ಗ್ರ್ಯಾಮಿ ನಾಮಿನೇಷನ್​ನಲ್ಲಿ ‘ಮಗಳು ಜಾನಕಿ’ ಟೈಟಲ್ ಸಾಂಗ್ ಗಾಯಕಿ ವಾರಿಜಾಶ್ರೀ ವೇಣುಗೋಪಲ್​ ಹೆಸರು

‘ಮಗಳು ಜಾನಕಿ’ ಧಾರಾವಾಹಿಯನ್ನು ಟಿಎನ್​ ಸೀತಾರಾಮ ನಿರ್ದೇಶನ ಮಾಡಿದ್ದರು. ಈ ಧಾರಾವಾಹಿಯ ಟೈಟಲ್ ಸಾಂಗ್ ಸಾಕಷ್ಟು ಗಮನ ಸೆಳೆದಿತ್ತು. ಇದನ್ನು ಹಾಡಿದ್ದು ವಾರಿಜಾಶ್ರೀ ವೇಣುಗೋಪಾಲ್ ಅವರು. ಕನ್ನಡದಲ್ಲಿ ಅವರು ಹಲವು ಹಾಡುಗಳನ್ನು ಹಾಡಿದ್ದಾರೆ. ಅವರು ‘ಹಾಡು ಕರ್ನಾಟಕ’ ಶೋಗೆ ಜಡ್ಜ್​ ಕೂಡ ಆಗಿದ್ದರು. ಬೆಂಗಳೂರಿನ ಮೂದವರಾದ ಅವರು, ಈ ಬಾರಿಯ ಗ್ರ್ಯಾಮಿ ಅವಾರ್ಡ್​ಗೆ ನಾಮಿನೇಟ್ ಆಗಿದ್ದಾರೆ. ಇದು ಅವರ ಸಂತಸ ಹೆಚ್ಚಿಸಿದೆ.

‘ಗ್ರ್ಯಾಮಿ 2025’ ನಾಮಿನೇಷನ್ ಇತ್ತೀಚೆಗೆ ಅನೌನ್ಸ್ ಆಗಿದೆ. ಇದು 67ನೇ ಸಾಲಿನ ಅವಾರ್ಡ್ಸ್ ಕಾರ್ಯಕ್ರಮ ಆಗಿದೆ. ಈ ಸಾಲಿನಲ್ಲಿ ರಿಕ್ಕಿ ಕೇಜ್, ಅಶೋಕ್ ಶಂಕರ್ ಸೇರಿ ಐದು ಮಂದಿ ಭಾರತೀಯರು ಇದ್ದಾರೆ. ಈ ಸಾಲಿನಲ್ಲಿ ಬೆಂಗಳೂರಿನ ವಾರಿಜಾಶ್ರೀ ವೇಣುಗೋಪಾಲ್ ಕೂಡ ಇದ್ದಾರೆ ಅನ್ನೋದು ವಿಶೇಷ. ಅವರು ಭಾರತೀಯ ಶಾಸ್ತ್ರೀಯ ಸಂಗೀತದಲ್ಲಿ ಹೆಸರು ಮಾಡಿದ್ದಾರೆ.

ವಾಣಿಶ್ರೀ ಅವರು ಸಂಗೀತ ಹಿನ್ನೆಲೆ ಹೊಂದಿರುವವರು. ಅವರ ತಂದೆ ಎಚ್​ಎಸ್ ವೇಣುಗೋಪಾಲ್ ಹಾಗೂ ತಾಯಿ ಟಿವಿ ರಮಾ ಸಂಗೀತ ಲೋಕದಲ್ಲಿ ಹೆಸರು ಮಾಡಿದ್ದಾರೆ. ಈ ಕಾರಣಕ್ಕೆ ವಾಣಿಶ್ರೀ ಅವರಿಗೆ ಸಂಗೀತದ ಬಗ್ಗೆ ಚಿಕ್ಕ ವಯಸ್ಸಿನಿಂದಲೇ ಆಸಕ್ತಿ ಬಂತು. ಅವರು ಮೊದಲ ಬಾರಿಗೆ ಗ್ರ್ಯಾಮಿಗೆ ನಾಮಿನೇಟ್ ಆದ ಖುಷಿಯಲ್ಲಿ ಇದ್ದಾರೆ.

‘ಬೆಸ್ಟ್ ಗ್ಲೋಬಲ್ ಮ್ಯೂಸಿಕ್ ಪರ್ಫಾರ್ಮೆನ್ಸ್’ ವಿಭಾಗದಲ್ಲಿ ಅವರ ‘ಎ ರಾಕ್ ಸಮ್​ವೇರ್’ ಹಾಡು ನಾಮಿನೇಟ್ ಆಗಿದೆ.  ಇದು ಅವರ ಖುಷಿ ಹೆಚ್ಚಿಸಿದೆ. ಅವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಅವರಿಗೆ ಶುಭಾಶಯ ಬರುತ್ತಿವೆ. ‘ಹರಿವ ಝರಿ..’, ರೀತಿಯ ಹಾಡುಗಳನ್ನು ಅವರು ಹಾಡಿದ್ದಾರೆ. ಈ ಹಾಡುಗಳು ಸಾಕಷ್ಟು ಸುಮಧುರವಾಗಿ ಮೂಡಿ ಬಂದಿತ್ತು.

ಇದನ್ನೂ ಓದಿ: ಎಷ್ಟು ಮಧುರವಾಗಿದೆ ನೋಡಿ ನಿಶಾ ರವಿಕೃಷ್ಣನ್ ಧ್ವನಿ

ಬೆಂಗಳೂರು ಮೂಲದ Chakrafonics ಹೆಸರಿನ ಬ್ಯಾಂಡ್​ನ ಭಾಗವಾಗಿ ವಾಣಿಶ್ರೀ ಇದ್ದಾರೆ. ಪ್ರವೀಣ್ ರಾವ್, ಅಜಯ್ ವಾರಿಯರ್, ಪ್ರಮಥ್ ಕಿರಣ್ ಈ ಬ್ಯಾಂಡ್​ನಲ್ಲಿ ಇದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.