Diabetes: ಪ್ರತಿದಿನ ಬೆಳಿಗ್ಗೆ ಈ ಚಹಾ ಕುಡಿಯುವುದರಿಂದ ಮಧುಮೇಹವನ್ನು ತಡೆಯಬಹುದು
ದೀರ್ಘಕಾಲದ ಕಾಯಿಲೆಗಳಲ್ಲಿ ಮಧುಮೇಹವೂ ಒಂದು. ಒಮ್ಮೆ ನೀವು ಈ ಮಧುಮೇಹದ ದಾಳಿಗೆ ಒಳಗಾದರೆ, ನಿಮ್ಮ ಜೀವನದುದ್ದಕ್ಕೂ ನೀವು ಅನುಭವಿಸಬೇಕಾಗುತ್ತದೆ. ಬಂದ ತನಕ ನಿಯಂತ್ರಿಸುವುದನ್ನು ಬಿಟ್ಟರೆ ಅದಕ್ಕೆ ಔಷಧವಿಲ್ಲ. ಆದ್ದರಿಂದ ಮಧುಮೇಹದ ಅಪಾಯವನ್ನು ಕಡಿಮೆ ಮಾಡಲು ಪ್ರತಿದಿನ ಬೆಳಿಗ್ಗೆ ಈ ಚಹಾ ಕುಡಿಯಿರಿ.
Updated on: Dec 12, 2023 | 12:52 PM
ದೀರ್ಘಕಾಲದ ಕಾಯಿಲೆಗಳಲ್ಲಿ ಮಧುಮೇಹವೂ ಒಂದು. ಒಮ್ಮೆ ನೀವು ಈ ಮಧುಮೇಹದ ದಾಳಿಗೆ ಒಳಗಾದರೆ, ನಿಮ್ಮ ಜೀವನದುದ್ದಕ್ಕೂ ನೀವು ಅನುಭವಿಸಬೇಕಾಗುತ್ತದೆ. ಬಂದ ತನಕ ನಿಯಂತ್ರಣದಲ್ಲಿರಿಸುವುದನ್ನು ಬಿಟ್ಟರೆ ಅದಕ್ಕೆ ಸಂಪೂರ್ಣ ಗುಣಪಡಿಸುವ ಔಷಧವಿಲ್ಲ. ಭಾರತದಲ್ಲಿ ಮಧುಮೇಹದಿಂದ ಬಳಲುತ್ತಿರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಬದಲಾದ ಜೀವನಶೈಲಿ ಮತ್ತು ಆಹಾರ ಪದ್ಧತಿಯಿಂದ ಅನೇಕ ಜನರು ಮಧುಮೇಹದಿಂದ ಬಳಲುತ್ತಿದ್ದಾರೆ.
ಇತ್ತೀಚಿನ ಅಧ್ಯಯನದ ಪ್ರಕಾರ, ಪ್ರತಿದಿನ ಬ್ಲ್ಯಾಕ್ ಟೀ ಕುಡಿಯುವವರಲ್ಲಿ ಮಧುಮೇಹದ ಅಪಾಯವು ಕಡಿಮೆಯಾಗುತ್ತದೆ ಎಂದು ತಿಳಿದುಬಂದಿದೆ. ಬ್ಲ್ಯಾಕ್ ಟೀ ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ. ಇದಲ್ಲದೇ ಹೊಟ್ಟೆಯ ಆರೋಗ್ಯವನ್ನು ಕಾಪಾಡುವ ಪೋಷಕಾಂಶಗಳೂ ಇದರಲ್ಲಿವೆ. ಪ್ರತಿದಿನ ಬೆಳಿಗ್ಗೆ ಕುಡಿಯುವುದರಿಂದ 50 ರಷ್ಟು ಮಧುಮೇಹದ ಸಾಧ್ಯತೆ ಕಡಿಮೆಯಾಗುತ್ತದೆ ಎಂದು ತಿಳಿದುಬಂದಿದೆ.
ಬ್ಲ್ಯಾಕ್ ಟೀಯ ಅದ್ಭುತ ಪ್ರಯೋಜನಗಳು:
ಸುಮಾರು ಒಂದು ಮಿಲಿಯನ್ ವಯಸ್ಕರ ಮೇಲೆ ಅಧ್ಯಯನವನ್ನು ನಡೆಸಿ, ಅವರಿಗೆ ವಿವಿಧ ರೀತಿಯ ಚಹಾವನ್ನು ನೀಡಲಾಯಿತು. ಆ ಚಹಾಗಳ ಪ್ರಭಾವ ಪರಿಶೀಲಿಸಲು, ಈ ಅನುಕ್ರಮದಲ್ಲಿ, ರಕ್ತದಲ್ಲಿನ ಸಕ್ಕರೆಯ ಹೆಚ್ಚಳವನ್ನು ಪರೀಕ್ಷಿಸಲಾಯಿತು. ಇತರ ಚಹಾಗಳಿಗೆ ಹೋಲಿಸಿದರೆ, ಬ್ಲ್ಯಾಕ್ ಟೀ ಕುಡಿಯುವವರಲ್ಲಿ ರಕ್ತದಲ್ಲಿನ ಸಕ್ಕರೆಯ ಕಡಿಮೆ ಎಂದು ಕಂಡುಹಿಡಿದಿದ್ದಾರೆ.
ಇದನ್ನೂ ಓದಿ: ಮಧುಮೇಹ ಆರಂಭವಾಗುವ ಲಕ್ಷಣಗಳು ಹೀಗಿರುತ್ತವೆ, ಎಚ್ಚರವಹಿಸಿ!
ಗ್ರೀನ್ ಟೀಯಿಂದ ಮಧುಮೇಹ ನಿಯಂತ್ರಣ:
ಬ್ಲ್ಯಾಕ್ ಟೀ ಮಾತ್ರವಲ್ಲ, ಗ್ರೀನ್ ಟೀ ಕೂಡ ಮಧುಮೇಹವನ್ನು ತಡೆಯುವ ಗುಣವಿದೆ ಎಂದು ತಿಳಿದುಬಂದಿದೆ. ಮತ್ತೊಂದು ಅಧ್ಯಯನದಲ್ಲಿ 10 ಲಕ್ಷ ಜನರಿಗೆ ಗ್ರೀನ್ ಟೀ ಕುಡಿಯಲು ಹೇಳಲಾಯಿತು. ಈ ಸಂಶೋಧನೆಯಲ್ಲಿ ಟೈಪ್ 2 ಡಯಾಬಿಟಿಸ್ ಬರುವ ಸಾಧ್ಯತೆ ಶೇ.17ರಷ್ಟು ಕಡಿಮೆಯಾಗಿದೆ. ಹಾಗಾಗಿ ಗ್ರೀನ್ ಟೀ ಕೂಡ ಸಕ್ಕರೆ ನಿಯಂತ್ರಣದಲ್ಲಿ ಸಹಾಯ ಮಾಡುತ್ತದೆ ಎಂದು ತಿಳಿದುಬಂದಿದೆ.
ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
