Shilpa Shetty: ಡಾನ್ಸ್​ ಮಾಡುವಾಗಲೇ ಎಡವಿದ ಶಿಲ್ಪಾ ಶೆಟ್ಟಿ; ಜರಾ ದೇಖ್​ ಕೆ ಚಲೋ ಎಂದ ವಿಡಿಯೋ ವೈರಲ್​

ನಟಿ ಶಿಲ್ಪಾ ಶೆಟ್ಟಿ ಸಿನಿಮಾ ರಂಗದಿಂದ ದೂರ ಉಳಿದರೂ ಸೋಶಿಯಲ್​ ಮೀಡಿಯಾದಲ್ಲಿ ತುಂಬಾನೇ ಆ್ಯಕ್ಟಿವ್​ ಆಗಿದ್ದಾರೆ. ಭಿನ್ನ ರೀತಿಯ ಫೋಟೋ ಹಾಗೂ ವಿಡಿಯೋಗಳನ್ನು ಪೋಸ್ಟ್​ ಮಾಡುವ ಮೂಲಕ ಅವರು ಎಲ್ಲರ ಗಮನ ಸೆಳೆಯುತ್ತಿರುತ್ತಾರೆ. ಸಾಕಷ್ಟು ಬಾರಿ ಅಭಿಮಾನಿಗಳು ಕೇಳಿದ ಪ್ರಶ್ನೆಗೆ ಶಿಲ್ಪಾ ಶೆಟ್ಟಿ ಸಾಮಾಜಿಕ ಜಾಲತಾಣದಲ್ಲೇ ಉತ್ತರ ನೀಡಿದ ಉದಾಹರಣೆ ಕೂಡ ಇದೆ. ಈ ಮಧ್ಯೆ ಶಿಲ್ಪಾ ಶೆಟ್ಟಿ ಹಾಕಿಕೊಂಡಿರುವ ವಿಡಿಯೋ ಒಂದು ಸಾಕಷ್ಟು ವೈರಲ್​ ಆಗಿದೆ.

ತಮ್ಮ ಬಗ್ಗೆ ತಾವೇ ಟ್ರೋಲ್​ ಮಾಡಿಕೊಳ್ಳೋಕೆ ಯಾವ ಸೆಲೆಬ್ರಿಟಿಗಳು ಇಷ್ಟಪಡುವುದಿಲ್ಲ. ಹೀಗಾಗಿ, ಅವರು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕುವುದಕ್ಕೂ ಮೊದಲು ಅನೇಕ ಬಾರಿ ವಿಚಾರ ಮಾಡುತ್ತಾರೆ. ಅಷ್ಟೇ ಅಲ್ಲ ಮನೆಯಿಂದ ಹೊರ ಹೋಗುವಾಗ ಯಾವ ಉಡುಗೆ ತೊಡಬೇಕು ಎನ್ನುವ ಬಗ್ಗೆ ಆಲೋಚಿಸುತ್ತಾರೆ. ಏಕೆಂದರೆ, ಅವರು ಮಾಡುವ ಸಣ್ಣ ತಪ್ಪು ಕೂಡ ಟ್ರೋಲ್​ ಮಾಡುವವರಿಗೆ ಆಹಾರವಾಗಿ ಬಿಡುತ್ತದೆ.

ಆದರೆ, ಶಿಲ್ಪಾ ಶೆಟ್ಟಿ ಈ ಬಗ್ಗೆ ತಲೆಕೆಡಿಸಿಕೊಂಡಂತೆ ಕಾಣುವುದಿಲ್ಲ. ಅವರ ಬಗ್ಗೆ ಅವರೇ ಟ್ರೋಲ್​ ಮಾಡಿಕೊಳ್ಳುವಂತ ವಿಡಿಯೋ ಒಂದನ್ನು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಸಾಕಷ್ಟು ವೈರಲ್​ ಆಗಿದೆ. ಅಷ್ಟಕ್ಕೂ ಆ ವಿಡಿಯೋದಲ್ಲಿ ಇರುವುದಾದರೂ ಏನು ಎನ್ನುವ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಶಿಲ್ಪಾ ಶೆಟ್ಟಿ ಹಳದಿ ಬಣ್ಣದ ಉಡುಗೆ ಒಂದನ್ನು ಧರಿಸಿದ್ದರು. ಈ ಉಡುಗೆ ತೊಟ್ಟು ಅವರು ಸ್ಟೈಲಿಶ್​ ಆಗಿ ಡಾನ್ಸ್​ ಮಾಡೋಕೆ ಹೋಗಿದ್ದಾರೆ. ಈ ವೇಳೆ ಅವರ ಕಾಲನ್ನು ಆ ಕಡೆ ಈ ಕಡೆ ಮಾಡಿದ್ದಾರೆ. ಆಗ ಶಿಲ್ಪಾ ಶೆಟ್ಟಿ ಎಡವಿ ಬೀಳುವವರಾಗಿದ್ದರು. ಅದೃಷ್ಟವಶಾತ್​ ಅವರು ಬೀಳದೇ ಬಚಾವ್​ ಆಗಿದ್ದಾರೆ. ಅಲ್ಲದೆ ಈ ವಿಡಿಯೋಗೆ, ಏಯ್​ ಭಾಯ್​ ಜರಾ ದೇಖ್​ ಕೆ ಚಲೋ (ಅಣ್ಣಾ ಸ್ವಲ್ಪ ನೋಡಿಕೊಂಡು ಹೋಗಿ) ಎನ್ನುವ ಕ್ಯಾಪ್ಶನ್​ ಕೂಡ ಹಾಕಿದ್ದಾರೆ.

ಸಿನಿಮಾ ವಿಚಾರಕ್ಕೆ ಬರೋದಾದರೆ 2007ರಲ್ಲಿ ತೆರೆಗೆ ಬಂದ ಅಪ್ನೆ ಸಿನಿಮಾ ಕೊನೆ. ನಂತರ ಮೂರು ಚಿತ್ರಗಳಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕಿದ್ದು ಬಿಟ್ಟರೆ ಮತ್ತಾವುದೇ ಚಿತ್ರಗಳಲ್ಲಿ ಶಿಲ್ಪಾ ನಟಿಸಿಲ್ಲ. 2009ರಲ್ಲಿ ಶಿಲ್ಪಾ ವಿವಾಹ ಕೂಡ ಆದರು. ನಂತರ ಅವರು ಚಿತ್ರರಂಗದಿಂದ ಸಂಪೂರ್ಣವಾಗಿ ದೂರ ಉಳಿದರು. ಸದ್ಯ ಅವರ ಕೈನಲ್ಲಿ ಎರಡು ಚಿತ್ರಗಳಿವೆ. ಈ ಸಿನಿಮಾಗಳು ಶೀಘ್ರವೇ ತೆರೆಗೆ ಬರಲಿವೆಯಂತೆ.

ಇದನ್ನೂ ಓದಿ: Raj Kundra Audi Car: ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾಗೆ ಸೇರಿದ ಕಾರು ಹಿಟ್ ಅಂಡ್​ ರನ್ ಅಪಘಾತಕ್ಕೆ ತುತ್ತು