Face Blindness: ಕೋವಿಡ್ ‘ಮುಖ ಕುರುಡುತನ’ಕ್ಕೆ ಕಾರಣವಾಗಬಹುದು; ಹೇಗೆ ಎಂದು ತಿಳಿಯಲು ಮುಂದೆ ಓದಿ

ಕರೋನವೈರಸ್ ಸಾಂಕ್ರಾಮಿಕವು (Covis-19) ಪ್ರಪಂಚದಾದ್ಯಂತದ ಜನರ ಜೀವನದ ಮೇಲೆ ವಿನಾಶಕಾರಿ ಪರಿಣಾಮವನ್ನು ಬೀರಿದೆ. ಇತ್ತೀಚಿನ ಅಧ್ಯಯನವು (Scientific Study) COVID-19 ಮುಖಗಳನ್ನು ಗುರುತಿಸಲು ಅಡ್ಡಿ ಉಂಟುಮಾಡಬಹುದು ಎಂದು ಬಹಿರಂಗಪಡಿಸಿದೆ. ಸಂಶೋಧಕರ (Scientists) ಪ್ರಕಾರ, ಕೆಲವು ರೋಗಿಗಳು ಪ್ರೋಸೊಪಾಗ್ನೋಸಿಯಾ ಅಥವಾ ಮುಖದ ಕುರುಡುತನ ಎಂದು ಕರೆಯಲ್ಪಡುವ ಸ್ಥಿತಿಯನ್ನು ಪ್ರದರ್ಶಿಸುತ್ತಿದ್ದಾರೆ. COVID-19 ನಿಂದ ಚೇತರಿಸಿಕೊಂಡ ರೋಗಿಗಳಲ್ಲಿ ಇಂತಹ ಸಮಸ್ಯೆಗಳನ್ನು ವರದಿ ಮಾಡುವ ಮೊದಲ ಅಧ್ಯಯನ ಇದು. ಈ ಅಧ್ಯಯನದ ಬಗ್ಗೆ ಕಾರ್ಟೆಕ್ಸ್ ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ.

ವಿಜ್ಞಾನಿಗಳ ತಂಡವು 28 ವರ್ಷದ ಮಹಿಳೆಯರನ್ನು ಪರೀಕ್ಷಿಸಿತು, ಅವರು ಮಾರ್ಚ್ 2020 ರಲ್ಲಿ COVID-19 ಸೋಂಕಿಗೆ ಒಳಗಾದವರು ಮತ್ತು ಎರಡು ತಿಂಗಳ ನಂತರ ಮರುಕಳಿಸುವಿಕೆಯನ್ನು ಅನುಭವಿಸಿದವರು. ವಿಜ್ಞಾನಿಗಳ ಪ್ರಕಾರ, ಮರುಕಳಿಸುವಿಕೆಯ ನಂತರ ಮುಖಗಳನ್ನು ಗುರುತಿಸಲು ಮತ್ತು ಸಂಚರಿಸುವಾಗ ಈ ಮಹಿಳೆಯರಿಗೆ ತೊಂದರೆಯಾಗುತ್ತಿದೆ ಎಂದು ಗಮನಿಸಲಾಗಿದೆ.

ಪರಿಚಿತ ಮುಖಗಳನ್ನು ಗುರುತಿಸುವಲ್ಲಿ ಇವರಿಗೆ ತೊಂದರೆ ಇದೆ ಎಂದು ವಿಜ್ಞಾನಿಗಳು ಕಂಡುಕೊಂಡರು, ಇದು ಪ್ರೊಸೊಪಾಗ್ನೋಸಿಯಾದ ಲಕ್ಷಣವಾಗಿದೆ. ಕೇಂಬ್ರಿಡ್ಜ್ ಫೇಸ್ ಮೆಮೊರಿ ಟೆಸ್ಟ್‌ನಲ್ಲಿ ಈ ಮಹಿಳೆಯರ ಸ್ಕೋರ್‌ಗಳ ಪ್ರಕಾರ ಹೊಸ ಗುರುತುಗಳನ್ನು ಕಲಿಯಲು ಈ ಗುಂಪಿಗೆ ಕಷ್ಟವಾಗಿದೆ.

ಅಧ್ಯಯನದ ಸಮಯದಲ್ಲಿ, ಈ ಮಹಿಳೆಯರಿಗೆ ನ್ಯಾವಿಗೇಷನಲ್ ಕೊರತೆ ಅಥವಾ ನಡೆಯುವಾಗ ಕಷ್ಟವಾಗಿದೆ ಮತ್ತು ಕಿರಾಣಿ ಅಂಗಡಿಯಲ್ಲಿ ವಸ್ತುಗಳು ಎಲ್ಲಿವೆ ಎಂಬುದನ್ನು ನೆನಪಿಟ್ಟುಕೊಳ್ಳಲು ಕಷ್ಟಪಟ್ಟಿದ್ದಾರೆ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಅಧ್ಯಯನದ ಭಾಗವಾಗಿ ವಿಜ್ಞಾನಿಗಳು, 12 ವಾರಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ರೋಗಲಕ್ಷಣಗಳೊಂದಿಗೆ ಬಳಲಿದ 54 ವ್ಯಕ್ತಿಗಳಿಂದ ಸ್ವಯಂ-ವರದಿ ಮಾಡಿದ ಡೇಟಾವನ್ನು ಸಂಗ್ರಹಿಸಿದರು. ಜೊತೆಗೆ ದೀರ್ಘಕಾಲದ COVID-19 ನಿಂದ ಚೇತರಿಸಿಕೊಂಡ 32 ವ್ಯಕ್ತಿಗಾಲ ಡೇಟಾವನ್ನು ಪಡೆದರು.

ವಿಜ್ಞಾನಿಗಳ ಪ್ರಕಾರ, ದೀರ್ಘ ಕೋವಿಡ್ ಹೊಂದಿರುವ ವ್ಯಕ್ತಿಗಳಲ್ಲಿ ಅರಿವಿನ ಮತ್ತು ಶಾಶ್ವತ ಸಾಮರ್ಥ್ಯಗಳು (Cognitive and Perpetual) ಸಾಮರ್ಥ್ಯ ಕಡಿಮೆಯಾಗಿದೆ ಎಂದು ವರದಿ ಮಾಡಿದ್ದಾರೆ.

ಡಾರ್ಟ್ ಮೌಥ್ ಕಾಲೇಜಿನ ನರವಿಜ್ಞಾನಿಗಳಾದ ಮೇರಿ-ಲೂಯಿಸ್ ಕೀಸೆಲರ್ ಮತ್ತು ಬ್ರಾಡ್ ಡುಚೈನ್, ಆನಿ ಎಂಬ ಮಹಿಳೆಗೆ ಕೆಲವು ವೈದ್ಯಕೀಯ ಪರೀಕ್ಷೆಗಳನ್ನು ಮಾಡಿದಾಗ ಇವರಿಗೆ ಮುಖಗಳನ್ನು ಗುರುತಿಸುವಲ್ಲಿ ಮಾತ್ರ ತೊಂದರೆ ಇದೆ ಬೇರೆ ಯಾವುದೇ ದೊಡ್ಡ ಅರೋಗ್ಯ ತೊಂದರೆಯಿಲ್ಲ ಎಂಬುದು ತಿಳಿದಿದೆ.

Published On - 2:44 pm, Thu, 16 March 23