ಬಿಗ್ ಬಾಸ್ ಮನೆಯಲ್ಲಿ ಈ ವಾರ ಪ್ರಮುಖರೇ ನಾಮಿನೇಟ್; ಹೊರ ಹೋಗುವವರು ಯಾರು?

‘ಬಿಗ್ ಬಾಸ್ ಕನ್ನಡ ಸೀಸನ್ 13’ ಈಗಾಗಲೇ ಎರಡು ತಿಂಗಳು ಪೂರೈಸಿದೆ. ಇನ್ನು ಕೆಲವೇ ವಾರಗಳಲ್ಲಿ ಫಿನಾಲೆ ಬರಲಿದೆ. ಅದಕ್ಕೂ ಮೊದಲು ನಾಮಿನೇಷನ್ ಸಾಕಷ್ಟು ರಂಗು ಪಡೆದುಕೊಂಡಿದೆ. ಮೊದಲೆಲ್ಲ ನೇರವಾಗಿ ನಾಮಿನೇಟ್ ಮಾಡಲು ಅವಕಾಶ ನೀಡಲಾಗುತ್ತಾ ಇತ್ತು. ಆದರೆ, ಈ ವಾರ ನಾಮಿನೇಷನ್ ಪ್ರಕ್ರಿಯೆ ಬದಲಾಯಿಸಲಾಗಿದೆ. ಇದರಿಂದ ಪ್ರಮುಖರೇ ನಾಮಿನೇಟ್ ಆಗಿದ್ದಾರೆ.

ಈ ವಾರ ಪರಿಷತ್ ಮಾದರಿಯಲ್ಲಿ ಬಿಗ್ ಬಾಸ್ ಮನೆ ರೆಡಿ ಮಾಡಲಾಗಿದೆ. ಇದಕ್ಕೆ ಅತಿಥಿಯಾಗಿ ಆಗಮಿಸಿರೋ ಮಂಜು ಅವರು ಅಧ್ಯಕ್ಷರಾಗಿದ್ದಾರೆ. ಯಶಸ್ ಕ್ಯಾಪ್ಟನ್. ಇಬ್ಬರನ್ನು ವೇದಿಕೆ ಮೇಲೆ ಕರೆಸಬೇಕು. ಆ ಬಳಿಕ ವಾದ-ವಿವಾದ ಮಂಡಿಸಬೇಕು. ಇದನ್ನು ಆಧರಿಸಿ ಮಂಜು ಅವರು ಒಬ್ಬರನ್ನು ನಾಮಿನೇಟ್ ಮಾಡಬೇಕು.

ಮೊದಲ ಸುತ್ತಿನಲ್ಲಿ ಪ್ರಶಾಂತ್-ಗಗನ್ ಅವರನ್ನು ವೇದಿಕೆ ಮೇಲೆ ಕರೆಯಲಾಯಿತು. ಇವರ ವಾದ ವಿವಾದ ಗಮನಿಸಿ, ತಾಂಡವ್ ಅವರನ್ನು ಮಂಜು ನಾಮಿನೇಟ್ ಮಾಡಿದರು. ನಂತರ ಗಗನ್ ಹಾಗೂ ಪ್ರಶಾಂತ್ ಅವರನ್ನು ಕರೆಸಲಾಯಿತು. ಈ ವೇಳೆ ತಾಂಡವ್ ರಾಮ್ ಅವರನ್ನು ನಾಮಿನೇಟ್ ಮಾಡಲಾಯಿತು.

ನಂತರ ಸೌಂದರ್ಯಾ ಹಾಗೂ ಜಗದೀಶ್ ಅವರನ್ನು ಕರೆಸಲಾಯಿತು. ಇಬ್ಬರ ವಾದ-ವಿವಾದ ಪರಿಗಣಿಸಿ ಜಗದೀಶ್ ಅವರನ್ನು ನಾಮಿನೇಟ್ ಮಾಡಲಾಯಿತು. ಆಸಿಯಾ ಹಾಗೂ ಧನುಷ್ ಅವರನ್ನು ವಾದ ವಿವಾದಕ್ಕೆ ಕರೆಸಲಾಯಿತು. ಈ ವಾದದಲ್ಲಿ ಆಸಿಯಾರನ್ನು ನಾಮಿನೇಟ್ ಮಾಡಲಾಯಿತು.

ಇದನ್ನೂ ಓದಿ: ಬಿಗ್ ಬಾಸ್ ಕನ್ನಡ: ತಾಂಡವ್, ಗಗನ್ ಸ್ನೇಹದಲ್ಲಿ ಬಿರುಕು; ಇನ್ಮುಂದೆ ಬೇರೆ ಆಟ

ಕಿರಣ್ ಶಾಸ್ತ್ರಿ ಹಾಗೂ ಸೌಂದರ್ಯಾ ಶೆಟ್ಟಿ ಅವರು ಪರಸ್ಪರ ಮಾತಿನ ಫೈಟ್​​ಗೆ ಇಳಿದರು. ಇವರ ಮಧ್ಯೆ ಭರ್ಜರಿ ಮಾತಿನ ಚಕಮಕಿ ನಡೆಯಿತು. ಈ ವೇಳೆ ನಾಮಿನೇಟ್ ಆಗಿದ್ದು ಕಿರಣ್ ಶಾಸ್ತ್ರಿ ಅವರು.

ಕೊನೆಗೆ ಈ ವಾರದ ನಾಮಿನೇಷನ್ ಲಿಸ್ಟ್ ಅಲ್ಲಿ ಗಗನ್, ಪ್ರಶಾಂತ್, ತಾಂಡವ್, ಜಗದೀಶ್, ಕಿರಣ್ ಶಾಸ್ತ್ರಿ, ಆಸಿಯಾ ಹಾಗೂ ಸೋನಿಕಾ ನಿಂತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.