James First Half Review: ಹೇಗಿದೆ ಪುನೀತ್ ನಟನೆಯ ‘ಜೇಮ್ಸ್’ ಚಿತ್ರದ ಫಸ್ಟ್ಹಾಫ್? ಇಲ್ಲಿದೆ ಫುಲ್ ಡಿಟೈಲ್ಸ್
Puneeth Rajkumar: ಪುನೀತ್ ‘ಜೇಮ್ಸ್’ ಚಿತ್ರದಲ್ಲಿ ಸೈನಿಕನ ಗೆಟಪ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹಾಗಾದರೆ, ಈ ಸಿನಿಮಾದ ಮೊದಲಾರ್ಧ ಹೇಗಿದೆ? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.
ಚೇತನ್ ಕುಮಾರ್ (Chetan Kumar) ನಿರ್ದೇಶನದ ‘ಜೇಮ್ಸ್’ ಸಿನಿಮಾ (James) ಇಂದು (ಮಾರ್ಚ್ 17) ತೆರೆಗೆ ಬಂದಿದೆ. ಪುನೀತ್ ರಾಜ್ಕುಮಾರ್ (Puneeth Rajkumar) ನಾಯಕನಾಗಿ ನಟಿಸಿರುವ ಕೊನೆಯ ಸಿನಿಮಾ ಎಂಬ ಕಾರಣಕ್ಕೆ ಈ ಚಿತ್ರ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದೆ. ಪುನೀತ್ಗೆ ಜತೆಯಾಗಿ ನಟಿ ಪ್ರಿಯಾ ಆನಂದ್ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಶಿವರಾಜ್ಕುಮಾರ್ ಹಾಗೂ ರಾಘವೇಂದ್ರ ರಾಜ್ಕುಮಾರ್ ಕೂಡ ಅತಿಥಿ ಪಾತ್ರ ಮಾಡಿದ್ದಾರೆ. ಬೆಂಗಳೂರು ಒಂದರಲ್ಲೇ ಈ ಸಿನಿಮಾ ಮೊದಲ ದಿನ 800ಕ್ಕೂ ಅಧಿಕ ಶೋ ಪ್ರದರ್ಶನ ಕಾಣುತ್ತಿದೆ. ಪುನೀತ್ ಈ ಚಿತ್ರದಲ್ಲಿ ಸೈನಿಕನ ಗೆಟಪ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹಾಗಾದರೆ, ಈ ಸಿನಿಮಾದ ಮೊದಲಾರ್ಧ ಹೇಗಿದೆ? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.
- ಭರ್ಜರಿಯಾದ ಕಾರ್ ಚೇಸಿಂಗ್ ದೃಶ್ಯದ ಮೂಲಕ ಪುನೀತ್ ರಾಜ್ಕುಮಾರ್ ಎಂಟ್ರಿ ನೀಡುತ್ತಾರೆ. ಈ ಎಂಟ್ರಿ ಸೀನ್ ತುಂಬ ಮಾಸ್ ಆಗಿದೆ. ಆರಂಭಿಕ ದೃಶ್ಯವೇ ಕಾರ್ ಚೇಸಿಂಗ್ ಆಗಿರುವುದರಿಂದ ಪ್ರೇಕ್ಷಕರಿಗೆ ಥ್ರಿಲ್ ಎನಿಸುತ್ತದೆ.
- ‘ಜೇಮ್ಸ್’ ಬಿಡುಗಡೆಗೂ ಮುನ್ನ ‘ಟ್ರೇಡ್ ಮಾರ್ಕ್’ ಸಾಂಗ್ ಧೂಳೆಬ್ಬಿಸಿತ್ತು. ಆ ಗೀತೆ ಕೂಡ ಸಿನಿಮಾದ ಆರಂಭದಲ್ಲೇ ಬರುತ್ತದೆ. ಇದು ಅಭಿಮಾನಿಗಳಿಗೆ ಕಿಕ್ ನೀಡುತ್ತದೆ.
- ಫಸ್ಟ್ಹಾಫ್ನಲ್ಲಿ ಸಂತೋಷ್ ಎಂಬ ಪಾತ್ರದಲ್ಲಿ ಪುನೀತ್ ಕಾಣಿಸಿಕೊಂಡಿದ್ದಾರೆ. ಸೆಕ್ಯುರಿಟಿ ಏಜೆನ್ಸಿಯ ಸಿಬ್ಬಂದಿಯಾಗಿ ಅವರ ಪಾತ್ರ ಪರಿಚಯಗೊಳ್ಳುತ್ತದೆ. ವಿಲನ್ಗಳ ದರ್ಶನ ಕೂಡ ಆಗುತ್ತದೆ.
- ‘ಜೇಮ್ಸ್’ ಮೊದಲಾರ್ಧದಲ್ಲಿ ನಾಯಕ-ನಾಯಕಿಯ ಲವ್ ಸ್ಟೋರಿ ಹೆಚ್ಚು ಹೈಲೈಟ್ ಆಗಿದೆ. ಪ್ರಿಯಾ ಆನಂದ್ ಮತ್ತು ಪುನೀತ್ ರಾಜ್ಕುಮಾರ್ ಕಾಂಬಿನೇಷನ್ ಚೆನ್ನಾಗಿ ಮೂಡಿಬಂದಿದೆ.
- ಅಪ್ಪು ಸಿನಿಮಾ ಎಂದರೆ ಅಭಿಮಾನಿಗಳು ಸಹಜವಾಗಿಯೇ ಆ್ಯಕ್ಷನ್ ಬಯಸುತ್ತಾರೆ. ‘ಜೇಮ್ಸ್’ ಚಿತ್ರದಲ್ಲಿ ಫೈಟಿಂಗ್ ದೃಶ್ಯಗಳಿಗೆ ಕೊರತೆ ಇಲ್ಲ. ಫಸ್ಟ್ ಹಾಫ್ನಲ್ಲಿ ಭರ್ಜರಿ ಆ್ಯಕ್ಷನ್ ಸೀನ್ಗಳಿವೆ.
- ಫಸ್ಟ್ ಹಾಫ್ ಕೊನೆಯಲ್ಲಿ ಒಂದು ಮಜವಾದ ಟ್ವಿಸ್ಟ್ ಇದೆ. ಆ ಟ್ವಿಸ್ಟ್ ಏನು ಎಂಬುದನ್ನು ಚಿತ್ರಮಂದಿರದಲ್ಲಿಯೇ ನೋಡಿ ತಿಳಿಯಬೇಕು. ಒಟ್ಟಿನಲ್ಲಿ, ಮುಂದೇನು ಎಂಬ ಕೌತುಕ ಮೂಡಿಸುವುದರೊಂದಿಗೆ ಮಧ್ಯಂತರ ಬರುತ್ತದೆ.
((ಜೇಮ್ಸ್ ಸಿನಿಮಾ ಸಂಪೂರ್ಣ ವಿಮರ್ಶೆಗೆ ಇಲ್ಲಿ ಕ್ಲಿಕ್ ಮಾಡಿ))
ಇದನ್ನೂ ಓದಿ: James Movie Review: ಜೇಮ್ಸ್ ವಿಮರ್ಶೆ: ಗೆಳೆತನದ ಕಥೆ ಹೇಳುವ ಒಂದು ‘ಪವರ್ಫುಲ್’ ಶೋ
‘ಜೇಮ್ಸ್’ ಚಿತ್ರದ ಆ್ಯಕ್ಷನ್ ನೋಡಿ ಪುನೀತ್ ಏನು ಹೇಳಿದ್ದರು? ವೈರಲ್ ಆಯ್ತು ಹಳೆಯ ವಾಯ್ಸ್ನೋಟ್
Published On - 6:40 am, Thu, 17 March 22