ಕೋರ್ಟ್​ ಆದೇಶ ಕೇಳಿ ನಟಿಮಣಿಯರು ಕೆಂಡಾಮಂಡಲ

ಬೆಂಗಳೂರು: ಸ್ಯಾಂಡಲ್‌ವುಡ್‌ಗೆ ಡ್ರಗ್ಸ್ ಜಾಲದ ನಂಟು ಆರೋಪ ಕೇಸ್​ಗೆ ಸಂಬಂಧಿಸಿದಂತೆ ನಟಿಯರಾದ ರಾಗಿಣಿ ಮತ್ತು ಸಂಜನಾರನ್ನು ಮತ್ತೆ ಮೂರು ದಿನಗಳ ಕಾಲ ಸಿಸಿಬಿ ಕಸ್ಟಡಿಗೆ ಒಪ್ಪಿಸಲಾಗಿದೆ. ವಿಡಿಯೋ ಕಾನ್ಫರೆನ್ಸ್​ ಮೂಲಕ ನಡೆದ ವಿಚಾರಣೆಯಲ್ಲಿ ನ್ಯಾಯಾಧೀಶರು CCB ಕಸ್ಟಡಿಗೆ ನೀಡಿ ಆದೇಶ ಹೊರಡಿಸಿದರು.

ಈ ವೇಳೆ ಕೋರ್ಟ್​ ಆದೇಶ ಕೇಳಿ ರಾಗಿಣಿ ದ್ವಿವೇದಿ ಮತ್ತು ಸಂಜನಾ ಗಲ್ರಾನಿ ಕೆಂಡಾಮಂಡಲವಾದರು ಎಂದು ತಿಳಿದುಬಂದಿದೆ. ವಿಚಾರಣೆ ವೇಳೆ ಲ್ಯಾಪ್​ಟಾಪ್ ಮುಂದೆ ಕೂತಿದ್ದ ನಟಿಮಣಿಯರು ಮತ್ತೆ 3 ದಿನಗಳ ಕಾಲ CCB ವಶಕ್ಕೆ ನೀಡಿದ್ದನ್ನು ಕೇಳಿ ಆಕ್ರೋಶಗೊಂಡರು. ತಮ್ಮ ಕೊಠಡಿಯಲ್ಲೇ ಎದ್ದು ನಿಂತು ಆಕ್ರೋಶದಿಂದ ಕೂಗಾಡಿದ್ದಾರಂತೆ.

‘ಡ್ರಗ್ಸ್​ ಪ್ರಕರಣದ ತನಿಖೆ ಸರಿಯಾದ ದಿಕ್ಕಿನಲ್ಲಿ ಸಾಗುತ್ತಿದೆ’
ಇನ್ನು ನಟಿಯರ ಕಸ್ಟಡಿ ಪಡೆದಿರುವ CCB ಅಧಿಕಾರಿಗಳು ರಾಗಿಣಿ ಹಾಗೂ ಸಂಜನಾ ವಿರುದ್ಧ ನಮ್ಮ ಬಳಿ ಪಕ್ಕಾ ಸಾಕ್ಷ್ಯಾಧಾರವಿದೆ. ಡ್ರಗ್ಸ್​ ಪ್ರಕರಣದ ತನಿಖೆ ಸರಿಯಾದ ದಿಕ್ಕಿನಲ್ಲಿ ಸಾಗುತ್ತಿದೆ. ನಮ್ಮ ಮನವಿಯನ್ನು ನ್ಯಾಯಾಲಯ​ ಪುರಸ್ಕರಿಸಿದೆ. ಹಾಗಾಗಿ, ಮತ್ತೆ 3 ದಿನಗಳ ಕಾಲ ನಟಿಯರ ವಿಚಾರಣೆ ನಡೆಸುತ್ತೇವೆ ಎಂದು ಟಿವಿ 9ಗೆ CCB ಉನ್ನತ ಮೂಲಗಳು ತಿಳಿಸಿದೆ.