ಬಿಗ್ ಬಾಸ್ ಕನ್ನಡ: ಮಂಜನ ಎಂಟ್ರಿ ಬಳಿಕ ಮನೆಯಲ್ಲಿ ಮತ್ತೆ ಮಾತಿನ ಚಕಮಕಿ

‘ಬಿಗ್ ಬಾಸ್ ಕನ್ನಡ ಸೀಸನ್ 13’ ರಿಯಾಲಿಟಿ ಶೋನಲ್ಲಿ ಮೂರನೇ ಟಾಸ್ಕ್ ರದ್ದಾಗಿದೆ. ರಾಜಕೀಯದ ಥೀಮ್​ನಲ್ಲಿ ಬಿಗ್ ಬಾಸ್ ನೀಡಿದ್ದ ಟಾಸ್ಕ್ ನಿಭಾಯಿಸಲು ಸ್ಪರ್ಧಿಗಳು ಎಡವಿದ್ದಾರೆ. ಕಷ್ಟಪಟ್ಟು ಟಾಸ್ಕ್ ಆಡಿದ್ದರೂ ಕೂಡ ಯಾವ ಟೀಮ್ ವಿನ್ ಆಗಿದೆ ಎಂಬುದನ್ನು ಘೋಷಿಸಲು ಸ್ಪರ್ಧಿಗಳು ಸೋತಿದ್ದಾರೆ. ಹಾಗಾಗಿ ಟಾಸ್ಕ್ ರದ್ದು ಮಾಡುವುದಾಗಿ ಬಿಗ್ ಬಾಸ್ ಘೋಷಿಸಿದ್ದಾರೆ. ಮಂಜನ ಎಂಟ್ರಿ ಬಳಿಕ ಮತ್ತೆ ಮಾತಿನ ಚಕಮಕಿ ಹೆಚ್ಚಾಗಿದೆ. ತಾಂಡವ್ ರಾಮ್ ಜೊತೆ ಮಂಜ ಕಿರಿಕ್ ಮಾಡಿಕೊಂಡಿದ್ದಾರೆ. ಮಾತಿಗೆ ಮಾತು ಬೆಳೆದು ಜಗಳ ಹೆಚ್ಚಾಗಿದೆ.

‘ನಿಮಗೆ ನರ ಇದೆಯಾ’ ಎಂದು ಮಂಜ ಪ್ರಶ್ನೆ ಮಾಡಿದ್ದಾರೆ. ಈ ಮಾತನ್ನು ಕೇಳಿಸಿಕೊಂಡ ತಾಂಡವ್ ರಾಮ್ ಅವರಿಗೆ ಕೋಪ ಬಂದಿದೆ. ಮಂಜ ಇಂಥ ಪದಬಳಕೆ ಮಾಡಿದ್ದಕ್ಕೆ ತಾಂಡವ್ ರಾಮ್, ಗಗನ್ ಚಿನ್ನಪ್ಪ ಹಾಗೂ ಯಶಸ್ ಅವರು ಗರಂ ಆಗಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ಇಂಥ ಮಾತುಗಳನ್ನು ಆಡಿದ್ದಕ್ಕೆ ಮಂಜನ ವಿರುದ್ಧ ಸ್ಪರ್ಧಿಗಳು ಆಕ್ರೋಶ ವ್ಯಕ್ತಪಡಿದ್ದಾರೆ.

ಆಟದ ವೇಳೆ ಹಲವು ಜಗಳಗಳು ಆಗಿವೆ. ಆಟದ ಬಳಿಕ ಮೆಮೊರಿ ಲಾಸ್ ಆದಂತೆ ನಟಿಸಿದ ಗಾನವಿ ವರ್ತನೆಯನ್ನು ಅನೇಕರು ಖಂಡಿಸಿದ್ದಾರೆ. ಗಾನವಿ ಜೊತೆ ಮಂಜ ಕೂಡ ಸೇರಿಕೊಂಡಿದ್ದು ಎಲ್ಲರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಗಾನವಿ ಅವರು ವೈಲ್ಡ್ ಕಾರ್ಡ್ ಸ್ಪರ್ಧಿ. ಮಂಜ ಈಗಾಗಲೇ ಎಲಿಮಿನೇಟ್ ಆಗಿ ಮತ್ತೆ ಬಂದಿರುವ ವ್ಯಕ್ತಿ. ಆದರೆ ಅವರು ಸ್ಪರ್ಧಿ ಅಲ್ಲ. ಒಂದಷ್ಟು ದಿನಗಳ ಕಾಲ ಬಿಗ್ ಬಾಸ್ ಆಟದಲ್ಲಿ ಭಾಗವಹಿಸಲು ಅವರಿಗೆ ಅವಕಾಶ ನೀಡಲಾಗಿದೆ ಅಷ್ಟೇ. ಆದರೆ ಈ ವಾರ ಅವರಿಗೆ ಅಧ್ಯಕ್ಷನ ಸ್ಥಾನವನ್ನು ನೀಡಲಾಗಿದೆ. ಅವರು ಗಾನವಿ ಪರವಾಗಿ ಪಕ್ಷಪಾತ ಮಾಡಿದ್ದಾರೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

‘ಮಂಜನ ಬಾಯಲ್ಲಿ ಒಳ್ಳೆಯ ಮಾತುಗಳೇ ಬರಲ್ಲ. ಕಚಡ, ನರ ಎಂಬಿತ್ಯಾದಿ ಮಾತುಗಳೇ ಬರುತ್ತವೆ’ ಎಂದು ಸೌಂದರ್ಯಾ ಶೆಟ್ಟಿ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಕೂಡ ಮಂಜ ಅವರು ಪದ ಬಳಕೆಯಲ್ಲಿ ಎಡವಟ್ಟು ಮಾಡುವ ಸಾಧ್ಯತೆ ಇದೆ. ಇನ್ನುಳಿದ ಸ್ಪರ್ಧಿಗಳು ಅವರಿಗೆ ಎಚ್ಚರಿಕೆ ನೀಡುತ್ತಿದ್ದಾರೆ. ಆದರೂ ಮಂಜ ಸುಧಾರಿಸುವ ಲಕ್ಷಣ ಕಾಣಿಸುತ್ತಿಲ್ಲ.

ಇದನ್ನೂ ಓದಿ: ಬಿಗ್ ಬಾಸ್ ಕನ್ನಡ: ತಾಂಡವ್, ಗಗನ್ ಸ್ನೇಹದಲ್ಲಿ ಬಿರುಕು; ಇನ್ಮುಂದೆ ಬೇರೆ ಆಟ

ಬಿಗ್ ಬಾಸ್ ಆಟದಲ್ಲಿ ಈಗ 67 ದಿನಗಳು ಕಳೆದಿವೆ. ದಿನ ಕಳೆದಂತೆಲ್ಲ ಕೆಲವು ಸಂಬಂಧಗಳಲ್ಲಿ ಬಿರುಕು ಮೂಡುತ್ತಿವೆ. ಇಷ್ಟು ದಿನಗಳ ಕಾಲ ಯಶಸ್ ಮತ್ತು ಆಸಿಯಾ ಅವರು ಆಪ್ತವಾಗಿದ್ದರು. ಆದರೆ ಈಗ ಟಾಸ್ಕ್ ರದ್ದಾದ ಬಳಿಕ ಆಸಿಯಾ ಹಾಗೂ ಯಶಸ್ ನಡುವೆ ಮಾತಿನ ಜಟಾಪಟಿ ನಡೆದಿದೆ. ಆಸಿಯಾ ಅವರನ್ನು ಬಲಹೀನ ಸ್ಪರ್ಧಿ ಎಂದು ಯಶಸ್ ಅವರು ಘೋಷಿಸಿದ್ದೇ ಈ ಮನಸ್ತಾಪಕ್ಕೆ ಕಾರಣ ಆಗಿದೆ. ಯಶಸ್ ಅವರು ಸೌಂದರ್ಯಾ ಪರವಾಗಿ ಪಕ್ಷಪಾತ ಮಾಡಿದ್ದಾರೆ ಎಂಬ ಕಾರಣಕ್ಕೆ ಆಸಿಯಾ ಕೋಪಗೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.