Headache: ತಲೆನೋವು ನಿರ್ಲಕ್ಷಿಸದಿರಿ… ಈ ಪ್ರಾಣಾಯಾಮಗಳಿಂದ ತಲೆಬೇನೆಗೆ ಪರಿಹಾರ

ತಲೆನೋವು (headache) ಬರುವುದು ಸಾಮಾನ್ಯ. ಆದರೆ, ಬಾರಿ ಬಾರಿ ತಲೆನೋವು ಬರುತ್ತಲೇ ಇದ್ದಾಗ ನಿರ್ಲಕ್ಷಿಸಬಾರದು. ಈ ನಿರಂತರ ತಲೆಬೇನೆಯು ಮೈಗ್ರೇನ್ ಅಥವಾ ಬ್ಲಡ್ ಪ್ರೆಷರ್​ನಂತಹ ಗಂಭೀರ ಕಾಯಿಲೆಯ ಸಂಕೇತವಾಗಿರಬಹುದು. ಈ ರೀತಿ ಆಗಾಗ್ಗೆ ತಲೆನೋವು ಬರದಂತೆ ಬಾಬಾ ರಾಮದೇವ್ (Baba Ramdev) ಕೆಲ ಸರಳ ಯೋಗಾಸನಗಳನ್ನು ಶಿಫಾರಸು ಮಾಡುತ್ತಾರೆ. ಇವು ತಲೆನೋವು ನಿಯಂತ್ರಿಸಲು ಸಹಕಾರಿಯಾಗಬಲ್ಲುವು. ಈ ಆಸನಗಳು ತಲೆನೋವಿನಿಂದ ಪರಿಹಾರವನ್ನು ನೀಡುವುದಲ್ಲದೆ, ಮನಸ್ಸನ್ನು ಶಾಂತಗೊಳಿಸುತ್ತವೆ, ರಕ್ತ ಪರಿಚಲನೆ ಸುಧಾರಿಸುತ್ತವೆ ಮತ್ತು ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತವೆ. ಈ ಯೋಗ ಆಸನಗಳನ್ನು ಪ್ರತಿದಿನ ಮಾಡುವುದರಿಂದ ಶಕ್ತಿಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಏಕಾಗ್ರತೆಯ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ.

ತಲೆನೋವು ಹಲವು ಕಾರಣಗಳಿಂದ ಉಂಟಾಗಬಹುದು. ಸಾಮಾನ್ಯ ಕಾರಣವೆಂದರೆ ಒತ್ತಡ ಮತ್ತು ನಿದ್ರೆಯ ಕೊರತೆ. ದೀರ್ಘಕಾಲದವರೆಗೆ ಮೊಬೈಲ್ ಅಥವಾ ಕಂಪ್ಯೂಟರ್ ಪರದೆಯನ್ನು ನೋಡುವುದು, ಕಣ್ಣುಗಳಿಗೆ ಆಯಾಸ ಆಗುವುದು ಮತ್ತು ನೀರಿನ ಕೊರತೆ ಇರುವುದು ಕೂಡ ತಲೆನೋವಿಗೆ ಕಾರಣವಾಗಬಹುದು. ಇದಲ್ಲದೆ, ಅತಿಯಾದ ಕೆಫೀನ್ ಅಥವಾ ಜಂಕ್ ಫುಡ್ ಸೇವನೆ, ಜೋರು ಶಬ್ದ ಅಥವಾ ಪ್ರಕಾಶಮಾನವಾದ ಬೆಳಕು, ಕುತ್ತಿಗೆ ಮತ್ತು ಭುಜಗಳು ಬಿಗಿಯಾಗುವುದು ಅಥವಾ ತಪ್ಪಾದ ಭಂಗಿಗಳಲ್ಲಿ ಕುಳಿತುಕೊಳ್ಳುವುದು ಸಹ ತಲೆನೋವನ್ನು ಉಂಟುಮಾಡಬಹುದು. ಹವಾಮಾನ ಬದಲಾವಣೆಗಳು, ಹಾರ್ಮೋನುಗಳ ಅಸಮತೋಲನ ಮತ್ತು ರಕ್ತದೊತ್ತಡದ ಸಮಸ್ಯೆಗಳು ಸಹ ತಲೆನೋವನ್ನು ಉಂಟುಮಾಡಬಹುದು.

ಇದನ್ನೂ ಓದಿ: ಪಶ್ಚಿಮ ಯುಪಿ ಅಭಿವೃದ್ಧಿಗೆ ಪತಂಜಲಿ ಸಹಕಾರ; ಏರ್​ಪೋರ್ಟ್ ಸಮೀಪ ಅಗ್ರಿ ಎಕ್ಸ್​ಪೋರ್ಟ್ ಹಬ್

ತಲೆನೋವು ನಿವಾರಣೆಗೆ ಈ ಆಸನ ಮತ್ತು ಪ್ರಾಣಾಯಾಮಗಳು ಪರಿಣಾಮಕಾರಿ

ಭ್ರಮರಿ ಪ್ರಾಣಾಯಾಮ

ತಲೆನೋವು ಮತ್ತು ಮೈಗ್ರೇನ್‌ಗೆ ಭ್ರಮರಿ ಅತ್ಯಂತ ಪ್ರಯೋಜನಕಾರಿ ಎಂದು ಬಾಬಾ ರಾಮದೇವ್ ವಿವರಿಸುತ್ತಾರೆ. ಇದನ್ನು ಮಾಡುವ ಕ್ರಮ ಹೀಗಿದೆ: ದೀರ್ಘವಾದ ಉಸಿರನ್ನು ತೆಗೆದುಕೊಳ್ಳಿ ಮತ್ತು ಜೇನುನೊಣದಂತೆ ಝೇಂಕರಿಸುವ ಶಬ್ದವನ್ನು ಮಾಡಿ. ಇದು ಮನಸ್ಸನ್ನು ಶಾಂತಗೊಳಿಸಲು ಮತ್ತು ಒತ್ತಡ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಅನುಲೋಮ ವಿಲೋಮ

ಅನುಲೋಮ-ವಿಲೋಮ ಅಥವಾ ನಾಡಿ ಶೋಧನ ಪ್ರಾಣಾಯಾಮವು ದೇಹದಲ್ಲಿ ಆಮ್ಲಜನಕದ ಪರಿಚಲನೆಯನ್ನು ಹೆಚ್ಚಿಸುತ್ತದೆ ಮತ್ತು ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ. ಇದು ಆಯಾಸ ಮತ್ತು ಮಾನಸಿಕ ಒತ್ತಡವನ್ನು ಸಹ ಕಡಿಮೆ ಮಾಡುತ್ತದೆ.

ಶೀತಲಿ ಪ್ರಾಣಾಯಾಮ

ಈ ತಂತ್ರದಲ್ಲಿ, ನಾಲಿಗೆಯನ್ನು ಕೊಳವೆ ರೀತಿಯಲ್ಲಿ ಸುತ್ತಬೇಕು. ಈ ನಾಲಿಗೆ ಮೂಲಕ ಉಸಿರನ್ನು ಒಳಗೆಳೆದುಕೊಳ್ಳಬೇಕು. ಮೂಗಿನ ಮೂಲಕ ಉಸಿರು ಹೊರಹಾಕಬೇಕು. ಇದು ದೇಹದ ಉಷ್ಣತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಕೋಪ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಚಿತ್ಕರಿ ಪ್ರಾಣಾಯಾಮ

ಹಲ್ಲನ್ನು ಸ್ವಲ್ಪ ತೆರೆದು, ಅದರ ಸಣ್ಣ ಕಿಂಡಿ ಮೂಲಕ ಉಸಿರನ್ನು ಒಳಗೆ ಎಳೆದುಕೊಳ್ಳಬೇಕು. ಮೂಗಿನ ಮೂಲಕ ಉಸಿರು ಹೊರಹಾಕಬೇಕು. ಇದು ಶೀತಕಾರಿ ಪ್ರಾಣಾಯಾಮದ ಕ್ರಮ. ಇದರಿಂದ ದೇಹ ತಂಪಾಗುತ್ತದೆ ಮತ್ತು ಮನಸ್ಸು ವಿಶ್ರಾಂತಿ ಪಡೆಯುತ್ತದೆ.

ಈ ಆಸನಗಳನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಅಥವಾ ಸಂಜೆ ಶಾಂತ ವಾತಾವರಣದಲ್ಲಿ ಅಭ್ಯಾಸ ಮಾಡುವುದು ಉತ್ತಮ. 5-10 ನಿಮಿಷಗಳಿಂದ ಪ್ರಾರಂಭಿಸಿ ಕ್ರಮೇಣ ಸಮಯವನ್ನು ಹೆಚ್ಚಿಸಿ. ನಿಯಮಿತ ಅಭ್ಯಾಸದಿಂದ, ತಲೆನೋವಿನಲ್ಲಿ ಗಮನಾರ್ಹ ಸುಧಾರಣೆಯನ್ನು ಕಾಣಬಹುದು.

ಇದನ್ನೂ ಓದಿ: ಮಾನಸಿಕ ಆರೋಗ್ಯಕ್ಕೆ ಮಹಿಳೆಯರು ಮಾಡಬಹುದಾದ ಯೋಗಾಸನಗಳು: ಬಾಬಾ ರಾಮದೇವ್ ಸಲಹೆ ಇದು

ಈ ವಿಷಯಗಳು ಗಮನದಲ್ಲಿರಲಿ….

• ಸಾಕಷ್ಟು ನಿದ್ರೆ ಪಡೆಯಬೇಕು. ತಡರಾತ್ರಿವರೆಗೆ ಎಚ್ಚರವಾಗಿರುವುದನ್ನು ತಪ್ಪಿಸಿ
• ಹೆಚ್ಚು ನೀರು ಕುಡಿಯಿರಿ.
• ಒತ್ತಡವನ್ನು ತಪ್ಪಿಸಿ
• ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಅನ್ನು ಹೆಚ್ಚು ಸಮಯ ಬಳಸಬೇಡಿ.
• ಸಮತೋಲಿತ ಮತ್ತು ಹಗುರವಾದ ಆಹಾರವನ್ನು ಸೇವಿಸಿ.
• ಜೋರಾದ ಶಬ್ದಗಳು ಅಥವಾ ದೀಪಗಳಿಂದ ದೂರವಿರಿ.
• ಯೋಗದ ಜೊತೆಗೆ ಧ್ಯಾನ ಮಾಡಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ