ಹಿಂದಿ ಸಿನಿಮಾ ನೋಡಿ ಜನಪ್ರಿಯ ಕೋರಿಯನ್ ಸೀರಿಸ್ ಮಾಡಿದ್ರಾ? ಕೇಳಿಬಂತು ಆರೋಪ

ಕೊರಿಯಾದ ಖ್ಯಾತ ಸೀರಿಸ್ ‘ಸ್ಕ್ವಿಡ್ ಗೇಮ್’ ಬಗ್ಗೆ ಹೊಸದಾಗಿ ಹೇಳಬೇಕಿಲ್ಲ. ನೆಟ್​ಫ್ಲಿಕ್ಸ್​ನಲ್ಲಿರೋ ಖ್ಯಾತ ಸೀರಿಸ್​ಗಳಲ್ಲಿ ಇದು ಕೂಡ ಒಂದು. ಇದು 2021ರಲ್ಲಿ ನೆಟ್​ಫ್ಲಿಕ್ಸ್​ನಲ್ಲಿ ಪ್ರಸಾರ ಕಂಡಿತು. ಇದಕ್ಕೆ ಎರಡನೇ ಪಾರ್ಟ್​ ಬರುತ್ತಿದೆ. ಈಗ ಈ ಸೀರಿಸ್​ಗೆ ಕೃತಿ ಚೌರ್ಯದ ಆರೋಪ ಎದುರಾಗಿದೆ. ಅದು ಕೂಡ ಬಾಲಿವುಡ್ ನಿರ್ದೇಶಕನಿಂದ ಅನ್ನೋದು ಅಚ್ಚರಿಯ ವಿಚಾರ. ಆ ಬಗ್ಗೆ ಇಲ್ಲಿದೆ ಮಾಹಿತಿ.

2009ರಲ್ಲಿ ‘ಲಕ್’ ಹೆಸರಿನ ಸಿನಿಮಾ ಬಂದಿತ್ತು. ಈ ಚಿತ್ರದಲ್ಲಿ ಮಿಥುನ್​ ಚಕ್ರವರ್ತಿ, ಸಂಜಯ್ ದತ್, ಇಮ್ರಾನ್ ಖಾನ್, ಜಾವೇದ್ ಶೇಖ್, ಶ್ರುತಿ ಹಾಸನ್, ರವಿ ಕಿಶನ್ ಮೊದಲಾದವರು ನಟಿಸಿದ್ದಾರೆ. ಈ ಚಿತ್ರದ ಬಜೆಟ್ 37 ಕೋಟಿ ರೂಪಾಯಿ. ಆದರೆ, ಸಿನಿಮಾ ಗೆಲುವು ಕಂಡಿಲ್ಲ. ಈಗ ಈ ಚಿತ್ರದ ನಿರ್ದೇಶಕ ಸೋಹಮ್ ಶಾ ಅವರು ಗಂಭೀರ ಆರೋಪ ಮಾಡಿದ್ದಾರೆ. ನಮ್ಮ ಚಿತ್ರವನ್ನು ನೋಡಿ ಅವರು ರಿಮೇಕ್ ಮಾಡಿದ್ದಾರೆ ಎಂದಿದ್ದಾರೆ ಅವರು.

ಇದಕ್ಕೆ ನೆಟ್​​ಫ್ಲಿಕ್ಸ್ ಪ್ರತಿಕ್ರಿಯೆ ನೀಡಿದೆ. ‘ಇದರಲ್ಲಿ ಯಾವುದೇ ಮೆರಿಟ್ ಇಲ್ಲ. ಈ ಸೀರಿಸ್​ನ ಹ್ವಾಂಗ್ ಡಾಂಗ್ ಯುಕ್ ಅವರು ಬರೆದು, ನಿರ್ದೇಶನ ಮಾಡಿದ್ದಾರೆ. ಅವರ ಆರೋಪದಲ್ಲಿ ಯಾವುದೇ ಹುರುಳು ಇಲ್ಲ’ ಎಂದು ನೆಟ್​ಫ್ಲಿಕ್ಸ್ ಹೇಳಿದೆ. ‘ಸ್ಕ್ವಿಡ್ ಗೇಮ್’ ಸೀರಿಸ್ ನೆಟ್​ಫ್ಲಿಕ್ಸ್​​ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡ ಸೀರಿಸ್ ಆಗಿದೆ.

ಏನಿದೆ?

‘ಸ್ಕ್ವಿಡ್ ಗೇಮ್​’ ಕಥೆ ಗೇಮ್ ರೀತಿಯಲ್ಲೇ ಇದೆ. ಇದರಲ್ಲಿ 456 ಪ್ಲೇಯರ್​ಗಳು ಭಾಗಿ ಆಗುತ್ತಾರೆ. ಗೆದ್ದವರಿಗೆ ಸಾವಿರಾರು ಕೋಟಿ ಹಣ ಸಿಗುತ್ತದೆ. ಈ ಗೇಮ್​ನಲ್ಲಿ ಗೆದ್ದವರಿಗೆ ಮಾತ್ರ ಈ ಹಣ ಸಿಗುತ್ತದೆ. ಇಲ್ಲಿ ಎಲಿಮಿನೇಷನ್ ಎಂದರೆ ಸಾವು ಮಾತ್ರ. ‘ಲಕ್’ ಚಿತ್ರದ ಕಥೆಯೂ ಇದೇ ರೀತಿ ಇದೆ ಎನ್ನಲಾಗಿದೆ.

ಇದನ್ನೂ ಓದಿ: ಸೂಪರ್ ಹಿಟ್ ಕೊರಿಯನ್ ಸೀರಿಸ್​ಗೆ ಸೀಕ್ವೆಲ್; ‘ಸ್ಕ್ವಿಡ್ ಗೇಮ್ 2’ ಪ್ರಸಾರ ದಿನಾಂಕ ರಿವೀಲ್ 

ಸೋಹಮ್ ಶಾ ಅವರ ಪ್ರಕಾರ ‘ಲಕ್ಕಿ’ ಸಿನಿಮಾದ ಕಥೆಯನ್ನು 2006ರಲ್ಲಿ. ಚಿತ್ರ ರಿಲೀಸ್ ಆಗಿದ್ದು 2009ರಲ್ಲಿ. ಹ್ವಾಂಗ್ ಅವರು ಈ ಚಿತ್ರದ ಕಥೆಯನ್ನು 2008ರಲ್ಲಿ ಸಿದ್ಧಪಡಿಸಿದ್ದಾಗಿ ಹೇಳಿದ್ದರು. ಈ ಚಿತ್ರಕ್ಕೆ ಶಿಘ್ರವೇ ಎರಡನೇ ಪಾರ್ಟ್ ಬರಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 3:21 pm, Mon, 16 September 24