ಪ್ರೇಮಿಗಳ ದಿನಕ್ಕೆ ‘ಪೊಗರು’ ಹುಡುಗನ ಹಾಡುಗಳ ದರ್ಬಾರ್

ಬೆಂಗಳೂರು: ನಟ ಧ್ರುವ ಸರ್ಜಾರ ಪೊಗರು ಚಿತ್ರ ಈಗಾಗಲೇ ಎಲ್ಲಡೆ ಪ್ರಚಾರದಲ್ಲಿದೆ. ಪ್ರೇಮಿಗಳ ದಿನದ ಹಿನ್ನೆಲೆಯಲ್ಲಿ ಫೆ.14 ರಂದು ಪೊಗರು ಆಡಿಯೊ ರಿಲೀಸ್​ ಮಾಡುವುದಾಗಿ ಧ್ರುವ ಸರ್ಜಾ ಸೋಷಿಯಲ್ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.

ಪ್ರೆಮಿಗಳ ದಿನದಂದೇ ಪೊಗರು ಚಿತ್ರದ ಆಡಿಯೋ ರಿಲೀಸ್​ ಆಗಲಿರುವ ವಿಷಯ ತಿಳಿದು ಅಭಿಮಾನಿಗಳು ಸಂಭ್ರಮಿಸಿದ್ದಾರೆ. ಫೆ 19ರಂದು ಪೊಗರು ಸಿನಿಮಾ ರಿಲೀಸ್​ ಆಗಲಿದೆ.

ನಾನಾ ಕಾರಣಗಳಿಂದ ಪೊಗರು ಚಿತ್ರ ಬಿಡುಗಡೆ ದಿನಾಂಕವನ್ನು ಹಲವು ಬಾರಿ ಮುಂದೂಡಲಾಗಿತ್ತು. ಕೊರೊನಾ ಸಾಂಕ್ರಾಮಿಕದಿಂದಾಗಿ ಚಿತ್ರಮಂದಿರಗಳು ಬಾಗಿಲು ಹಾಕಿದ್ದವು. ಇದೀಗ, ಕೊರೊನಾ ಭಯ ಕಡಿಮೆಯಾಗುತ್ತಿದ್ದಂತೆ ಚಿತ್ರ ಮಂದಿರದ ಬಾಗಿಲು ತೆರೆಯಲಾರಂಭಿಸಿದೆ. ಇದೇ ನಿಟ್ಟಿನಲ್ಲಿ ಧ್ರುವ ಸರ್ಜಾರ ಪೊಗರು ಚಿತ್ರ ಕೂಡ ಫೆ.19ರಂದು ಬಿಡುಗಡೆಗೊಳ್ಳಲಿದ್ದು, ಪ್ರೇಮಿಗಳ ದಿನ (ಫೆ.14) ರಂದು ಚಿತ್ರ ಆಡಿಯೊ ರಿಲೀಸ್​ಗೆ ಸಚ್ಚಾಗಿ ನಿಂತಿದೆ.