ದಿಶಾ ಪಟಾನಿಯ ತಂಟೆಗೆ ಬಂದವರ ಮೈ ಮೂಳೆ ಮುರಿಯೋದು ಗ್ಯಾರಂಟಿ; ಈ​ ವಿಡಿಯೋ ನೋಡಿ

ಖ್ಯಾತ ನಟಿ ದಿಶಾ ಪಟಾನಿ (Disha Patani) ಅವರಿಗೆ ಬಾಲಿವುಡ್​ನಲ್ಲಿ ಸಖತ್​ ಬೇಡಿಕೆ ಇದೆ. ಸ್ಟಾರ್​ ನಟರ ಜೊತೆ ಅಭಿನಯಿಸಿ ಅವರು ಸೈ ಎನಿಸಿಕೊಂಡಿದ್ದಾರೆ. ಹಲವು ಸೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿದ ಕೀರ್ತಿ ಅವರಿಗೆ ಸಲ್ಲುತ್ತದೆ. ಇನ್ನು ಫಿಟ್ನೆಸ್​  (Fitness) ವಿಚಾರದಲ್ಲೂ ಅವರು ಫೇಮಸ್​. ಎಷ್ಟೇ ಬ್ಯುಸಿ ಇದ್ದರೂ ಅವರು ಜಿಮ್​ನಲ್ಲಿ ವರ್ಕೌಟ್​ ಮಾಡುವುದನ್ನು ತಪ್ಪಿಸುವುದಿಲ್ಲ. ಅದೇ ರೀತಿ ಡಯೆಟ್​ ಬಗ್ಗೆಯೂ ಅವರು ಸಖತ್​ ಕಾಳಜಿ ವಹಿಸುತ್ತಾರೆ. ಈ ಎಲ್ಲ ಕಾರಣಗಳಿಂದಾಗಿ ಅವರು ಬಿ-ಟೌನ್​ ಸೆಲೆಬ್ರಿಟಿಗಳ​ ವಲಯದಲ್ಲಿ ತಮ್ಮದೇ ಛಾಪು ಮೂಡಿಸಿದ್ದಾರೆ. ಇತ್ತೀಚೆಗೆ ದಿಶಾ ಪಟಾನಿ ಅವರು ಸೋಶಿಯಲ್​ ಮಿಡಿಯಾದಲ್ಲಿ ಒಂದು ವಿಡಿಯೋ (Viral Video) ಹಂಚಿಕೊಂಡಿದ್ದಾರೆ. ಅದು ಸಖತ್​ ವೈರಲ್​ ಆಗುತ್ತಿದೆ. ಫಿಟ್ನೆಸ್​ ಕುರಿತಾಗಿ ದಿಶಾ ಪಟಾನಿ ಆಗಾಗ ಕೆಲವು ವಿಡಿಯೋ ಶೇರ್​ ಮಾಡಿಕೊಳ್ಳುತ್ತಾರೆ. ಆದರೆ ಈ ಬಾರಿ ಅವರು ಹಂಚಿಕೊಂಡಿರುವುದು ಸ್ವಲ್ಪ ರಗಡ್​ ಆಗಿದೆ. ತಮ್ಮನ್ನು ಕೆಣಕಲು ಬಂದ ಪೋಲಿ ಹುಡುಗರಿಗೆ ಅವರು ತಕ್ಕ ಪಾಠ ಕಲಿಸಿದ್ದಾರೆ. ಇದೆಲ್ಲವೂ ಮನರಂಜನೆ ಸಲುವಾಗಿ ಅವರು ಮಾಡಿದ್ದಾದರೂ ತುಂಬ ಮಸ್ತ್​ ಆಗಿದೆ ಎನ್ನುತ್ತಿದ್ದಾರೆ ಅಭಿಮಾನಿಗಳು.

ವಿಡಿಯೋದಲ್ಲಿ ಏನಿದೆ?
ಎಂದಿನಂತೆ ದಿಶಾ ಪಟಾನಿ ಜಿಮ್​ಗೆ ಎಂಟ್ರಿ ನೀಡುತ್ತಾರೆ. ಆಗ ಒಬ್ಬ ಹುಡುಗ ಬಂದು ಅವರನ್ನು ಕೆಣಕುತ್ತಾನೆ. ಅಷ್ಟೇ ಅಲ್ಲ, ತೀರಾ ಹತ್ತಿರಕ್ಕೆ ಬಂದು ದಿಶಾ ಪಟಾನಿ ಅವರನ್ನು ಮುಟ್ಟಲು ಪ್ರಯತ್ನಿಸುತ್ತಾನೆ. ಆಗ ಅವನನ್ನು ತಡೆಯುತ್ತಾರೆ ದಿಶಾ. ಇದರಿಂದ ಸಿಟ್ಟಾದ ಆ ಯುವಕ, ಹೊಡೆದಾಟಕ್ಕೆ ಮುಂದಾಗುತ್ತಾನೆ. ಆತ ದಿಶಾ ಪಟಾನಿ ಅವರು ತಮ್ಮ ಅಸಲಿ ರೂಪ ತೋರಿಸುತ್ತಾರೆ. ತಮ್ಮ ಮೇಲೆ ಕೈ ಮಾಡಲು ಬಂದ ಹುಡುಗನ ಮೈ ಮೂಳೆ ಮುರಿಯುವ ರೀತಿಯಲ್ಲಿ ಫೈಟ್​ ಮಾಡುತ್ತಾರೆ. ಹೊಡೆದು ಆತನನ್ನು ನೆಲಕ್ಕುರುಳಿಸಿ ಅಲ್ಲಿಂದ ಹೊರಟು ಹೋಗುತ್ತಾರೆ.

ಇದನ್ನೂ ಓದಿ: ಬಿಕಿನಿಯಲ್ಲಿ ಹಾಟ್ ಆಗಿ ಕಾಣಿಸಿಕೊಂಡ ದಿಶಾ ಪಟಾನಿ

ಸಖತ್​ ವೈರಲ್​ ಆಗಿದೆ ವಿಡಿಯೋ:
ದಿಶಾ ಪಟಾನಿ ಅವರು ನಟನೆ ಜೊತೆಗೆ ಜೊತೆಗೆ ಮಾರ್ಷಲ್​ ಆರ್ಟ್​ ಕೂಡ ಕಲಿತಿದ್ದಾರೆ. ತಮ್ಮ ತಾಕತ್ತು ಏನು ಎಂಬುದನ್ನು ಈ ವಿಡಿಯೋದಲ್ಲಿ ಅವರು ತೋರಿಸಿದ್ದಾರೆ. ಇನ್​ಸ್ಟಾಗ್ರಾಮ್​ನಲ್ಲಿ ಈ ವಿಡಿಯೋ ಹಂಚಿಕೊಂಡ ಕೆಲವೇ ಗಂಟೆಗಳಲ್ಲಿ 60 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಣೆ ಕಂಡಿದೆ. 9 ಲಕ್ಷಕ್ಕೂ ಹೆಚ್ಚು ಜನರು ಲೈಕ್​ ಮಾಡಿದ್ದಾರೆ. ಸಾವಿರಾರು ಕಮೆಂಟ್​ಗಳ ಮೂಲಕ ಅಭಿಮಾನಿಗಳು ಮೆಚ್ಚುಗೆ ಸೂಚಿಸಿದ್ದಾರೆ.

(ದಿಶಾ ಪಟಾನಿ ಹಂಚಿಕೊಂಡ ವಿಡಿಯೋ ಇಲ್ಲಿದೆ)

2015ರಲ್ಲಿ ತೆಲುಗಿನ ‘ಲೋಫರ್​’ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ದಿಶಾ ಪಟಾನಿ ಕಾಲಿಟ್ಟರು. ನಂತರ ಅವರು ನಟಿಸಿದ ‘ಎಂ.ಎಸ್​. ಧೋನಿ: ದಿ ಅನ್​ಟೋಲ್ಡ್​ ಸ್ಟೋರಿ’ ಸಿನಿಮಾ ಸೂಪರ್ ಹಿಟ್​ ಆಯಿತು. ಆ ಬಳಿಕ ಅವರು ಹಲವು ಹಿಂದಿ ಸಿನಿಮಾಗಳಲ್ಲಿ ನಟಿಸಿ ಜನಮನ ಗೆದ್ದರು. ಈಗ ಅವರ ಕೈಯಲ್ಲಿ ಹಲವು ಪ್ರಾಜೆಕ್ಟ್​ಗಳಿವೆ.

ಇನ್​ಸ್ಟಾಗ್ರಾಮ್​ನಲ್ಲಿ ದಿಶಾ ಪಟಾನಿ ಅವರನ್ನು 5 ಕೋಟಿಗೂ ಅಧಿಕ ಜನರು ಫಾಲೋ ಮಾಡುತ್ತಿದ್ದಾರೆ. ಅಭಿಮಾನಿಗಳಿಗಾಗಿ ಅವರು ಹಲವು ಬಗೆಯ​ ಫೋಟೋ ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾರೆ. ಇನ್ನು, ನಟ ಟೈಗರ್​ ಶ್ರಾಫ್​ ಜೊತೆಗಿನ ಪ್ರೇಮ್​ ಕಹಾನಿಯ ಕಾರಣಕ್ಕೂ ದಿಶಾ ಆಗಾಗ ಸುದ್ದಿ ಆಗುತ್ತಾರೆ. ಆದರೆ ತಮ್ಮ ಪ್ರೀತಿ-ಪ್ರೇಮದ ಬಗ್ಗೆ ಅವರು ಈವರೆಗೂ ಸಾರ್ವಜನಿಕವಾಗಿ ಹೇಳಿಕೊಂಡಿಲ್ಲ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.