ಕೊರೊನಾದಿಂದ ಕಂಗೆಟ್ಟ ಜೀವನ! ವಿಡಿಯೋದಲ್ಲಿ ಅನುಶ್ರೀ ಭಾವನೆಗಳ ಮೆರವಣಿಗೆ!

ಕರ್ನಾಟಕದ ಮನೆ ಮತಾಗಿರುವ ಕಿರುತೆರೆ ರೂಪಕಿ ಅನುಶ್ರೀ ಕೊರೊನಾ ನಂತರದ ಜೀವನಕ್ಕಾಗಿ ಭರವಸೆಯೇ ಬೆಳಕು ಎಂಬ ಸಂದೇಶ ವಿಟ್ಟುಕೊಂಡು “ಜೀವನ ಬದಲಾಗಿದೆ -A Song Of Hope” ರಿಲೀಸ್ ಮಾಡಿದ್ದಾರೆ.

ತಮ್ಮ ಚಿನಕುರಳಿಯಂತಹ ಮಾತು, ಜೊತೆಗೆ ಭಾವನೆಗಳನ್ನೇ ಮೈಮೇಲೆ ಎಳೆದುಕೊಂಡು ವೀಕ್ಷಕರನ್ನು ಬೇರೆಯದೇ ಲೋಕಕ್ಕೆ ಕೊಂಡೊಯ್ಯುವ ನಿರೂಪಕಿ ಅನುಶ್ರೀ ಇಲ್ಲಿಯೂ ಅದನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಕೆಳಗಿನ ವಿಡಿಯೋದಲ್ಲಿ ಅವರು ಹಾಕಿರುವ ಶ್ರಮ ನೋಡಿದಾಗ ನಿಮಗೂ ಹಾಗೆ ಅನ್ನಿಸದಿರದು.

ಕೊರೊನಾ ಕಾಲದ ಒಂದೊಂದು ನಿದರ್ಶನಕ್ಕೂ ಅನುಶ್ರೀ ವ್ಯಕ್ತಪಡಿಸಿರುವ ಭಾವನೆಗಳು ನಿಜಕ್ಕೂ ಮನೋಜ್ಞವಾಗಿವೆ. ಕೊರೊನಾದಿಂದಾಗಿ ಟಿವಿ ಶೋಗಳು ಇಲ್ಲದೆ ಅನುಶ್ರೀಯನ್ನು ಮಿಸ್ ಮಾಡಿಕೊಂಡಿದ್ದೇವೆ ಅನ್ನುವ ಅಭಿಮಾನಿಗಳಿಗೆ ಅನುಶ್ರೀ ಇಲ್ಲಿ ನಿರಾಸೆ ಪಡಿಸಿಲ್ಲ.

ಕೊರೊನ ಬಂದಾಗಿಂದ ಎಲ್ಲೆಡೆ ಕಷ್ಟ ಹೆಚ್ಚಾಗಿದೆ, ದುಡ್ಡು ಬೆಲೆ ಕಳೆದುಕೊಂಡಿದೆ, ಕೆಲಸ ಇಲ್ಲದಂತ್ ಆಗಿದೆ, ಒಟ್ಟಾರೆ ಜನ ಜೀವನ ನೋಡುವ ದೃಷ್ಟಿಕೋನವೇ ಬದಲಾಗಿದೆ ಎಂದು ಹೇಳುವ ಮುಖಾಂತರ ಈ ಹೆಮ್ಮಾರಿಯ ವಿರುದ್ಧ ಹೋರಾಡುತ್ತಿರುವ ಎಲ್ಲರಿಗೂ ಪ್ರೀತಿಯ ಕೃತಜ್ಞತೆ ನೀಡಿದ್ದಾರೆ ನಿಮ್ಮೆಲ್ಲರ ಅಚ್ಚುಮೆಚ್ಚಿನ ಅನು.