‘ಮೈಲಾರಿ 2’ ಕನ್ಫರ್ಮ್, ‘ಕಬ್ಜ 2’ ಡೌಟ್? ಡಿಫರೆಂಟ್ ಹೇಳಿಕೆ ಕೊಟ್ಟ ಚಂದ್ರು-ಶಿವಣ್ಣ

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ ಮುಂಬರುವ ಸಿನಿಮಾಗಳ ಬಗ್ಗೆ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಚರ್ಚೆಯೊಂದು ಶುರುವಾಗಿದೆ. ನಿರ್ದೇಶಕ ಆರ್. ಚಂದ್ರು ಮತ್ತು ಶಿವಣ್ಣ ಅವರ ಹೇಳಿಕೆಗಳು ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಹಾಗೂ ಗೊಂದಲವನ್ನು ಸೃಷ್ಟಿಸಿವೆ. ಚಂದ್ರು ಅವರು ‘ಕಬ್ಜ 2’ ಬರುತ್ತೆ ಅಂದ್ರೆ, ಶಿವಣ್ಣ ನಾನು ಆ ಚಿತ್ರಕ್ಕೆ ಕಮಿಟ್ ಆಗಿಲ್ಲ ಎಂದಿದ್ದಾರೆ.

‘ಒರಿಜಿನಲ್ ಮಾನ್​ಸ್ಟರ್’ ಸಿನಿಮಾ ಸುದ್ದಿಗೋಷ್ಠಿಯಲ್ಲ ಮಾತನಾಡಿದ ನಿರ್ದೇಶಕ ಆರ್. ಚಂದ್ರು, ‘ಕಬ್ಜ 2 ಸಿನಿಮಾ ನೂರಕ್ಕೆ ನೂರಷ್ಟು ಬರುತ್ತೆ’ ಎಂದು ಅತ್ಯಂತ ಆತ್ಮವಿಶ್ವಾಸದಿಂದ ಹೇಳಿಕೊಂಡರು. ಆದರೆ, ಈ ಬಗ್ಗೆ ಶಿವಣ್ಣ ಅವರ ಬಳಿ ಕೇಳಿದಾಗ, ‘ನಾನು ಕಬ್ಜ 2 ಚಿತ್ರಕ್ಕೆ ಇನ್ನೂ ಯಾವುದೇ ಕಮಿಟ್‌ಮೆಂಟ್ ನೀಡಿಲ್ಲ’ ಎಂದು ಸ್ಪಷ್ಟಪಡಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.

‘ಕಬ್ಜ 2’ ಕಥೆ ಒಂದು ಕಡೆಯಾದರೆ, ಶಿವಣ್ಣ ನೀಡಿರುವ ಮತ್ತೊಂದು ಸೀಕ್ವೆಲ್ ಅಪ್‌ಡೇಟ್ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ಬ್ಲಾಕ್‌ಬಸ್ಟರ್ ‘ಮೈಲಾರಿ’ ಸಿನಿಮಾದ ಸೀಕ್ವೆಲ್ ‘ಮೈಲಾರಿ 2’ ಖಂಡಿತವಾಗಿಯೂ ಆಗಲಿದೆ ಎಂದು ಶಿವಣ್ಣ ಸೂಪರ್ ನ್ಯೂಸ್ ಕೊಟ್ಟಿದ್ದಾರೆ.

#Shivanna says #Kabzaa2 ಇನ್ನೂ commit ಆಗಿಲ್ಲ. But R Chandru says 100% ಬರುತ್ತೆ!

ಇದ್ರ ಮಧ್ಯೆ, Shivanna #Mylari2 ಆಗುತ್ತೆ ಅಂತ ಹೇಳಿದ್ರು! pic.twitter.com/VjesKcu0pF

— Bhargavi (@IamHCB) September 7, 2026

ಒಟ್ಟಿನಲ್ಲಿ ‘ಕಬ್ಜ 2’ ಸೆಟ್ಟೇರುತ್ತದೆಯೋ ಇಲ್ಲವೋ ಎಂಬ ಸಸ್ಪೆನ್ಸ್ ಒಂದೆಡೆಯಿದ್ದರೆ, ‘ಮೈಲಾರಿ 2’ ಬರುವುದು ಪಕ್ಕಾ ಆಗಿದೆ. ಈ ಎರಡು ದೊಡ್ಡ ಸಿನಿಮಾಗಳ ಬಗ್ಗೆ ಮುಂದಿನ ದಿನಗಳಲ್ಲಿ ನಿರ್ದೇಶಕ ಆರ್. ಚಂದ್ರು ಮತ್ತು ಶಿವಣ್ಣ ಕಡೆಯಿಂದ ಯಾವ ರೀತಿಯ ಸ್ಪಷ್ಟನೆ ಸಿಗಲಿದೆ ಎಂದು ಕಾದುನೋಡಬೇಕಿದೆ.

ಇದನ್ನೂ ಓದಿ: ಸಲ್ಮಾನ್ ಖಾನ್ ಜೊತೆ ಶಿವಣ್ಣ ಸಿನಿಮಾ ಮಾಡ್ತಾರಾ? ಶಿವರಾಜ್​ಕುಮಾರ್ ಕೊಟ್ಟರು ಉತ್ತರ

ಶಿವರಾಜ್​ಕುಮಾರ್ ಸದ್ಯ ‘ಒರಿಜಿನಲ್ ಮಾನ್​​ಸ್ಟರ್’ ಸಿನಿಮಾದ ಕೆಲಸದಲ್ಲಿ ಬ್ಯುಸಿ ಇದ್ದಾರೆ. ‘ಕಬ್ಜ’ ಬಳಿಕ ಚಂದ್ರು ಹಾಗೂ ಶಿವಣ್ಣ ಮತ್ತೆ ಒಂದಾಗುತ್ತಿದ್ದಾರೆ. ಈ ಸಿನಿಮಾ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಮೂಡಿ ಬರುತ್ತಿದೆ ಎಂಬುದು ವಿಶೇಷ. ಹಿಂದಿಯಲ್ಲೂ ಈ ಸಿನಿಮಾ ಶೂಟ್ ಆಗಲಿದೆ. ಈ ಚಿತ್ರದ ಬಗ್ಗೆ ಅಭಿಮಾನಿಗಳಿಗೆ ಸಾಕಷ್ಟು ನಿರೀಕ್ಷೆ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.