IMDb top 10 of 2021: ಈ ವರ್ಷದ ಟಾಪ್​ 10 ಸಿನಿಮಾ, ವೆಬ್​ ಸೀರಿಸ್​ ಯಾವುದು? ಇಲ್ಲಿದೆ ಮಾಹಿತಿ  

2021ರ ಕೊನೆಯ ತಿಂಗಳಲ್ಲಿ ನಾವಿದ್ದೇವೆ. ಇನ್ನು 21 ದಿನಗಳು ಕಳೆದರೆ ಈ ವರ್ಷ ಪೂರ್ಣಗೊಳ್ಳಲಿದೆ. ಕಳೆದ ವರ್ಷದಂತೆ ಈ ವರ್ಷವೂ ಕೊವಿಡ್​ ಕಾಣಿಸಿಕೊಂಡಿತ್ತು. ಇದರ ಪರಿಣಾಮ ಚಿತ್ರರಂಗದ ಮೇಲಾಗಿತ್ತು. ಹೀಗಾಗಿ ಸಿನಿಮಾ ಕ್ಷೇತ್ರದಲ್ಲಿ ಸರಿಯಾದ ಬೆಳೆ ತೆಗೆಯೋಕೆ ಸಾಧ್ಯವಾಗಿಲ್ಲ. ಆದಾಗ್ಯೂ ವರ್ಷದ ಆರಂಭದಲ್ಲಿ ಹಾಗೂ ಕೊನೆಯಲ್ಲಿ ಸಾಕಷ್ಟು ಸಿನಿಮಾಗಳು ರಿಲೀಸ್​ ಆಗಿವೆ. ಒಟಿಟಿ ವ್ಯಾಪ್ತಿ ಹೆಚ್ಚುತ್ತಿರುವುದರಿಂದ ಹಲವರು ವೆಬ್​ ಸೀರಿಸ್​ನತ್ತ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಹಾಗಾದರೆ, ಸಿನಿಮಾ ಹಾಗೂ ವೆಬ್​ ಸೀರಿಸ್​ಗಳಿಗೆ ರೇಟಿಂಗ್​ ನೀಡುವ ಐಎಂಡಿಬಿಯಲ್ಲಿ ಈ ವರ್ಷ ಟಾಪ್​ನಲ್ಲಿರುವ ಸಿನಿಮಾಗಳು ಯಾವವು?  ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಜನವರಿ 1ರಿಂದ ನವೆಂಬರ್ 29ರವರೆಗೆ ರಿಲೀಸ್​ ಆದ ಸಿನಿಮಾಗಳನ್ನು ಇಟ್ಟುಕೊಂಡು ರೇಟಿಂಗ್​ ನೀಡಲಾಗಿದೆ. ಈ ಪಟ್ಟಿಯಲ್ಲಿ ತಮಿಳಿನ ‘ಜೈ ಭೀಮ್​’ ಸಿನಿಮಾ ಟಾಪ್​ನಲ್ಲಿದೆ. ಸೂರ್ಯ ನಟನೆಯ ಈ ಸಿನಿಮಾ ಎಲ್ಲ ಕಡೆಗಳಲ್ಲಿ ಮೆಚ್ಚುಗೆ ಗಳಿಸಿಕೊಂಡಿತ್ತು. ಹೀಗಾಗಿ, ಐಎಂಡಿಬಿಯಲ್ಲಿ ಪ್ರಥಮ ಸ್ಥಾನ ಇದಕ್ಕೆ ದೊರೆತಿದೆ. ಸಿದ್ದಾರ್ಥ್​ ಮಲ್ಹೋತ್ರಾ ನಟನೆಯ ಶೇರ್​ಷಾ ಎರಡನೇ ಸ್ಥಾನದಲ್ಲಿದೆ.

ವೆಬ್​ ಸೀರಿಸ್​ಗಳ ಪೈಕಿ ‘ಆಸ್ಪಿರಂಟ್ಸ್​’ ಮೊದಲ ಸ್ಥಾನ ಕಾಯ್ದುಕೊಂಡಿದೆ. ‘ದಿ ಫ್ಯಾಮಿಲಿ ಮ್ಯಾನ್’ ಮೊದಲಾದ ಸೀರಿಸ್​ಗಳು ಕೂಡ ಈ ಪಟ್ಟಿಯಲ್ಲಿವೆ. ಹಾಗಾದರೆ, ಈ ಬಾರಿ ಟಾಪ್​ 10ರಲ್ಲಿ ಇರುವ ಸಿನಿಮಾ ಹಾಗೂ ವೆಬ್​ ಸೀರಿಸ್​ಗಳು ಯಾವವು? ಆ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಸಿನಿಮಾ

1. ಜೈ ಭೀಮ್​
2. ಶೇರ್​ಷಾ
3. ಸೂರ್ಯವಂಶಿ
4. ಮಾಸ್ಟರ್​
5. ಸರ್ದಾರ್​ ಉಧಮ್​
6. ಮಿಮಿ
7.  ಕರ್ಣನ್​
8. ಶಿದ್ದತ್​
9. ದೃಶ್ಯಂ​ 2
10. ಹಸೀನ್​ ದಿಲ್​ರುಬಾ

ವೆಬ್​ ಸೀರಿಸ್​  

1. ಆಸ್ಪಿರೆಂಟ್ಸ್​
2. ಢಿಂಡೋರಾ
3. ದಿ ಫ್ಯಾಮಿಲಿ ಮ್ಯಾನ್​
4. ದಿ ಲಾಸ್ಟ್​ ಅವರ್
5. ಸನ್​ ಫ್ಲವರ್​
6. ಕ್ಯಾಂಡಿ
7. ರೇ
8. ಗ್ರಹಣ್​
9. ನವೆಂಬರ್ ಸ್ಟೋರಿ
10. ಮುಂಬೈ ಡೈರೀಸ್​ 26/11

ಸಿನಿಮಾಗಳಿಗೆ ನೀಡುವ ರೇಟಿಂಗ್ ನೋಡಿಕೊಂಡು ಚಿತ್ರ ವೀಕ್ಷಣೆ ಮಾಡುವವರು ಅನೇಕರಿದ್ದಾರೆ. ಅವರಿಗೆ ಐಎಂಡಿಬಿ ಸಹಕಾರಿಯಾಗಲಿದೆ. ಸಿನಿಮಾಗೆ ಕೊಡುವ ಅಂಕವನ್ನು ನೋಡಿಕೊಂಡು ಚಿತ್ರಮಂದಿರ ಅಥವಾ ಒಟಿಟಿಯತ್ತ ಹೆಜ್ಜೆ ಹಾಕಬಹುದು. ಇದರಿಂದ ಸಮಯ ಹಾಗೂ ಹಣ ಎರಡೂ ಉಳಿತಾಯ ಆಗಲಿದೆ.

ಇದನ್ನೂ ಓದಿ: ‘ಆರ್​ಆರ್​ಆರ್​’ ಸಿನಿಮಾದ ಅಸಲಿ ಹೀರೋ ಯಾರು? ಸತ್ಯ ಬಿಚ್ಚಿಟ್ಟ ರಾಜಮೌಳಿ