Malaika Arora: ಮಾಜಿ ಗಂಡನನ್ನು ತಬ್ಬಿಕೊಂಡ ಮಲೈಕಾ ಅರೋರಾ; ಬಗೆಬಗೆಯಲ್ಲಿ ಕಮೆಂಟ್​ ಮಾಡಿದ ನೆಟ್ಟಿಗರು

ನಟಿ, ಡ್ಯಾನ್ಸರ್​ ಮಲೈಕಾ ಅರೋರಾ (Malaika Arora) ಅವರು ಸಾಕಷ್ಟು ಜನಪ್ರಿಯತೆ ಹೊಂದಿದ್ದಾರೆ. ಸಿನಿಮಾಗಳಿಗಿಂತಲೂ ಅವರು ಖಾಸಗಿ ಜೀವನದ ಕಾರಣಕ್ಕೆ ಸುದ್ದಿ ಆಗಿದ್ದೇ ಹೆಚ್ಚು. 49ರ ಪ್ರಾಯದ ಮಲೈಕಾ ಅರೋರಾ ಅವರಿಗೆ ಫಿಟ್ನೆಸ್​ ಬಗ್ಗೆ ಎಲ್ಲಿಲ್ಲದ ಕಾಳಜಿ. ಹಲವು ವರ್ಷಗಳ ಹಿಂದೆಯೇ ಅವರು ಪತಿ ಅರ್ಬಾಜ್​ ಖಾನ್​ಗೆ ವಿಚ್ಛೇದನ ನೀಡಿದರು. ಈ ಜೋಡಿಯ ಮಗನ ಹೆಸರು ಅರ್ಹಾನ್​ ಖಾನ್​. 20ರ ಹರೆಯದ ಅರ್ಹಾನ್​ (Arhaan Khan) ಈಗ ಅಮೆರಿಕದಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. ಇತ್ತೀಚೆಗೆ ಅವರನ್ನು ಅಮೆರಿಕಗೆ ಕಳುಹಿಸಿಕೊಡಲು ವಿಮಾನ ನಿಲ್ದಾಣದವರೆಗೆ ಮಲೈಕಾ ಅರೋರಾ ಮತ್ತು ಅರ್ಬಾಜ್​ ಖಾನ್​ (Arbaaz Khan) ಬಂದಿದ್ದರು. ಆಗ ಅವರಿಬ್ಬರು ಪರಸ್ಪರ ತಬ್ಬಿಕೊಂಡಿದ್ದಾರೆ. ಈ ವಿಡಿಯೋ ವೈರಲ್​ ಆಗಿದೆ. ಅದನ್ನು ನೋಡಿದ ನೆಟ್ಟಿಗರು ಹಲವು ಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ.

ವಿಚ್ಛೇದನದ ಬಳಿಕ ಕೆಲವು ಮಾಜಿ ದಂಪತಿಗಳು ವೈರಿಗಳಂತೆ ವರ್ತಿಸುತ್ತಾರೆ. ಆದರೆ ಅರ್ಬಾಜ್​ ಖಾನ್​ ಮತ್ತು ಮಲೈಕಾ ಅರೋರಾ ಅವರು ಆ ರೀತಿ ಇಲ್ಲ. ಪುತ್ರನ ಸಲುವಾಗಿ ಅವರು ತಮ್ಮ ನಡುವಿನ ಆಪ್ತತೆಯನ್ನು ಉಳಿಸಿಕೊಂಡಿದ್ದಾರೆ. ಮಗನನ್ನು ಮುಂಬೈ ವಿಮಾನ ನಿಲ್ದಾಣದಲ್ಲಿ ಬೀಳ್ಕೊಟ್ಟ ಬಳಿಕ ಮಲೈಕಾ ಅರೋರಾ ಮತ್ತು ಅರ್ಬಾಜ್​ ಖಾನ್​ ಅವರು ತಬ್ಬಿಕೊಂಡಿದ್ದಾರೆ. ಅವರಿಬ್ಬರ ನಡುವೆ ಉತ್ತಮ ಮನೋಭಾವ ಇದೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ.

‘ಇದಕ್ಕೆ ಪ್ರಭುದ್ಧತೆ ಎನ್ನುವುದು’ ಅಂತ ನೆಟ್ಟಿಗರೊಬ್ಬರು ಕಮೆಂಟ್​ ಮಾಡಿದ್ದಾರೆ. ‘ಅವರಿಗೆ ವಿಚ್ಛೇದನ ಆಗಿದೆ. ಇಬ್ಬರೂ ತಮ್ಮ ತಮ್ಮ ಬದುಕಿನ ದಾರಿಯಲ್ಲಿ ಮುಂದೆ ಸಾಗಿದ್ದಾರೆ. ಆದರೂ ಕೂಡ ಮಗನ ಸಲುವಾಗಿ ಅವರು ಒಂದಾಗುತ್ತಾರೆ. ಅಗತ್ಯ ಇದ್ದಾಗಲೆಲ್ಲ ಮಗನಿಗಾಗಿ ಜೊತೆಯಾಗುತ್ತಾರೆ. ದ್ವೇಷಿಸುವವರು ಏನೇ ಹೇಳಬಹುದು. ಆದರೆ ಇವರಿಬ್ಬರು ಉತ್ತಮ ಪೋಷಕರು’ ಎಂಬ ಕಮೆಂಟ್​ ಸಹ ಬಂದಿದೆ.

ಮಲೈಕಾ ಅರೋರಾ ಹಾಗೂ ಅರ್ಬಾಜ್​ ಖಾನ್​ ಅವರು ಕಿತ್ತಾಡಿಕೊಂಡಿಲ್ಲ. ಒಬ್ಬರಿಗೊಬ್ಬರು ಗೌರವ ನೀಡುತ್ತಾರೆ. ಈ ಗುಣವನ್ನು ನೆಟ್ಟಿಗರು ಇಷ್ಟಪಟ್ಟಿದ್ದಾರೆ. ಗೌರವಯುತವಾಗಿ ನಡೆದುಕೊಳ್ಳುವುದನ್ನು ಇವರನ್ನು ನೋಡಿ ಕಲಿಯಬೇಕು ಎಂದು ಹಲವು ಅಭಿಮಾನಿಗಳು ತಮ್ಮ ಅನಿಸಿಕೆ ತಿಳಿಸಿದ್ದಾರೆ. ಅರ್ಬಾಜ್​ ಖಾನ್​ ಅವರಿಂದ ದೂರಾದ ಬಳಿಕ ಮಲೈಕಾ ಅರೋರಾ ಅವರು ಅರ್ಜುನ್​ ಕಪೂರ್ ಜೊತೆ ಡೇಟಿಂಗ್​ ಶುರು ಮಾಡಿಕೊಂಡರು.

ಅನೇಕ ಸಂದರ್ಭದಲ್ಲಿ ಅರ್ಜುನ್​ ಕಪೂರ್​ ಮತ್ತು ಮಲೈಕಾ ಅರೋರಾ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಮದುವೆ ವಿಚಾರದಲ್ಲಿ ಈ ಜೋಡಿ ಯಾವುದೇ ನಿರ್ಧಾರ ತೆಗೆದುಕೊಂಡಂತಿಲ್ಲ. ಇಬ್ಬರು ನಡುವೆ ವಯಸ್ಸಿನ ಅಂತರ ಇದೆ. ಮಲೈಕಾಗಿಂತ ಅರ್ಜುನ್​ ಕಪೂರ್​ ಅವರು 12 ವರ್ಷ ಚಿಕ್ಕವರು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.