ರಶ್ಮಿಕಾ ಮಂದಣ್ಣ ಜೀವನದಲ್ಲಿ ಎಲ್ಲವನ್ನೂ ಉತ್ತಮಗೊಳಿಸುವವಳು ಇವಳೇ ನೋಡಿ..

ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಚಿತ್ರರಂಗದಲ್ಲಿ ಯಶಸ್ಸು ಕಂಡಿದ್ದಾರೆ. ಹಲವು ಹಿಟ್ ಚಿತ್ರಗಳನ್ನು ನೀಡಿದ ಖ್ಯಾತಿ ಅವರಿಗೆ ಇದೆ. ಇದರ ಜೊತೆಗೆ ಅವರ ಬಗ್ಗೆ ದಿನಕ್ಕೊಂದು ಗಾಸಿಪ್​ ಕೇಳಿಬರುತ್ತಿದೆ. ಅದಕ್ಕೆಲ್ಲ ಅವರು ಹೆಚ್ಚು ತಲೆ ಕೆಡಿಸಿಕೊಳ್ಳುವುದಿಲ್ಲ. ಜನಪ್ರಿಯ ಹೀರೋಯಿನ್​ ಬಗ್ಗೆ ಒಂದಷ್ಟು ಅಂಕೆ-ಕಂತೆಗಳು ಹರಿದಾಡುವುದು ಸಹಜ. ಇದೆಲ್ಲವೂ ಅವರಿಗೆ ತಲೆನೋವೇ. ಇದರ ಜೊತೆಗೆ ಕೆಲಸದ ಒತ್ತಡ. ಶೂಟಿಂಗ್​ಗಾಗಿ ಒಂದು ಕಡೆಯಿಂದ ಮತ್ತೊಂದು ಕಡೆ ಪ್ರಯಾಣ ಮಾಡೋದು.. ಹೀಗೆ ರಶ್ಮಿಕಾ ನಿತ್ಯವೂ ಬ್ಯುಸಿ ಇರುತ್ತಾರೆ. ಆದರೆ ಎಷ್ಟೇ ಒತ್ತಡ ಬಂದರೂ ಅವರ ತಲೆನೋವು ಕಡಿಮೆ ಮಾಡೋದು ಒಬ್ಬರೇ. ಆ ಬಗ್ಗೆ ರಶ್ಮಿಕಾ ಮಾಹಿತಿ ನೀಡಿದ್ದಾರೆ.

ರಶ್ಮಿಕಾ ಮಂದಣ್ಣ ಔರಾ ಎಂಬ ಹೆಣ್ಣು ನಾಯಿಯನ್ನು ಸಾಕಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ನಾಯಿಯ ಅನೇಕ ಫೋಟೋಗಳನ್ನು ಅವರು ಆಗಾಗ ಶೇರ್​ ಮಾಡಿಕೊಳ್ಳುತ್ತಾರೆ. ಈಗ ಅವರು ಹೊಸ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋ ಸಖತ್ ಕ್ಯೂಟ್ ಆಗಿದೆ. ರಶ್ಮಿಕಾ ಮಂದಣ್ಣ ಅವರು ನೆಲದಮೇಲೆ ಮಲಗಿದ್ದಾರೆ. ಅವರ ಮೈಮೇಲೆ ಔರಾ ಮಲಗಿದ್ದಾಳೆ. ‘ಅವಳು ಎಲ್ಲವನ್ನೂ ಉತ್ತಮಗೊಳಿಸುತ್ತಾಳೆ’ ಎಂದಿದ್ದಾರೆ. ಇದಕ್ಕೆ ಫ್ಯಾನ್ಸ್ ಕಡೆಯಿಂದ ಲೈಕ್ಸ್ ಸಿಕ್ಕಿದೆ.

ಕಳೆದ ವರ್ಷ ಇದೇ ಸಂದರ್ಭದಲ್ಲಿ ರಶ್ಮಿಕಾ ಶ್ವಾನದ ಬಗ್ಗೆ ಗಾಸಿಪ್ ಒಂದು ಹರಡಿತ್ತು. ಈ ನಾಯಿಯಿಂದಾಗಿ ನಿರ್ಮಾಪಕರಿಗೆ ತೊಂದರೆ ಆಗುತ್ತಿದೆ ಎಂದು ಸುದ್ದಿ ಹರಿಬಿಡಲಾಗಿತ್ತು. ಆ ಬಗ್ಗೆ ರಶ್ಮಿಕಾ ಮಂದಣ್ಣ ಅವರು ಬಹಿರಂಗವಾಗಿಯೇ ಸ್ಪಷ್ಟನೆ ನೀಡಿದ್ದರು.

ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ-ವಿಜಯ್ ದೇವರಕೊಂಡ ಡೇಟಿಂಗ್ ಮಾಡ್ತಿರೋದು ನಿಜ; ವಿಡಿಯೋ ಸಾಕ್ಷಿ ತಂದ ಫ್ಯಾನ್ಸ್

‘ರಶ್ಮಿಕಾ ಮಂದಣ್ಣ ಅವರು ತಮ್ಮ ಶ್ವಾನಕ್ಕೂ ವಿಮಾನದಲ್ಲಿ ಟಿಕೆಟ್​ ಬುಕ್​ ಮಾಡಬೇಕು ಎಂದು ಡಿಮ್ಯಾಂಡ್​ ಮಾಡುತ್ತಿದ್ದಾರೆ. ಇದು ನಿರ್ಮಾಪಕರಿಗೆ ಹೊರೆ ಆಗುತ್ತಿದೆ’ ಎಂದು ಆ ಸುದ್ದಿಯಲ್ಲಿ ಬರೆಯಲಾಗಿತ್ತು. ಈ ಬಗ್ಗೆ ರಶ್ಮಿಕಾ ಉತ್ತರಿಸಿದ್ದರು. ‘ಔರಾ (ಶ್ವಾನ) ನನ್ನ ಜೊತೆ ಪ್ರಯಾಣ ಮಾಡಲಿ ಎಂದು ನೀವು ಬಯಸಿದರೂ ಆಕೆ ಬರುವುದಿಲ್ಲ. ಔರಾ ಹೈದರಾಬಾದ್​​ನಲ್ಲಿಯೇ ಖುಷಿಯಾಗಿ ಇದ್ದಾಳೆ. ನಿಮ್ಮ ಕಾಳಜಿಗೆ ಧನ್ಯವಾದಗಳು’ ಎಂದು ರಶ್ಮಿಕಾ ವ್ಯಂಗ್ಯವಾಗಿ ಟ್ವೀಟ್​ ಮಾಡಿದ್ದರು. ಜೊತೆಗೆ, ‘ನನಗೆ ನಗು ತಡೆಯಲು ಆಗುತ್ತಿಲ್ಲ’ ಎಂದು ಅವರು ಬರೆದುಕೊಂಡಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ