Lust Stories 2: ತಮನ್ನಾ ಭಾಟಿಯಾ-ಮೃಣಾಲ್​ ಠಾಕೂರ್​ ವಿಡಿಯೋ ವೈರಲ್​; ಇದು ಇನ್ನೊಂದು ಲಸ್ಟ್​ ಸ್ಟೋರಿ

ನಟಿ ಮೃಣಾಲ್​ ಠಾಕೂರ್ (Mrunal Thakur)​ ಅವರ ಜನಪ್ರಿಯತೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ‘ಸೀತಾ ರಾಮಂ’ ಸಿನಿಮಾ ಯಶಸ್ಸು ಕಂಡ ಬಳಿಕ ಅವರು ದಕ್ಷಿಣ ಭಾರತದಲ್ಲಿ ತುಂಬಾ ಫೇಮಸ್​ ಆದರು. ಈಗ ಅವರಿಗೆ ಹೊಸ ಹೊಸ ಆಫರ್​ಗಳು ಸಿಗುತ್ತಿವೆ. ಜೂನ್ 29ರಂದು ನೆಟ್​ಫ್ಲಿಕ್ಸ್​ ಮೂಲಕ ಬಿಡುಗಡೆ ಆಗಲಿರುವ ‘ಲಸ್ಟ್​ ಸ್ಟೋರೀಸ್​ 2’ (Lust Stories 2) ಸಿನಿಮಾದಲ್ಲಿ ಮೃಣಾಲ್​ ಠಾಕೂರ್​ ನಟಿಸಿದ್ದಾರೆ. ಹಿಂದಿ ಚಿತ್ರರಂಗದ ಖ್ಯಾತ ಕಲಾವಿದರು ಕೂಡ ಚಿತ್ರದಲ್ಲಿ ನಟಿಸಿರುವ ಕಾರಣದಿಂದ ಹೈಪ್​ ಹೆಚ್ಚಾಗಿದೆ. ಈ ಸಿನಿಮಾದಲ್ಲಿ ನಾಲ್ಕು ಪ್ರತ್ಯೇಕ ಕಥೆಗಳು ಇರಲಿವೆ. ಒಂದು ಕಥೆಯಲ್ಲಿ ತಮನ್ನಾ ಭಾಟಿಯಾ ಅಭಿನಯಿಸಿದ್ದಾರೆ. ಚಿತ್ರದ ಬಿಡುಗಡೆ ಹತ್ತಿರ ಆಗುತ್ತಿರುವ ಈ ಸಂದರ್ಭದಲ್ಲಿ ತಮನ್ನಾ ಭಾಟಿಯಾ (Tamannaah Bhatia) ಮತ್ತು ಮೃಣಾಲ್​ ಠಾಕೂರ್​ ನಡುವೆ ಸ್ನೇಹ ಜಾಸ್ತಿ ಆಗಿದೆ. ಇಬ್ಬರೂ ಜೊತೆಯಾಗಿ ರೀಲ್ಸ್​ ಮಾಡಿದ್ದಾರೆ. ಅದನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡು, ‘ಮತ್ತೊಂದು ಲಸ್ಟ್​ ಸ್ಟೋರಿ’ ಎಂದು ಕ್ಯಾಪ್ಷನ್​ ನೀಡಿದ್ದಾರೆ.

ಈ ವಿಡಿಯೋವನ್ನು 5 ಲಕ್ಷಕ್ಕೂ ಅಧಿಕ ಜನರ ಲೈಕ್​ ಮಾಡಿದ್ದಾರೆ. ಸಾವಿರಾರು ಕಮೆಂಟ್​ಗಳು ಬಂದಿವೆ. ಕೇವಲ 15 ಗಂಟೆಯಲ್ಲಿ 38 ಲಕ್ಷಕ್ಕೂ ಹೆಚ್ಚು ಬಾರಿ ಇದು ವೀಕ್ಷಣೆ ಕಂಡಿದೆ. ಜನಸಾಮಾನ್ಯರು ಮಾತ್ರವಲ್ಲದೇ ಸೆಲೆಬ್ರಿಟಿಗಳು ಕೂಡ ತಮ್ಮ ಅನಿಸಿಕೆ ತಿಳಿಸಿದ್ದಾರೆ. ತಮನ್ನಾ ಭಾಟಿಯಾ ಮತ್ತು ಮೃಣಾಲ್​ ಠಾಕೂರ್​ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಸಖತ್​ ಆ್ಯಕ್ಟೀವ್​ ಆಗಿದ್ದಾರೆ. ಮೃಣಾಲ್​ ಠಾಕೂರ್​ ಅವರಿಗೆ 91 ಲಕ್ಷ ಫಾಲೋವರ್ಸ್​ ಇದ್ದಾರೆ. 2.1 ಕೋಟಿ ಜನರು ತಮನ್ನಾ ಭಾಟಿಯಾ ಅವರನ್ನು ಫಾಲೋ ಮಾಡುತ್ತಿದ್ದಾರೆ.

‘ಲಸ್ಟ್​ ಸ್ಟೋರೀಸ್​ 2’ ಕುರಿತು:

ನಾಲ್ಕು ಕಥೆಗಳನ್ನು ಹೊಂದಿದ್ದ ‘ಲಸ್ಟ್​ ಸ್ಟೋರೀಸ್​’ ಸಿನಿಮಾ 2018ರಲ್ಲಿ ಬಿಡುಗಡೆ ಆಗಿತ್ತು. ಇಡೀ ಸಿನಿಮಾ ಬೋಲ್ಡ್​ ಆಗಿ ಮೂಡುಬಂದಿತ್ತು. ಈಗ ‘ಲಸ್ಟ್​ ಸ್ಟೋರಿಸ್​ 2’ ಸಿನಿಮಾ ಒಟಿಟಿ (ನೆಟ್​ಫ್ಲಿಕ್ಸ್​) ಮೂಲಕ ರಿಲೀಸ್​ ಆಗುತ್ತಿದೆ. ತಮನ್ನಾ ಭಾಟಿಯಾ, ಕಾಜೋಲ್​, ನೀನಾ ಗುಪ್ತಾ, ಕುಮುದ್​ ಮಿಶ್ರಾ, ಮೃಣಾಲ್​ ಠಾಕೂರ್​, ವಿಜಯ್​ ವರ್ಮಾ, ಅಂಗದ್​ ಬೇಡಿ ಸೇರಿದಂತೆ ಅನೇಕರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: Lust Stories 2: ವೈರಲ್​ ಆಯ್ತು ‘ಲಸ್ಟ್​ ಸ್ಟೋರೀಸ್​ 2’ ಟ್ರೇಲರ್​; ಇದರಲ್ಲಿದೆ ಲೈಂಗಿಕತೆ ಬಗೆಗಿನ ಬಣ್ಣದ ಕಥೆಗಳು

‘ಲಸ್ಟ್​ ಸ್ಟೋರಿಸ್​’ ರೀತಿಯೇ ‘ಲಸ್ಟ್​ ಸ್ಟೋರಿಸ್​ 2’ ಸಿನಿಮಾದಲ್ಲೂ 4 ಕಥೆಗಳು ಇವೆ. ಈ 4 ಪ್ರತ್ಯೇಕವಾದ ಕಥೆಗಳಿಗೆ ಆರ್​. ಬಾಲ್ಕಿ, ಅಮಿತ್​ ರವಿಂದರ್​ನಾಥ್​ ಶರ್ಮಾ, ಕೊಂಕಣ ಸೇನ್​ ಶರ್ಮಾ ಮತ್ತು ಸುಜಯ್​ ಘೋಷ್​ ಆ್ಯಕ್ಷನ್​-ಕಟ್​ ಹೇಳಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.