ್ ಖಾನ್

ಬಾಲಿವುಡ್ ಸೂಪರ್‌ಸ್ಟಾರ್ ಸಲ್ಮಾನ್ ಖಾನ್ ತಮ್ಮ ಜೀವನದ ಕುರಿತು ಅಚ್ಚರಿಯ ಹೇಳಿಕೆಯೊಂದನ್ನು ನೀಡಿದ್ದಾರೆ. ಕರಣ್ ಜೋಹರ್ ನಡೆಸಿಕೊಡುವ ಜನಪ್ರಿಯ ‘ಕಾಫಿ ವಿತ್ ಕರಣ್’ ಸೀಸನ್ 9 ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅವರು, ತಮ್ಮ ಜೀವನದ ಕಥೆಗಳು ಎಂದಿಗೂ ಬಯಲಾಗುವುದಿಲ್ಲ ಎಂದಿದ್ದಾರೆ. ನನ್ನ ಬಯೋಪಿಕ್ ಸಿನಿಮಾ ನಿರ್ಮಾಣವಾಗಲು ಸಾಧ್ಯವಿಲ್ಲ ಎಂದು ಅವರು ಖಡಾಖಂಡಿತವಾಗಿ ತಿಳಿಸಿದ್ದಾರೆ. ಈ ಕುರಿತು ಎಲ್ಲೆಡೆ ಚರ್ಚೆ ಶುರುವಾಗಿದೆ.

ಕರಣ್ ಜೋಹರ್ ನಡೆಸಿಕೊಡುವ ಈ ಖ್ಯಾತ ಶೋನಲ್ಲಿ ಸಲ್ಮಾನ್ ಖಾನ್ ಅತ್ಯಂತ ಖುಷಿಯ ಮೂಡ್‌ನಲ್ಲಿದ್ದರು. ಮಕ್ಕಳನ್ನು ಹೊಂದುವ ತಮ್ಮ ಆಸೆಯ ಬಗ್ಗೆಯೂ ಅವರು ಮುಕ್ತವಾಗಿ ಮಾತನಾಡಿದರು. ಪಾಪರಾಜಿಗಳ ವರ್ತನೆಯ ಬಗ್ಗೆ ಇತ್ತೀಚೆಗೆ ತಾವು ನೀಡಿದ ಎಚ್ಚರಿಕೆಯ ವಿಚಾರವನ್ನೂ ಅವರು ಮೆಲುಕು ಹಾಕಿದರು. ನಂತರ ನಟಿ ಕರಿಷ್ಮಾ ಕಪೂರ್ ಜೊತೆಗೂಡಿ ಅವರು ರಾಪಿಡ್ ಫೈರ್ ರೌಂಡ್‌ನಲ್ಲಿ ಭಾಗವಹಿಸಿ ಎಂಜಾಯ್ ಮಾಡಿದರು.

ಕಾರ್ಯಕ್ರಮದ ವೇಳೆ ಕರಿಷ್ಮಾ ಕಪೂರ್ ಅವರು ಸಲ್ಮಾನ್‌ಗೆ ಒಂದು ಕುತೂಹಲಕಾರಿ ಪ್ರಶ್ನೆ ಕೇಳಿದರು. ನಿಮ್ಮ ಜೀವನದ ಬಯೋಪಿಕ್ ಬಂದರೆ ಯಾವ ನಿರ್ದೇಶಕರು ಸೂಕ್ತ ಎಂದು ಪ್ರಶ್ನಿಸಿದರು. ಅದಕ್ಕೆ ಸಲ್ಮಾನ್ ಬಹಳ ಚಾಣಾಕ್ಷತನದಿಂದ ತಮಾಷೆಯ ಉತ್ತರಗಳನ್ನು ನೀಡಿದರು. ಡೇವಿಡ್ ಧವನ್, ಸಂಜಯ್ ಲೀಲಾ ಬನ್ಸಾಲಿ ಹಾಗೂ ಕಬೀರ್ ಖಾನ್ ಹೆಸರುಗಳನ್ನು ಅವರು ಉಲ್ಲೇಖ ಮಾಡಿದರು.

ಒಂದು ವೇಳೆ ಕಾಮಿಡಿ ಸಿನಿಮಾ ಮಾಡುವುದಾದರೆ ಡೇವಿಡ್ ಧವನ್ ಸೂಕ್ತ ಎಂದರು. ಟ್ರ್ಯಾಜಿಕ್ ಲವ್ ಸ್ಟೋರಿ ಆದರೆ ಸಂಜಯ್ ಲೀಲಾ ಬನ್ಸಾಲಿ ಉತ್ತಮ ಎಂದರು. ಪ್ರೀತಿಯ ಕಥೆಗಳಿಗಾದರೆ ಸೂಪರ್ ಬರ್ಜಾತ್ಯಾ ಮತ್ತು ಆಕ್ಷನ್ ಸಿನಿಮಾಗೆ ಕಬೀರ್ ಖಾನ್ ಎಂದರು. ‘ನನ್ನ ಜೀವನದ ಬಯೋಪಿಕ್ ಎಂದಿಗೂ ಬರುವುದಿಲ್ಲ. ನನ್ನ ಜೀವನದ ರಹಸ್ಯಗಳು ನನ್ನ ಜೊತೆಗೆ ಸಮಾಧಿಯಾಗುತ್ತವೆ’ ಎಂದು ಹೇಳಿದರು.

ಇದನ್ನೂ ಓದಿ: ‘ನೀವು ಇನ್ನೂ ವರ್ಜಿನ್ ಆಗಿದ್ದೀರಾ?’; ಸಲ್ಮಾನ್ ಖಾನ್​ಗೆ ಕರಣ್ ಜೋಹರ್ ನೇರ ಪ್ರಶ್ನೆ

ಇನ್ನು ಸಲ್ಮಾನ್ ಖಾನ್ ಅವರ ಮುಂದಿನ ಸಿನಿಮಾಗಳ ಬಗ್ಗೆ ನೋಡುವುದಾದರೆ, ಅವರು ಸದ್ಯ ಮುರುಗದಾಸ್ ನಿರ್ದೇಶನದ ‘ಸಿಕಂದರ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಮುಂದಿನ ದಿನಗಳಲ್ಲಿ ಭರ್ಜರಿಯಾಗಿ ಬಿಡುಗಡೆಯಾಗಲಿದೆ. ಈ ಚಿತ್ರದ ಮೇಲೆ ಅಭಿಮಾನಿಗಳಲ್ಲಿ ಭಾರೀ ನಿರೀಕ್ಷೆಯಿದ್ದು, ಸಲ್ಮಾನ್ ಮತ್ತೊಮ್ಮೆ ಬಾಕ್ಸಾಫೀಸ್ ಕೊಳ್ಳೆಹೊಡೆಯಲು ಭರ್ಜರಿಯಾಗಿ ಸಜ್ಜಾಗುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.