Health: ಶೀತ, ಜ್ವರ ಬಂದಾಗ ಮಾಂಸ ಸೇವಿಸಬಹುದಾ? ತಜ್ಞರು ಹೇಳುವುದು ಏನು!

ಸದ್ಯ ರಾಜ್ಯಾದ್ಯಂತ ಧಾರಾಕಾರವಾಗಿ ಮಳೆಯಾಗುತ್ತಿದೆ. ಮಳೆಯಾಗುತ್ತಿರುವುದು ಒಂದು ಸಂತೋಷವಾದರೆ, ರೋಗಗಳನ್ನು ಸಹ ತರುತ್ತದೆ. ಎಚ್ಚರ ತಪ್ಪಿದರೆ ಶೀತ, ಜ್ವರ ಕೂಡ ಬರಬಹುದು. ಈ ಅವಧಿಯಲ್ಲಿ ಸ್ವಚ್ಛತೆಯ ಕೊರತೆಯಿರುತ್ತದೆ. ಇದರಿಂದ ಸೊಳ್ಳೆಗಳು ಹರಡುತ್ತವೆ. ಡೆಂಗ್ಯೂ, ಮಲೇರಿಯಾ ಮತ್ತು ಟೈಫಾಯಿಡ್​ನಂತಹ ರೋಗಗಳು ಬರಬಹುದು. ಆದರೆ ಜ್ವರ ಬಂದಾಗ ಆಹಾರದ ಬಗ್ಗೆ ಅನೇಕರು ಬೇರೆ ಬೇರೆ ಮಾತುಗಳನ್ನು ಆಡುತ್ತಾರೆ. ಏನನ್ನು ತಿನ್ನಬೇಕು, ಯಾವುದನ್ನು ತಿನ್ನಬಾರದು ಎಂಬ ಬಗ್ಗೆ ಅವರಿಗೆ ಹಲವು ಅನುಮಾನಗಳಿವೆ. ಅದರಲ್ಲೂ ನಾನ್ ವೆಜ್ ತಿನ್ನಬೇಡಿ ಎಂದು ಹೇಳುತ್ತಾರೆ. ಆದರೆ ತಜ್ಞರು ಈ ವಿಷಯವನ್ನು ಅಲ್ಲಗಳೆಯುತ್ತಾರೆ. ಜ್ವರದ ಸಂದರ್ಭದಲ್ಲಿ, ಸುಲಭವಾಗಿ ಜೀರ್ಣವಾಗುವ ಆಹಾರವನ್ನು ಸೇವಿಸಲು ಸಾಮಾನ್ಯವಾಗಿ ಹೇಳಲಾಗುತ್ತದೆ. ಅಂತಹ ಆಹಾರವು ತ್ವರಿತವಾಗಿ ಜೀರ್ಣವಾಗುತ್ತದೆ ಮತ್ತು ತ್ವರಿತ ಶಕ್ತಿಯನ್ನು ನೀಡುತ್ತದೆ.

ಅದೇ ಮಾಂಸಾಹಾರಿ ಪದಾರ್ಥಗಳಾದ ಕೋಳಿ, ಮೀನುಗಳನ್ನು ಸೇವಿಸಿದರೆ ಅವು ಜೀರ್ಣವಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಹಾಗಾಗಿ ಹೊಟ್ಟೆ ಉರಿ ಮತ್ತು ಅಜೀರ್ಣದಂತಹ ಸಮಸ್ಯೆಗಳು ಉದ್ಭವಿಸುತ್ತವೆ. ಆದರೆ, ಇವುಗಳನ್ನು ತಿಂದರೆ ಜ್ವರ ಹೆಚ್ಚುತ್ತದೆ ಮತ್ತು ಬೇರೆ ಕಾಯಿಲೆಗಳು ಬರುತ್ತವೆ ಎಂಬ ಮಾತು ಸುಳ್ಳು ಎಂದು ತಜ್ಞರು ಹೇಳುತ್ತಾರೆ. ಹಾಗಾಗಿ ಜ್ವರ ಬಂದಾಗ ನಾನ್ ವೆಜ್ ತಿನ್ನುವ ಆಸೆ ಇದ್ದರೆ ಮುಕ್ತವಾಗಿ ತಿನ್ನಬಹುದು. ಇವುಗಳನ್ನು ಸೇವಿಸುವುದರಿಂದ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ.

ದೇಹಕ್ಕೆ ಕಾರ್ಬೋಹೈಡ್ರೇಟ್‌ಗಳ ಜೊತೆಗೆ ಪ್ರೋಟೀನ್ ಕೂಡ ಬೇಕು. ಹಾಗಾಗಿ ಪ್ರೋಟೀನ್ ಹೇರಳವಾಗಿರುವ ನಾನ್ ವೆಜ್ ತಿನ್ನುವುದು ಪ್ರಯೋಜನಕಾರಿಯೇ ಹೊರತು ಹಾನಿಕರವಲ್ಲ ಎಂದು ತಜ್ಞರು ಹೇಳುತ್ತಾರೆ. ಕೆಲವರಿಗೆ ಜ್ವರ ಬಂದಾಗ ವಾಕರಿಕೆ ಮತ್ತು ವಾಂತಿಯಾಗುತ್ತದೆ. ಇಂತಹ ಸಮಸ್ಯೆಗಳಿಂದ ಬಳಲುತ್ತಿರುವವರು ಮೀನು ಮತ್ತು ಕೋಳಿಮಾಂಸವನ್ನು ತ್ಯಜಿಸಬೇಕು. ವಾಕರಿಕೆ, ಅಜೀರ್ಣ ಸಮಸ್ಯೆಗಳಿದ್ದರೆ ಮಾತ್ರ ಸಸ್ಯಾಹಾರ ಸೇವಿಸಬೇಕು ಎನ್ನುತ್ತಾರೆ ತಜ್ಞರು. ಮಾಂಸಾಹಾರಿ ಆರೋಗ್ಯಕರ ಪ್ರೋಟೀನ್ಗಳು, ಅಪರ್ಯಾಪ್ತ ಕೊಬ್ಬಿನಾಮ್ಲಗಳು, ವಿಟಮಿನ್ಗಳು B6, B12, ಸತು ಮತ್ತು ಸೆಲೆನಿಯಮ್ಗಳಲ್ಲಿ ಸಮೃದ್ಧವಾಗಿದೆ. ಅದು ಮೂಳೆಗಳು ಮತ್ತು ಮೆದುಳಿನ ಆರೋಗ್ಯವನ್ನು ಕಾಪಾಡುತ್ತದೆ.

ಮತ್ತಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.