ಇತ್ತೀಚೆಗೆ ಸಿನಿಮಾಗಳ ಜೊತೆ ವೆಬ್ ಸೀರಿಸ್ಗೂ ಹೆಚ್ಚು ಪ್ರಾಮುಖ್ಯತೆ ಸಿಗುತ್ತಿದೆ. ಈಗಾಗಲೇ ಇಂಗ್ಲಿಷ್ನಲ್ಲಿ ಸಾಕಷ್ಟು ವೆಬ್ ಸೀರಿಸ್ಗಳು ಬಂದಿವೆ. ಭಾರತಕ್ಕಿಂತ ಮೊದಲು ಈ ಟ್ರೆಂಡ್ನ ಆರಂಭಿಸಿದ್ದು ಅವರೇ ಎನ್ನಬಹುದು. ಈ ಸೀರಿಸ್ಗಳನ್ನು ಒಟಿಟಿಯಲ್ಲಿ ರಿಲೀಸ್ ಮಾಡಲಾಗುತ್ತದೆ. ಇದಕ್ಕಾಗಿ ಸಾಕಷ್ಟು ಹಣವನ್ನು ಸುರಿಯಲಾಗುತ್ತದೆ. ವಿಶ್ವದ ದುಬಾರಿ ಸೀರಿಸ್ ಯಾವುದು ಗೊತ್ತೇ? ಅದರ ಹೆಸರು ‘ದಿ ಲಾರ್ಡ್ ಆಫ್ ದಿ ರಿಂಗ್ಸ್: ದಿ ರಿಂಗ್ಸ್ ಆಫ್ ಪವರ್’. ಇದಕ್ಕೆ ಖರ್ಚಾಗಿದ್ದು 8,300 ಕೋಟಿ ರೂಪಾಯಿ.
‘ದಿ ಲಾರ್ಡ್ ಆಫ್ ದಿ ರಿಂಗ್ಸ್: ದಿ ರಿಂಗ್ಸ್ ಆಫ್ ಪವರ್’ನ ಸಿದ್ಧಪಡಿಸಲು ಬರೋಬ್ಬರಿ 3800 ಕೋಟಿ ರೂಪಾಯಿ ಖರ್ಚಾಗಿದೆ. ಕೇವಲ 8 ಎಪಿಸೋಡ್ಗೆ ಇಷ್ಟು ಹಣ ಹೂಡಿಕೆ ಆಗಿದೆ. ಅಂದರೆ ಒಂದು ಎಪಿಸೋಡ್ ನಿರ್ಮಾಣಕ್ಕೆ ತಗುಲಿದ್ದು 480 ಕೋಟಿ ರೂಪಾಯಿ! ‘ಸ್ಟಾರ್ ವಾರ್ಸ್: ದಿ ಫೋರ್ಸ್ ಅವಾಕನ್ಸ್’ ಸೀರಿಸ್ ನಿರ್ಮಾಣಕ್ಕೆ ಸುಮಾರು 3700 ಕೋಟಿ ರೂಪಾಯಿ ಖರ್ಚಾಗಿದೆ.
‘ದಿ ಲಾರ್ಡ್ ಆಫ್ ದಿ ರಿಂಗ್ಸ್: ದಿ ರಿಂಗ್ಸ್ ಆಫ್ ಪವರ್’ ಇದು ‘ಲಾರ್ಡ್ ಆಫ್ ದಿ ರಿಂಗ್ಸ್’ ಸಿನಿಮಾದ ಸ್ಪಿನ್ ಆಫ್ ರೀತಿಯಲ್ಲಿ ಮೂಡಿ ಬಂದಿದೆ. ಹೀಗಾಗಿ, ಇದಕ್ಕಾಗಿ ಹಕ್ಕು ಪಡೆಯಬೇಕಿತ್ತು. ಅದಕ್ಕೂ ಸಾಕಷ್ಟು ಹಣ ಖರ್ಚಾಗಿದೆ. ಇದರ ಪ್ರಮೋಷ್ನಗೂ ಸಾಕಷ್ಟು ಹಣ ಸುರಿಯಲಾಗಿದೆ. ಈ ಸೀರಿಸ್ಗೆ ಒಟ್ಟಾರೆ ಖರ್ಚಾಗಿರೋದು 8,300 ಕೋಟಿ ರೂಪಾಯಿ.
ಇದನ್ನು ಅನೇಕರು ಭಾರತದ ಸಿನಿಮಾಗಳ ಬಜೆಟ್ಗೆ ಹೋಲಿಕೆ ಮಾಡುತ್ತಿದ್ದಾರೆ. ಪ್ರತಿ ಎಪಿಸೋಡ್ಗೆ ಖರ್ಚು ಮಾಡಿದಷ್ಟು ಭಾರತದ ಸಿನಿಮಾಗಳಿಗೆ ಖರ್ಚು ಮಾಡಲು ಸಾಧ್ಯವಾಗಿಲ್ಲ ಎನ್ನುವ ಅಭಿಪ್ರಾಯ ವ್ಯಕ್ತವಾಗಿದೆ
ಇದನ್ನೂ ಓದಿ: ಹಿಂದಿ ಸಿನಿಮಾ ನೋಡಿ ಜನಪ್ರಿಯ ಕೋರಿಯನ್ ಸೀರಿಸ್ ಮಾಡಿದ್ರಾ? ಕೇಳಿಬಂತು ಆರೋಪ
ಇತ್ತೀಚೆಗೆ ರಿಲೀಸ್ ಆದ ‘ಕಲ್ಕಿ 2898 ಎಡಿ’ ಸಿನಿಮಾ ಈ ವರ್ಷ ರಿಲೀಸ್ ಆಯಿತು. ಈ ಸಿನಿಮಾದ ಬಜೆಟ್ 500 ಕೋಟಿ ರೂಪಾಯಿ. ಅಂದರೆ, ‘ದಿ ಲಾರ್ಡ್ ಆಫ್ ದಿ ರಿಂಗ್ಸ್: ದಿ ರಿಂಗ್ಸ್ ಆಫ್ ಪವರ್’ ಸೀರಿಸ್ನ ಒಂದು ಎಪಿಸೋಡ್ಗೆ ಸಮ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.