ಬಾಲಿವುಡ್ ಹೀರೋಗಳ ಪೈಕಿ ಅತಿ ದುಬಾರಿ ಬಂಗಲೆ ಹೊಂದಿರುವ ನಟ ಯಾರು?

ಬಾಲಿವುಡ್​ನಲ್ಲಿ ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಮಿತಾಭ್ ಬಚ್ಚನ್ ಮುಂತಾದವರು ಬಹುಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಇವರೆಲ್ಲರ ಬಂಗಲೆಗಳು ವೈಭವದಿಂದ ಕೂಡಿವೆ. ಆದರೆ ಅತಿ ದುಬಾರಿ ಮನೆ ಹೊಂದಿರುವುದು ಈ ನಟರಲ್ಲ! ಬಾಲಿವುಡ್​ನಲ್ಲಿ ತುಂಬ ದುಬಾರಿಯಾದ ಮನೆ ಇರುವುದು ಸೈಫ್ ಅಲಿ ಖಾನ್ ಅವರ ಹೆಸರಿನಲ್ಲಿ. ಹೌದು, ವಂಶ ಪಾರಂಪರ್ಯವಾಗಿ ಬಂದ ಪ್ಯಾಲೇಸ್ ಸೈಫ್ ಅಲಿ ಖಾನ್ ಅವರ ಹೆಸರಿನಲ್ಲಿ ಇದೆ. ಇದರ ಬೆಲೆ ಬರೋಬ್ಬರಿ 800 ಕೋಟಿ ರೂಪಾಯಿ ಎನ್ನಲಾಗಿದೆ.

ಸೈಫ್ ಅಲಿ ಖಾನ್ ಅವರು ಹಲವು ವರ್ಷಗಳಿಂದ ಬಾಲಿವುಡ್​ನಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಅನೇಕ ಸಿನಿಮಾಗಳ ಮೂಲಕ ಅವರು ಜನರಿಗೆ ಮನರಂಜನೆ ನೀಡಿದ್ದಾರೆ. ಇತ್ತೀಚೆಗೆ ಮುಂಬೈನ ಅವರ ಅಪಾರ್ಟ್​ಮೆಂಟ್​ನಲ್ಲಿ ದರೋಡೆಕೋರರು ದಾಳಿ ಮಾಡಿದ್ದರು. ಆ ಅಪಾರ್ಟ್​ಮೆಂಟ್​ ಹೊರತುಪಡಿಸಿ ಇನ್ನೂ ಅನೇಕ ಕಡೆಗಳಲ್ಲಿ ಸೈಫ್ ಅಲಿ ಖಾನ್ ಅವರ ಆಸ್ತಿ ಇದೆ. ಅವುಗಳಲ್ಲಿ ಪಟೌಡಿ ಪ್ಯಾಲೇಸ್ ಕೂಡ ಒಂದು.

ಸೈಫ್ ಅಲಿ ಖಾನ್ ಅವರದ್ದು ರಾಜಮನೆತನ. ಅವರು ಪಟೌಡಿ ಮನೆತನಕ್ಕೆ ಸೇರಿದವರು. ಈಗ ಈ ಮನೆತನಕ್ಕೆ ಸೈಫ್ ಅಲಿ ಖಾನ್ ಅವರೇ ಹಿರಿಯ ವ್ಯಕ್ತಿ. ಈ ವಂಶಕ್ಕೆ ಸೇರಿದ ಪಟೌಡಿ ಪ್ಯಾಲೇಸ್​ ಹರಿಯಾಣದಲ್ಲಿದೆ. ಅದು ಸೈಫ್ ಅಲಿ ಖಾನ್ ಅವರ ಒಡೆತನದಲ್ಲಿದೆ. 800 ಕೋಟಿ ರೂಪಾಯಿ ಬೆಲೆಬಾಳುವ ಈ ಪ್ಯಾಲೇಸ್​ಗೆ ಹೋಲಿಸಿದರೆ ಶಾರುಖ್ ಖಾನ್​ ಅವರು 200 ಕೋಟಿ ರೂಪಾಯಿ ಬೆಲೆಬಾಳುವ ‘ಮನ್ನತ್’ ಬಂಗಲೆ ಕೂಡ ಚಿಕ್ಕದು ಎನಿಸುತ್ತದೆ!

ಇದನ್ನೂ ಓದಿ: ಹಲ್ಲೆ ಬಳಿಕ ಮೊದಲ ಬಾರಿಗೆ ಈವೆಂಟ್​ಗೆ ಬಂದ ಸೈಫ್ ಅಲಿ ಖಾನ್; ಕಾಣಿಸ್ತಿದೆ ಗಾಯದ ಗುರುತು

ಪಟೌಡಿ ಪ್ಯಾಲೇಸ್ ನಿರ್ಮಾಣ ಆಗಿದ್ದು 1930 ಸುಮಾರಿಗೆ ಎಂಬ ಮಾಹಿತಿ ಇದೆ. 10 ಎಕರೆ ವಿಸ್ತೀರ್ಣದಲ್ಲಿ ಇದನ್ನು ಕಟ್ಟಲಾಗಿದೆ. ಇದರಲ್ಲಿ 150 ಕೊಠಡಿಗಳು ಇವೆ. ಇಲ್ಲಿ ಸೈಫ್ ಅಲಿ ಖಾನ್ ಅವರು ಸದಾ ಕಾಲ ವಾಸ ಮಾಡುವುದಿಲ್ಲ. ಕುಟುಂಬದ ಜೊತೆ ರಜೆಯ ಮಜಾ ಸವಿಯಲು ಮಾತ್ರ ಅವರು ಇಲ್ಲಿಗೆ ಬರುತ್ತಾರೆ. ಸೈಫ್ ಅಲಿ ಖಾನ್, ಪತ್ನಿ ಕರೀನಾ ಕಪೂರ್​ ಖಾನ್, ಮಕ್ಕಳಾದ ಜೇಹ್ ಅಲಿ ಖಾನ್, ತೈಮೂರ್ ಅಲಿ ಖಾನ್ ಅವರು ಈ ಪ್ಯಾಲೇಸ್​ಗೆ ಆಗಾಗ ಭೇಟಿ ನೀಡುತ್ತಾರೆ. ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾದ ಕೆಲವು ದೃಶ್ಯಗಳನ್ನು ಈ ಪ್ಯಾಲೇಸ್​ನಲ್ಲಿ ಚಿತ್ರೀಕರಣ ಮಾಡಲಾಗಿತ್ತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.