ಸಲ್ಮಾನ್ ಖಾನ್ ಒಟ್ಟೂ ಆಸ್ತಿ ಮೊತ್ತ ಇಷ್ಟೊಂದಾ? ಸ್ಟಾರ್ ನಟನ ಪ್ರಾಪರ್ಟಿ ಬಗ್ಗೆ ಇಲ್ಲಿದೆ ಮಾಹಿತಿ

ಸಲ್ಮಾನ್ ಖಾನ್ (Salman Khan) ಅವರು ಬಾಲಿವುಡ್​ ಬಾಕ್ಸ್ ಆಫೀಸ್ ಸುಲ್ತಾನ್ ಎಂದೇ ಫೇಮಸ್. ಅನೇಕ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿರುವ ಅವರು ಇನ್ನೂ ಮದುವೆ ಆಗಿಲ್ಲ. ಭಾರತ ಕಂಡ ಸೂಪರ್ ಸ್ಟಾರ್​ಗಳ ಪೈಕಿ ಸಲ್ಮಾನ್ ಖಾನ್​​ ಮುಂಚೂಣಿಯಲ್ಲಿ ನಿಲ್ಲುತ್ತಾರೆ. ಅವರಿಗೆ ವಿಶ್ವಾದ್ಯಂತ ಫ್ಯಾನ್ಸ್ ಇದ್ದಾರೆ. ಹಿರಿತೆರೆ ಜೊತೆಗೆ ಕಿರುತೆರೆಯಲ್ಲೂ ಸಲ್ಲು ಆ್ಯಕ್ಟೀವ್ ಆಗಿದ್ದಾರೆ. ಪ್ರತಿಷ್ಠಿತ ‘ಬಿಗ್ ಬಾಸ್​’ (Bigg Boss) ಶೋನ ಅವರು ಹಿಂದಿಯಲ್ಲಿ ನಡೆಸಿಕೊಡುತ್ತಿದ್ದಾರೆ. ಸಲ್ಮಾನ್ ಖಾನ್ ಇದಕ್ಕೆಲ್ಲ ಕೋಟ್ಯಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಅನೇಕ ಕಡೆಗಳಲ್ಲಿ ಅವರು ಹೂಡಿಕೆ ಮಾಡಿದ್ದಾರೆ. ಅನೇಕ ಬ್ರ್ಯಾಂಡ್​ಗಳಿಗೆ ಅವರು ಅಂಬಾಸಿಡರ್ ಆಗಿದ್ದಾರೆ. ಇದರಿಂದಲೂ ಸಲ್ಲುಗೆ ಹಣ ಬರುತ್ತದೆ. ಹಾಗಾದರೆ, ಸಲ್ಮಾನ್ ಖಾನ್ ಹೊಂದಿರುವ ಒಟ್ಟೂ ಆಸ್ತಿ ಎಷ್ಟು? ಆ ಬಗ್ಗೆ ಇಲ್ಲಿದೆ ವಿವರ.

100 ಕೋಟಿ ರೂ. ಸಂಭಾವನೆ ಪಡೆಯುವ ನಟ

ಸಲ್ಮಾನ್ ಖಾನ್ ಅವರ ಸಿನಿಮಾಗಳು ಬಾಕ್ಸ್ ಆಫೀಸ್​ನಲ್ಲಿ ಒಳ್ಳೆಯ ಬಿಸ್ನೆಸ್ ಮಾಡುತ್ತವೆ. ಫ್ಲಾಪ್ ಸಿನಿಮಾಗಳು ಕೂಡ 150 ಕೋಟಿ ರೂಪಾಯಿಗೂ ಅಧಿಕ ಬಿಸ್ನೆಸ್ ಮಾಡಿದ ಉದಾಹರಣೆ ಇದೆ. ಇದು ಸಲ್ಲು ತಾಕತ್ತು. ಸಲ್ಮಾನ್ ನಟನೆಯ ಸಿನಿಮಾಗಳ ಒಟಿಟಿ ಹಾಗೂ ಟಿವಿ ಹಕ್ಕು ದೊಡ್ಡ ಮೊತ್ತಕ್ಕೆ ಸೇಲ್ ಆಗುತ್ತದೆ. ಈ ಎಲ್ಲಾ ಕಾರಣಕ್ಕೆ ಸಲ್ಲುಗೆ ಹೆಚ್ಚು ಸಂಭಾವನೆ ನೀಡೋಕೆ ನಿರ್ಮಾಪಕರು ತುದಿಗಾಲಿನಲ್ಲಿ ನಿಲ್ಲುತ್ತಾರೆ. ಪ್ರತಿ ಸಿನಿಮಾಗೆ ಅವರು 100+ ಕೋಟಿ ರೂಪಾಯಿ ಹಣ ಪಡೆಯುತ್ತಾರೆ ಎನ್ನಲಾಗಿದೆ. ಇದರ ಜೊತೆಗೆ ಬಿಗ್ ಬಾಸ್ ನಡೆಸಿಕೊಡೋದಕ್ಕೂ ಅವರಿಗೆ ದೊಡ್ಡ ಮೊತ್ತದ ಸಂಭಾವನೆ ಸಿಗುತ್ತದೆ.

ಬಾಂದ್ರಾ ಅಪಾರ್ಟ್​ಮೆಂಟ್​

ಸಲ್ಮಾನ್ ಖಾನ್ ಅವರ ಕುಟುಂಬ ಬಾಂದ್ರಾದ ಗ್ಯಾಲಾಕ್ಸಿ ಅಪಾರ್ಟ್​ಮೆಂಟ್​ನಲ್ಲಿ ವಾಸವಾಗಿದೆ. ಈ ಅಪಾರ್ಟ್​ಮೆಂಟ್ ಎದುರು ಸದಾ ಫ್ಯಾನ್ಸ್​ ನೆರೆದಿರುತ್ತಾರೆ. ಈ ಅಪಾರ್ಟ್​​ಮೆಂಟ್​ನ ಮೌಲ್ಯ 100 ಕೋಟಿ ರೂಪಾಯಿಗೂ ಹೆಚ್ಚಿದೆ ಎಂದು ಅಂದಾಜಿಸಲಾಗಿದೆ.

ಪನ್ವೇಲ್ ಫಾರ್ಮ್​ಹೌಸ್

ಸಲ್ಮಾನ್ ಖಾನ್ ಅವರು ಮುಂಬೈ ಹೊರವಲಯ ಪನ್ವೇಲ್​ನಲ್ಲಿ ಫಾರ್ಮ್​ಹೌಸ್ ಹೊಂದಿದ್ದಾರೆ. ಕುಟುಂಬ ಹಾಗೂ ಗೆಳೆಯರ ಜೊತೆ ಇಲ್ಲಿ ಅವರು ಆಗಾಗ ಸಮಯ ಕಳೆದು ಬರುತ್ತಾರೆ. 150 ಎಕರೆ ಜಾಗದಲ್ಲಿ ಫಾರ್ಮ್​ಹೌಸ್ ಇದೆ. ಜಿಮ್, ಸ್ವಿಮ್ಮಿಂಗ್​ಪೂಲ್​ ಸೇರಿದಂತೆ ಎಲ್ಲಾ ವ್ಯವಸ್ಥೆ ಇದೆ. ಇದರ ಮೌಲ್ಯ 80 ಕೋಟಿ ರೂಪಾಯಿಗೂ ಹೆಚ್ಚಿದೆ.

ದುಬೈನಲ್ಲಿ ಮನೆ

ಸೆಲೆಬ್ರಿಟಿಗಳಿಗೆ ದುಬೈ ಅನ್ನೋದು ಖಾಯಂ ಭೇಟಿ ನೀಡುವ ಸ್ಥಳ ಇದ್ದಂತೆ. ಹೀಗಾಗಿ, ಅನೇಕ ಸೆಲೆಬ್ರಿಟಿಗಳು ಅಲ್ಲಿ ಮನೆ ಹೊಂದೋಕೆ ಆದ್ಯತೆ ನೀಡುತ್ತಾರೆ. ಭುರ್ಜ್​ ಖಲಿಫಾ ಬಳಿ ಸಲ್ಲು ಮನೆ ಹೊಂದಿದ್ದಾರೆ. ಅವರು ದುಬೈಗೆ ತೆರಳಿದಾಗ ಅಲ್ಲಿಯೇ ಉಳಿದುಕೊಳ್ಳುತ್ತಾರೆ.

ಇತರ ಪ್ರಾಪರ್ಟಿ

ಪನ್ವೇಲ್ ಮಾತ್ರ ಅಲ್ಲದೆ ಸಲ್ಮಾನ್ ಖಾನ್ ಅವರು ಮಹಾರಾಷ್ಟ್ರದ ಗೊರಾಯಿ ಅಲ್ಲಿ 5 ಬಿಎಚ್​​ಕೆ ಬಂಗಲೆ ಹೊಂದಿದ್ದಾರೆ. ಸಮುದ್ರದ ಸಮೀಪ ಈ ಮನೆ ಇದೆ. ಸಿನಿಮಾ ಕೆಲಸಗಳಿಂದ ಬ್ರೇಕ್ ಪಡೆದು ಅವರು ಇಲ್ಲಿಗೆ ತೆರಳುತ್ತಾರೆ.

ಸ್ವಂತ ನೌಕೆ

ಸಲ್ಲು ಅವರು ತಮ್ಮದೇ ನೌಕೆ ಹೊಂದಿದ್ದಾರೆ. ಇದರ ಬೆಲೆ 3 ಕೋಟಿ ರೂಪಾಯಿ. 2016ರಲ್ಲಿ ಸಲ್ಲು ಇದನ್ನು ಖರೀದಿ ಮಾಡಿದ್ದರು. ಸಮುದ್ರದ ಮಧ್ಯೆ ಗೆಳೆಯರ ಜತೆ ಪಾರ್ಟಿ ಮಾಡೋಕೆ ಇದನ್ನು ಸಲ್ಮಾನ್ ಖಾನ್ ಬಳಕೆ ಮಾಡುತ್ತಾರೆ.

ಬೀಯಿಂಗ್ ಹ್ಯೂಮನ್

ಸಲ್ಮಾನ್ ಖಾನ್ ಬೀಯಿಗ್ ಹ್ಯೂಮನ್ ಹೆಸರಿನ ಬಟ್ಟೆ ಬ್ರ್ಯಾಂಡ್ ಹೊಂದಿದ್ದಾರೆ. ವಿವಿಧ ರೀತಿಯ ಬಟ್ಟೆಗಳನ್ನು ಇದರ ಅಡಿಯಲ್ಲಿ ತಯಾರಿಸಲಾಗುತ್ತದೆ. ಈ ಕಂಪನಿ ವ್ಯಾಲುವೇಷನ್ 235 ಕೋಟಿ ರೂಪಾಯಿ ಮೀರಿದೆ. 

ಇದನ್ನೂ ಓದಿ: ‘ಇದು ಡ್ಯಾನ್ಸ್ ಅಲ್ಲ ವ್ಯಾಯಾಮ’; ಡ್ಯಾನ್ಸ್ ಮಾಡಲು ಹೋಗಿ ನಗೆಪಾಟಲಿಗೀಡಾದ ಸಲ್ಮಾನ್ ಖಾನ್

ಒಟ್ಟೂ ಆಸ್ತಿ

ಸಲ್ಮಾನ್ ಖಾನ್ ಅವರು ತಮ್ಮದೇ ನಿರ್ಮಾಣ ಸಂಸ್ಥೆ ಹೊಂದಿದ್ದಾರೆ. ಇದರಿಂದಲೂ ಅವರಿಗೆ ಹಣ ಬರುತ್ತದೆ. ಹಲವು ಐಷಾರಾಮಿ ಕಾರುಗಳು ಸಲ್ಲು ಬಳಿ ಇವೆ. ರೇಂಜ್ ರೋವರ್​, ಟೊಯಾಟೋ ಲ್ಯಾಂಡ್ ಕ್ರ್ಯೂಸ್ ಮೊದಲಾದ ಕಾರುಗಳಿವೆ. ಅವರ ಒಟ್ಟೂ ಆಸ್ತಿ 3000 ಕೋಟಿ ರೂಪಾಯಿ ಸಮೀಪ ಇದೆ ಎಂದು ಅಂದಾಜಿಸಲಾಗಿದೆ.

ಶ್ರೀಲಕ್ಷ್ಮಿ ಎಚ್​.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ