ಸ್ಟಾರ್​ ನಟರ ನಡುವೆ ಕನ್ನಡದ ನಟಿಯನ್ನು ಗುರುತಿಸಿದ ಪಾಕ್​ ಜನ: ಕೆಜಿಎಫ್ ಮಹಿಮೆ

‘ಕೆಜಿಎಫ್’ ಚಿತ್ರವು ಮಾಡಿದ ದಾಖಲೆ ಹಾಗೂ ಅದು ಕೊಟ್ಟ ಜನಪ್ರಿಯತೆಯನ್ನು ಯಾರಿಂದಲೂ ಅಳಿಸೋಕೆ ಸಾಧ್ಯವಿಲ್ಲ. ಕನ್ನಡ ಚಿತ್ರರಂಗವನ್ನು ಬೇರೆ ಹಂತಕ್ಕೆ ಈ ಚಿತ್ರವು ಕರೆದುಕೊಂಡು ಹೋಯಿತು. ವಿಶೇಷ ಎಂದರೆ, ಈ ಚಿತ್ರದಲ್ಲಿ ನಟಿಸಿದ ಎಲ್ಲಾ ಕಲಾವಿದರಿಗೆ ಜನಪ್ರಿಯತೆ ಸಿಕ್ಕಿತು. ಈ ಬಗ್ಗೆ ನಟಿ ಮಾಳವಿಕಾ ಮೋಹನ್ ಅವರು ಮಾತನಾಡಿದ್ದಾರೆ. ರ್ಯಾಪಿಡ್ ರಶ್ಮಿ ಅವರ ಯೂಟ್ಯೂಬ್ ಚಾನೆಲ್​ಗೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಚಾರದ ಬಗ್ಗೆ ಮಾಹಿತಿ ನೀಡಿದ್ದಾರೆ.

‘ಕೆಜಿಎಫ್’ಗಿಂತ ‘ಕೆಜಿಎಫ್ 2’ ಹೆಚ್ಚು ಜನಪ್ರಿಯತೆ ಪಡೆಯಿತು. ಈ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಸಾವಿರ ಕೋಟಿ ರೂಪಾಯಿ ಬಿಸ್ನೆಸ್ ಮಾಡಿತ್ತು. ಯಶ್ ಅವರ ಜನಪ್ರಿಯತೆ ಎಷ್ಟು ಹೆಚ್ಚಿದೆ ಎಂದು ಹೇಳಬೇಕಿಲ್ಲ. ಇನ್ನು ಪ್ರಶಾಂತ್ ನೀಲ್ ಅವರಿಗೆ ಪರಭಾಷೆಯಿಂದ ಆಫರ್​ಗಳು ಬರೋಕೆ ಆರಂಭ ಆಗಿವೆ. ಈ ಎಲ್ಲಾ ವಿಚಾರಗಳ ಕುರಿತು ಮಾಳವಿಕಾ ಮಾತನಾಡಿದ್ದಾರೆ.

‘ನಾನು ಲಂಡನ್​ಗೆ ಹೋಗಿದ್ದೆ. ಚರ್ಮದ ಕ್ಲೀನಿಂಗ್ ಮಾಡಿಸೋಕೆ ಹೋಗಿದ್ದೆ. ಅಲ್ಲೊಬ್ಬಳು ನನ್ನ ಬಳಿ ಬಂದು ನಿಮ್ಮನ್ನು ನೋಡಿದ್ದೇನೆ ಎನ್ನುತ್ತಿದ್ದರು. ನಾನು ಎಸ್ಟೋನಿಯಾದವಳು ಎಂದಳು. ಕೆಜಿಎಫ್ ಅಲ್ಲಿ ನಿಮ್ಮನ್ನು ನೋಡಿದ್ದೇನೆ ಎಂದಳು’ ಎಂದು ಘಟನೆಯ ಬಗ್ಗೆ ವಿವರಿಸಿದ್ದಾರೆ ಮಾಳವಿಕಾ.

ಇದನ್ನೂ ಓದಿ:ಹೊಂಬಾಳೆ ಸಂಸ್ಥೆಗೆ 4 ರಾಷ್ಟ್ರ ಪ್ರಶಸ್ತಿ; ಅದೇ ಖುಷಿಯಲ್ಲಿ ‘ಕೆಜಿಎಫ್ 3’ ಬಗ್ಗೆ ನಿರ್ಮಾಪಕರ ಮಾತು

‘ನಾನು ಒಮ್ಮೆ ತಮಿಳು ಸಿನಿಮಾ ಶೂಟ್​ಗೆ ದುಬೈ ಹೋಗಿದ್ದೆ. ವಿಶಾಲ್, ಆರ್ಯ ಕೂಡ ಶೂಟ್​ನಲ್ಲಿ ಇದ್ದರು. ಅಲ್ಲಿದ್ದ ಪಾಕಿಸ್ತಾನಿ ಜೂನಿಯರ್ ಆರ್ಟಿಸ್ಟ್​ಗಳು ನನ್ನ ಬಳಿ ಬಂದು ಫೋಟೋ ಕೇಳಿದರು. ನಾನು ಪ್ರಶಾಂತ್ ನೀಲ್​ಗೆ ಕರೆ ಮಾಡಿ ಹೆಮ್ಮೆ ವ್ಯಕ್ತಪಡಿಸಿದೆ. ಭಾಷೆಗಳನ್ನು ಮೀರಿ ಸಾಗೋ ಶಕ್ತಿ ಕನ್ನಡ ಚಿತ್ರಕ್ಕೂ ಬಂದಿದೆ’ ಎಂದು ಹೆಮ್ಮೆಯಿಂದ ಹೇಳಿದರು ಅವರು.

‘ಕೆಜಿಎಫ್ 2’ ಚಿತ್ರದಲ್ಲಿ ಮಾಳವಿಕಾ ಅವರು ಟಿವಿ ಚಾನೆಲ್​ನ ಎಡಿಟರ್ ಆಗಿ ಕಾಣಿಸಿಕೊಂಡಿದ್ದಾರೆ. ಅವರು ಹೆಚ್ಚು ಹೊತ್ತು ತೆರೆಮೇಲೆ ಬರೋದಿಲ್ಲ. ಆದರೆ, ಅವರು ಕಾಣಿಸಿಕೊಂಡ ಹೊತ್ತಷ್ಟೂ ಸಾಕಷ್ಟು ಹೈಲೈಟ್ ಆಗಿದ್ದರು. ‘ಈಗೇನು ಮಾಡುತ್ತಾನೆ ನಿಮ್ಮ ಹೀರೋ’ ಎಂದೆಲ್ಲ ಕೇಳಿ ಜನಪ್ರಿಯತೆ ಪಡೆದಿದ್ದರು. ಆ ವಿಡಿಯೋಗಳು ವೈರಲ್ ಆಗಿದ್ದವು.

‘ಕೆಜಿಎಫ್ 2’ ಕ್ಲೈಮ್ಯಾಕ್ಸ್​ನಲ್ಲಿ ‘ಕೆಜಿಎಫ್ 3’ ಬಗ್ಗೆ ಅಪ್ಡೇಟ್ ನೀಡಲಾಗಿತ್ತು. ಶೀಘ್ರವೇ ಇದರ ಅಪ್ಡೇಟ್ ನೀಡೋದಾಗಿ ವಿಜಯ್ ಕಿರಂಗದೂರು ಅವುರ ಹೇಳಿಕೆ ನೀಡಿದ್ದಾರೆ. ‘ಕೆಜಿಎಫ್ 3’ ಸಿನಿಮಾದಲ್ಲಿಯೂ ಮಾಳವಿಕಾ ಅವಿನಾಶ್ ಪಾತ್ರ ಇರುವ ಸಾಧ್ಯತೆ ಹೆಚ್ಚಾಗಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ