R Madhavan Birthday: ಮಾಧವನ್​ ಜನ್ಮದಿನ; ಬಹುಭಾಷಾ ನಟನ ಈ 5 ಅತ್ಯುತ್ತಮ ಸಿನಿಮಾಗಳನ್ನು ಮಿಸ್​ ಮಾಡಲೇಬೇಡಿ

ಬಹುಭಾಷಾ ನಟ ಆರ್.ಮಾಧವನ್ (R Madhavan) ತಮ್ಮ ನಟನೆಯಿಂದ ಎಲ್ಲಾ ಭಾಷೆಗಳಲ್ಲೂ ಅಪಾರ ಅಭಿಮಾನಿ ಬಳಗ ಸಂಪಾದಿಸಿದ್ದಾರೆ. ಹೆಚ್ಚಾಗಿ ತಮಿಳು ಹಾಗೂ ಹಿಂದಿ ಚಿತ್ರರಂಗದಲ್ಲಿ ಮಾಧವನ್ ಸಕ್ರಿಯರಾಗಿದ್ದಾರೆ. ತಮಿಳಿನಷ್ಟೇ ಹಲವು ಹಿಂದಿ ಹಿಟ್ ಚಿತ್ರಗಳಲ್ಲಿ ಬಣ್ಣ ಹಚ್ಚಿದ ಕೀರ್ತಿ ಮಾಧವನ್​ರದ್ದು. ಹೀಗಾಗಿಯೇ ಮಾಧವನ್​ ಅವರನ್ನು ಪ್ಯಾನ್​ ಇಂಡಿಯಾ ನಟ ಎನ್ನಬಹುದು. 2001ರಲ್ಲಿ ತೆರೆ ಕಂಡ ‘ರೆಹ್ನಾ ಹೈ ತೆರೆ ದಿಲ್ ಮೈನ್’ ಚಿತ್ರದಲ್ಲಿನ ಲವರ್​ ಬಾಯ್​ ಪಾತ್ರ ಇರಬಹುದು ಅಥವಾ ‘3 ಈಡಿಯಟ್ಸ್​​’ (3 Idiots) ಚಿತ್ರದ ಪಾತ್ರವೇ ಇರಬಹುದು. ಅಥವಾ ‘ವಿಕ್ರಮ್​ ವೇದ’ದ ವಿಕ್ರಮ್​ ಪಾತ್ರವೇ ಇರಬಹುದು. ಮಾಧವನ್​ ಕ್ಲಾಸ್​ ಹಾಗೂ ಮಾಸ್​ ಎರಡರಲ್ಲೂ ಸೈ ಎನಿಸಿಕೊಂಡವರು. ಈಗ ನಿರ್ದೇಶನದಲ್ಲೂ ತೊಡಗಿಸಿಕೊಂಡಿರುವ ಅವರು ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಆರ್.ಮಾಧವನ್​ ಕನ್ನಡ ಚಿತ್ರವೊಂದರಲ್ಲೂ ಬಣ್ಣಹಚ್ಚಿದ್ದಾರೆ. 1998ರಲ್ಲಿ ತೆರೆಗೆ ಬಂದ ‘ಶಾಂತಿ ಶಾಂತಿ ಶಾಂತಿ’ ಚಿತ್ರದಲ್ಲಿ ಅವರು ಅಭಿನಯಿಸಿದ್ದರು. ಮಾಧವನ್​ ನಟನೆಯ ಕೆಲವು ಗಮನಸೆಳೆಯುವ ಸಿನಿಮಾಗಳ ಪಟ್ಟಿ ಇಲ್ಲಿದೆ.

‘3 ಈಡಿಯಟ್ಸ್​’:

ಫರ್ಹಾನ್ ಖುರೇಶಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಮಾಧವನ್​, ಫೋಟೋಗ್ರಾಫರ್ ಆಗುವ ಬಯಕೆಯನ್ನು ಹೊತ್ತ ಇಂಜಿನಿಯರ್ ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದರು.

ಇದನ್ನೂ ಓದಿ: 3 Idiots: ‘3 ಈಡಿಯಟ್ಸ್​’ ಚಿತ್ರೀಕರಣಗೊಂಡ ಬೆಂಗಳೂರಿನ ಐಐಎಂ ಕ್ಯಾಂಪಸ್​ ಈಗ ಹೇಗಿದೆ? ಇಲ್ಲಿದೆ ನೋಡಿ

‘ರೆಹ್ನಾ ಹೈ ತೆರೆ ದಿಲ್ ಮೈನ್’:

2001ರಲ್ಲಿ ಗತೆರೆ ಕಂಡ ‘ರೆಹ್ನಾ ಹೈ ತೆರೆ ದಿಲ್ ಮೈನ್’ ಚಿತ್ರವು ಬಾಕ್ಸಾಫೀಸ್​ನಲ್ಲಿ ಹೆಸರು ಮಾಡಲು ಸೋತಿದ್ದು ನಿಜ. ಆದರೆ ಜನರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಯಿತು. ಇದು ಮಾಧವನ್​ರನ್ನು ಚಿತ್ರರಂಗಕ್ಕೆ ಪರಿಚಯಿಸಿತು. ಈ ಚಿತ್ರದಲ್ಲಿ ಸೈಫ್ ಅಲಿ ಖಾನ್ ಹಾಗೂ ದಿಯಾ ಮಿರ್ಜಾ ಕೂಡ ಕಾಣಿಸಿಕೊಂಡಿದ್ದರು.

‘ತನು ವೆಡ್ಸ್​ ಮನು ರಿಟರ್ನ್ಸ್​​’:

ರೊಮ್ಯಾಂಟಿಕ್ ಕಾಮಿಡಿ ಮಾದರಿಯ ‘ತನು ವೆಡ್ಸ್​ ಮನು ರಿಟರ್ನ್ಸ್​’ ಚಿತ್ರದಲ್ಲಿ ಕಂಗನಾ ರಣಾವತ್ ಹಾಗೂ ಮಾಧವನ್ ಬಣ್ಣಹಚ್ಚಿದ್ದರು. ಆನಂದ್ ಎಲ್​ ರೈ ಚಿತ್ರವನ್ನು ನಿರ್ದೇಶಿಸಿದ್ದರು. 2015ರಲ್ಲಿ ಚಿತ್ರ ತೆರೆಗೆ ಬಂದಿತ್ತು.

‘ಬ್ರೀಥ್’:

ಈ ವೆಬ್​ ಸೀರೀಸ್ ಮೂಲಕ ಓಟಿಟಿಗೆ ಮಾಧವನ್ ಪದಾರ್ಪಣೆ ಮಾಡಿದರು. ಸಾಮಾನ್ಯ ಮನುಷ್ಯನ ಅಸಾಮಾನ್ಯ ಸನ್ನಿವೇಶಗಳ ಬಗ್ಗೆ ಇದರ ಕತೆ ಇದೆ.

‘ರಾಕೆಟ್ರಿ: ದಿ ನಂಬಿ ಎಫೆಕ್ಟ್​​’:

ಇದು ಮಾಧವನ್ ನಟನೆಯ ಮುಂದಿನ ಚಿತ್ರ. ಈ ಚಿತ್ರಕ್ಕೆ ಸ್ವತಃ ಮಾಧವನ್​ ಆಕ್ಷನ್ ಕಟ್ ಹೇಳಿದ್ದಾರೆ. ಈಗಾಗಲೇ ಚಿತ್ರದ ಬಗ್ಗೆ ನಿರೀಕ್ಷೆಗಳು ಮೂಡಿವೆ. ಕಾನ್ ಚಿತ್ರೋತ್ಸವದಲ್ಲಿ ‘ರಾಕೆಟ್​: ದಿ ನಂಬಿ ಎಫೆಕ್ಟ್​’ ಪ್ರದರ್ಶನ ಕಂಡಿದೆ. 2022ರ ಜುಲೈ 1ರಂದು ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ತೆರೆಕಾಣಲಿದೆ.

ಮತ್ತಷ್ಟು ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ