ಸ್ಯಾಂಡಲ್​​ವುಡ್​​ನಲ್ಲಿ ಬರಗಲಾದಲ್ಲಿ ಮಳೆ; ಸೈಲೆಂಟ್​ ಆಗೇ ಸದ್ದು ಮಾಡ್ತಿದೆ ‘ವಿಡಿಯೋ’ ಸಿನಿಮಾ

ಕನ್ನಡ ಚಿತ್ರರಂಗದಲ್ಲಿ ಹೊಸ ಹೊಸ ಪ್ರಯತ್ನಗಳು ನಡೆಯುತ್ತಲೇ ಇರುತ್ತವೆ. ಈ ಪೈಕಿ ಕೆಲವು ಯಶಸ್ಸು ಕಂಡರೆ ಇನ್ನೂ ಕೆಲವು ಸದ್ದಿಲ್ಲದೆ ಕಳೆದು ಹೋಗುತ್ತವೆ. ಹೊಸ ಪ್ರಯತ್ನಗಳ ಪೈಕಿ ಗೆಲ್ಲೋದು ಕೆಲವು ಮಾತ್ರ. ಈ ಸಾಲಿಗೆ ‘ವಿಡಿಯೋ’ ಸಿನಿಮಾ ಕೂಡ ಸೇರ್ಪಡೆ ಆಗುವ ನಿರೀಕ್ಷೆ ಇದೆ. ಹೊಸ ರೀತಿಯಲ್ಲಿ ಸಿನಿಮಾ ಮೂಡಿ ಬಂದಿದ್ದು, ಮೆಚ್ಚುಗೆ ಪಡೆಯುತ್ತಿದೆ. ಬುಕಿಂಗ್ ಕೂಡ ಉತ್ತಮವಾಗಿಯೇ ಆಗುತ್ತಿದೆ.

‘ವಿಡಿಯೋ’ ಸಿನಿಮಾದ ಕಥೆ ಏನು?

‘ವಿಡಿಯೋ’ ಸಿನಿಮಾ ಯೂಟ್ಯೂಬರ್​​ಗಳ ಕಥೆ. ಕನ್ನಡದ ಫೇಮಸ್ ವ್ಲಾಗರ್ಸ್ ಭಯ ಬೀಳಿಸುವ ಜಾಗಕ್ಕೆ ತೆರಳುತ್ತಾರೆ. ಅಲ್ಲಿ ವ್ಲಾಗ್ ಮಾಡಿ ಫೇಮಸ್ ಆಗಬೇಕು ಎಂಬದು ಅವರ ಉದ್ದೇಶ ಆಗಿರುತ್ತದೆ. ಅಲ್ಲಿಗೆ ತೆರಳಿದ ಬಳಿಕ ಏನೆಲ್ಲ ಆಗುತ್ತದೆ ಎಂಬುದೇ ಸಿನಿಮಾದ ಕಥೆ. 6-5=2 ಹೆಸರಿನ ಹಾರರ್ ಸಿನಿಮಾ ಈ ಮೊದಲು ಬಂದು ಹಿಟ್ ಆಗಿತ್ತು. ಅದೇ ಮಾದರಿಯಲ್ಲಿ ಈ ‘ವಿಡಿಯೋ’ ಸಿನಿಮಾ ಮೂಡಿ ಬಂದಿದೆ. ಈ ಚಿತ್ರ ಹಾರರ್ ಪ್ರಿಯರಿಗೆ ಇಷ್ಟ ಆಗುತ್ತಿದೆ.

#VideoTheFilm ends its First Day with a Housefull Show at Victory Cinemas! 🔥👏 pic.twitter.com/P5WGhi8qiD

— Karnataka Talkies (@KA_Talkies) September 11, 2026

ಶ್ರೀನಿಧಿ ಬೆಂಗಳೂರು ಅವರು ‘ವಿಡಿಯೋ’ ಚಿತ್ರವನ್ನು ನಿರ್ದೇಶನ ಮಾಡಿದ್​ದಾರೆ. ಕನ್ನಡದ ಖ್ಯಾತ ನಟ ದೀಕ್ಷಿತ್ ಶೆಟ್ಟಿ ಅವರು ಶ್ರೀನಿಧಿ ಶೆಟ್ಟಿ ಪ್ರಯತ್ನಕ್ಕೆ ಹಣ ಹಾಕಿದ್ದಾರೆ. ‘ದೀ ಸಿನಿಮಾಸ್’ ಬ್ಯಾನರ್ ಅಡಿಯಲ್ಲಿ ಇದು ಮೂಡಿಬಂದಿದೆ.ಭರತ್, ಜೀವನ್ ಶಿವಕುಮಾರ್, ತೇಜಶ್, ಪ್ರಿಯಾ ಆಚಾರ ಮೊದಲಾದವರು ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.

‘ವಿಡಿಯೋ’ ಚಿತ್ರಕ್ಕೆ ಎ ರೇಟಿಂಗ್ ಸಿಕ್ಕಿದೆ. ವಿಶೇಷ ಎಂದರೆ ಸಿನಿಮಾಗೆ ಬೆಂಗಳೂರಿನಲ್ಲಿ ಕಡಿಮೆ ಶೋಗಳು ಸಿಕ್ಕಿವೆ. ಸಿಕ್ಕ ಶೋಗಳೇ ಹೌಸ್​ಫುಲ್ ಆಗುತ್ತಿವೆ. ಈ ಸಿನಿಮಾದ ಬುಕಿಂಗ್ ಹೀಗೆಯೇ ಮುಂದುವರಿದರೆ ಎರಡನೇ ವಾರದ ವೇಳೆಗೆ ಶೋಗಳ ಸಂಖ್ಯೆ ಹೆಚ್ಚಾಗಬಹುದು.

ಇದನ್ನೂ ಓದಿ: ಟ್ರೇಲರ್ ಇಲ್ಲದೆ ಬರ್ತಿದೆ ‘ಪ್ಯಾರಡೈಸ್’ ಸಿನಿಮಾ; ಪ್ರೇಕ್ಷಕರು ಇದನ್ನು ಒಪ್ಪುತ್ತಾರಾ?

ಸದ್ಯ ಸಾಕಷ್ಟು ನಿರ್ದೇಶಕರು ಹಾಗೂ ಸೆಲೆಬ್ರಿಟಿಗಳು ಸಿನಿಮಾಗೆ ವಿಶ್ ಮಾಡುತ್ತಿದ್ದಾರೆ. ಈ ಸಿನಿಮಾ ಮತ್ತಷ್ಟು ಜನರನ್ನು ತಲುಪಲಿ ಎಂದು ಎಲ್ಲರೂ ಹಾರೈಸುತ್ತಿದ್ದಾರೆ. ಈ ಸಿನಿಮಾಗೆ ಉತ್ತಮ ಬುಕಿಂಗ್ ಆಗುತ್ತಿರುವುದು ಬರಗಾದಲ್ಲಿ ಮಳೆ ಬಂದಂತೆ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.