ಶಮಿತಾ ಶೆಟ್ಟಿಯನ್ನು ಅಮ್ಮ ಎಂದು ಕರೆಯುವವರೆಲ್ಲರೂ ಹೋಗಿ ಮಕ್ಕಳ ‘ಬೋರ್ನ್ವಿಟಾ ಕ್ವಿಜ್​ನಲ್ಲಿ ಭಾಗವಹಿಸಲಿ’: ಶಾರ್ದೂಲ್

ಮಾಜಿ ಬಿಗ್​ಬಾಸ್ ಸ್ಪರ್ಧಿ ಶಾರ್ದೂಲ್ ಪಂಡಿತ್ ನಟಿ ಶಮಿತಾ ಶೆಟ್ಟಿ ಪರ ಬ್ಯಾಟ್ ಬೀಸಿದ್ದಾರೆ. ಬಿಗ್​ಬಾಸ್ ಒಟಿಟಿಯಲ್ಲಿ ನಟಿ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾ ಶೆಟ್ಟಿಯವರನ್ನು ಸಹಸ್ಪರ್ಧಿಗಳು ವಯಸ್ಸಿನ ಅಂತರಕ್ಕೋಸ್ಕರ ಗೇಲಿ ಮಾಡುವುದನ್ನು ಕೇಳಿ ಶಾರ್ದೂಲ್ ಸಿಟ್ಟಾಗಿದ್ದಾರೆ. ಬಿಗ್​ಬಾಸ್ ಸ್ಪರ್ಧಿಗಳಲ್ಲೊಬ್ಬರಾದ ಅಕ್ಷರಾ ಸಿಂಗ್ ಶಮಿತಾ ಶೆಟ್ಟಿಯನ್ನು ‘ಮಮ್ಮಿ’ ಎಂದು ಕರೆದಿದ್ದು ವೈರಲ್ ಆಗಿತ್ತು. ಇದಕ್ಕೆ ತೀವ್ರ ಪರವಿರೋಧ ಅಭಿಪ್ರಾಯ ವ್ಯಕ್ತವಾದ ಬೆನ್ನಲ್ಲೇ ಶಾರ್ದೂಲ್ ಶಮಿತಾ ಪರ ನಿಂತಿದ್ದಾರೆ. ಶಮಿತಾರನ್ನು ಅಮ್ಮ ಎಂದು ಕರೆಯುವವರೆಲ್ಲರೂ ಹೋಗಿ ‘ಬೋರ್ನ್ವಿಟಾ ಕ್ವಿಜ್​ನಲ್ಲಿ ಭಾಗವಹಿಸಲಿ’ ಎಂದು ಅವರು ಹರಿಹಾಯ್ದಿದ್ದಾರೆ.

ಟ್ವಿಟರ್ ಮೂಲಕ ಆಕ್ರೋಶ ವ್ಯಕ್ತಪಡಿಸಿರುವ ಶಾರ್ದೂಲ್, ‘‘ಸ್ಪರ್ಧೆಯಲ್ಲಿ ಶಮಿತಾ ಶೆಟ್ಟಿಯನ್ನು ಇತರ ಸ್ಪರ್ಧಿಗಳು ಅಮ್ಮ ಎಂದು ರೇಗಿಸುತ್ತಿರುವುದನ್ನು ನೋಡಿದೆ. ಅವಳಿಗೆ ಅಮ್ಮನಷ್ಟು ವಯಸ್ಸಾಗಿದೆಯೆಂದೂ ಹಾಗೂ ಅಮ್ಮ ಈ ತರಹ ಮಾಡುತ್ತಾರಾ? ಎಂದು ಕೇಳುವುದನ್ನೂ ವೀಕ್ಷಿಸಿದೆ. ಇತರರು ಶಮಿತಾಗಿಂತ ಅಷ್ಟು ಚಿಕ್ಕವರಾಗಿದ್ದರೆ ಹೋಗಿ ಬೋರ್ನ್ವಿಟಾ ಕ್ವಿಜ್ ಸ್ಪೃರ್ಧೆಯಲ್ಲಿ ಭಾಗವಹಿಸಲಿ’’ ಎಂದು ಶಾರ್ದುಲ್ ಕುಟುಕಿದ್ದಾರೆ.

ಶಾರ್ದುಲ್ ಹಂಚಿಕೊಂಡ ಟ್ವೀಟ್ ಇಲ್ಲಿದೆ:

ಬಿಗ್​ಬಾಸ್ ಮನೆಯಲ್ಲಿ ಅಕ್ಷರಾ ಸಿಂಗ್​ರಿಂದ ಅಮ್ಮನಷ್ಟು ವಯಸ್ಸಾದವಳು ಹೇಳಿಸಿಕೊಂಡಿದ್ದ ಶಮಿತಾ ಶೆಟ್ಟಿ:

ಬಿಗ್​ ಬಾಸ್​ ಮನೆಯಲ್ಲಿ ಸಣ್ಣ ಸಣ್ಣ ವಿಚಾರಗಳಿಗೂ ಕಿರಿಕ್​ ಆಗುತ್ತದೆ. ಇತ್ತೀಚೆಗೆ ಕೇವಲ ಒಂದು ಉಪ್ಪಿನ ಡಬ್ಬಿಗಾಗಿ ಅಕ್ಷರಾ ಸಿಂಗ್​ ಮತ್ತು ಶಮಿತಾ ಶೆಟ್ಟಿ ನಡುವೆ ಜಗಳ ಆಗಿದೆ. ಶಮಿತಾ ಇಂಗ್ಲಿಷ್​ನಲ್ಲಿ ಮಾತನಾಡುತ್ತಾರೆ ಎಂಬುದು ಕೂಡ ಅಕ್ಷರಾಗೆ ಸಿಟ್ಟು ತರಿಸಿದೆ. ‘ಈ ಹೆಂಗಸಿಗೆ ಅಮ್ಮನಷ್ಟು ವಯಸ್ಸಾಗಿದೆ. ಆದರೂ ಕೂಡ ಯಾರ ಜೊತೆ ಹೇಗೆ ಮಾತನಾಡಬೇಕು ಎಂಬಷ್ಟು ಬುದ್ಧಿ ಇಲ್ಲ’ ಎಂದು ಅಕ್ಷರಾ ಕೂಗಾಡಿದ್ದರು.

ಇದನ್ನೂ ಓದಿ:

‘ಅಮ್ಮನಷ್ಟು ವಯಸ್ಸಾಗಿದೆ, ಆದ್ರೂ ಬುದ್ಧಿ ಇಲ್ಲ’; ಶಮಿತಾ ಶೆಟ್ಟಿಗೆ ಬಿಗ್​ ಬಾಸ್​ನಲ್ಲಿ ಚುಚ್ಚು ಮಾತು: ಶಿಲ್ಪಾ ತಂಗಿಗೆ ವಯಸ್ಸೆಷ್ಟು?

ಮದುವೆ ನಂತರ ಬಿಕಿನಿ ತೊಟ್ಟ ಕಾಜಲ್​ ಅಗರ್​ವಾಲ್​; ಆದರೆ, ಇದರ ಬಗ್ಗೆ ಅಭಿಮಾನಿಗಳು ಮಾತನಾಡುವಂತಿಲ್ಲ

(former Big Boss contestant Shardul Pandit supports Shamitha Shetty when others are shaming her for age)