ಪದೇ ಪದೇ ಮೂಗಿನ ಒಳಗೆ ಬೆರಳು ಹಾಕುತ್ತೀರಾ? ಈ ಅಭ್ಯಾಸದಿಂದ ಆರೋಗ್ಯ ಬದಲಾವಣೆವಾಗುವುದು ಖಂಡಿತ
ಮೂಗಿನ ಒಳಗೆ ಕೈ ಹಾಕುವ ಅಭ್ಯಾಸ ಕೆಲವರಿಗೆ ಇದೆ. ಆದರೆ ಈ ಅಭ್ಯಾಸದಿಂದ ದೇಹದ ಆರೋಗ್ಯದಲ್ಲಿ ಬದಲಾವಣೆ ಆಗುತ್ತದೆ. ಇದು ಆರೋಗ್ಯಕ್ಕೆ ಕೆಟ್ಟ ಪರಿಣಾಮವನ್ನು ಉಂಟು ಮಾಡುತ್ತದೆ. ಮೂಗಿನ ಒಳಗೆ ಕೈ ಹಾಕುವುದರಿಂದ ಆಗುವ ಆರೋಗ್ಯ ಸಮಸ್ಯೆಗಳೇನು?, ಈ ಅಭ್ಯಾಸವನ್ನು ಬಿಡುವುದು ಹೇಗೆ? ಯಾವೆಲ್ಲಾ ಕ್ರಮಗಳನ್ನು ಅನುಸರಿಸಬೇಕು ಎನ್ನುವ ಮಾಹಿತಿ ಇಲ್ಲಿದೆ.
Updated on: Aug 21, 2025 | 3:01 PM
ಮೂಗಿನ ಒಳಗೆ ಕೈಹಾಕುವ (nose picking dangers) ಅಭ್ಯಾಸ ಅನೇಕರಿಗೆ ಇರುತ್ತದೆ. ಬಾಲ್ಯದಿಂದಲೂ ಮೂಗಿನ ಒಳಗೆ ಕೈ ಹಾರುವ ಅಭ್ಯಾಸ ಕೆಲವರಿಗೆ ಇರುತ್ತದೆ. ಇದು ಕ್ರಮೇಣ ದೊಡ್ಡವರಾದ ನಂತರವೂ ಮುಂದುವರೆಯುತ್ತದೆ. ಆದರೆ ಇದು ಗಂಭೀರ ಆರೋಗ್ಯ ಅಪಾಯವನ್ನು (health risks) ಉಂಟು ಮಾಡಬಹುದು. ಮೂಗಿನ ಒಳಗಿರುವ ಸೂಕ್ಷ್ಮ ಅಂಗಾಂಶಗಳು ಮತ್ತು ರಕ್ತನಾಳಗಳು ಸೋಂಕಿಗೆ ಒಳಗಾಗಬಹುದು, ಇದರಿಂದಾಗಿ ಬ್ಯಾಕ್ಟೀರಿಯಾ ಮತ್ತು ವೈರಸ್‌ಗಳು ಸುಲಭವಾಗಿ ದೇಹವನ್ನು ಪ್ರವೇಶಿಸಬಹುದು. ಮೂಗಿನ ಒಳಗೆ ಕೈ ಹಾಕುವುದರಿಂದ ಸೈನಸ್, ಮೂಗು ಮತ್ತು ಗಂಟಲಿನ ಸೋಂಕುಗಳ ಅಪಾಯ ಹೆಚ್ಚಾಗುತ್ತದೆ. ಕೈಗಳಲ್ಲಿರುವ ಸೂಕ್ಷ್ಮಜೀವಿಗಳು ನೇರವಾಗಿ ಮೂಗಿಗೆ ತಲುಪಿ ಶೀತ, ಜ್ವರ ಅಥವಾ ಮೂಗಿನ ಉರಿಯೂತದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇದನ್ನು ಹೊರತುಪಡಿಸಿ, ರಕ್ತದ ಸೋಂಕನ್ನು ಅಥವಾ ಮೂಗಿನ ಅಂಗಾಂಶದಲ್ಲಿ ಗಾಯಗಳನ್ನು ಉಂಟುಮಾಡುವ ಸಾಧ್ಯತೆ ಇದೆ.
ಮೂಗಿನ ಒಳಗೆ ಕೈ ಹಾಕುವ ಕಾರಣದಿಂದ ಕೈಗಳು ಬ್ಯಾಕ್ಟೀರಿಯಾ ಮತ್ತು ವೈರಸ್‌ಗಳಿಂದ ತುಂಬಿರುತ್ತವೆ. ಈ ಸೂಕ್ಷ್ಮಜೀವಿಗಳು ನೇರವಾಗಿ ದೇಹವನ್ನು ಪ್ರವೇಶಿಸಬಹುದು, ಆದ್ದರಿಂದ ಕೈಗಳನ್ನು ತೊಳೆಯುವುದು ಮತ್ತು ಉಗುರುಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಬಹಳ ಮುಖ್ಯ. ಈ ಅಭ್ಯಾಸವು ಆರೋಗ್ಯಕ್ಕೆ ಅಪಾಯಕಾರಿ ಮಾತ್ರವಲ್ಲದೆ ಸಾಮಾಜಿಕವಾಗಿ ಮುಜುಗರಕ್ಕೂ ಕಾರಣವಾಗಬಹುದು. ಸಾರ್ವಜನಿಕ ಸ್ಥಳಗಳಲ್ಲಿ ಈ ಅಭ್ಯಾಸವನ್ನು ಅನುಚಿತವೆಂದು ಪರಿಗಣಿಸಲಾಗುತ್ತದೆ ಮತ್ತು ಇತರರ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.
ಇದನ್ನೂ ಓದಿ: ಪ್ರತಿದಿನ ಬೆಳಗ್ಗೆ ಈ 5 ಸುಲಭ ಯೋಗಾಸನಗಳನ್ನು ಮಾಡಿ, ಆರೋಗ್ಯಕರವಾಗಿರಿ
ಈ ಅಭ್ಯಾಸವನ್ನು ಬಿಡಲು ಕೆಲವು ಸುಲಭ ವಿಧಾನಗಳನ್ನು ಅಳವಡಿಸಿಕೊಳ್ಳಬಹುದು
- ನಿಮ್ಮ ಮೂಗು ತುರಿಕೆ ಅಥವಾ ಉಸಿರುಕಟ್ಟಿಕೊಂಡರೆ ಟಿಶ್ಯೂ ಪೇಪರ್ ಬಳಸಿ.
- ನಿಮ್ಮ ಕೈಗಳನ್ನು ನಿಯಮಿತವಾಗಿ ತೊಳೆಯಿರಿ ಮತ್ತು ಅವುಗಳನ್ನು ಸ್ವಚ್ಛವಾಗಿಡಿ.
- ಮೂಗು ಸ್ವಚ್ಛಗೊಳಿಸಲು ಉಪ್ಪು ನೀರಿನ ಸ್ಪ್ರೇ ಅಥವಾ ಮೂಗಿನ ನೈರ್ಮಲ್ಯ ಉತ್ಪನ್ನಗಳನ್ನು ಬಳಸಿ.
- ಈ ಅಭ್ಯಾಸವು ಒತ್ತಡ ಅಥವಾ ಆತಂಕಕ್ಕೆ ಸಂಬಂಧಿಸಿದ್ದರೆ, ಮೈಂಡ್‌ಫುಲ್‌ನೆಸ್ ಅಥವಾ ವಿಶ್ರಾಂತಿ ವ್ಯಾಯಾಮಗಳನ್ನು ಅಳವಡಿಸಿಕೊಳ್ಳಿ.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
