Cashew Katli Recipe: ಸುಲಭವಾಗಿ ಮನೆಯಲ್ಲೇ ಮಾಡಿ ಗೋಡಂಬಿ ಬರ್ಫಿ
ಮನೆಯಲ್ಲಿ ಎಷ್ಟು ಅಂತ ಇರೋದಿಕ್ಕೆ ಆಗುತ್ತೆ ಅಂತ ನೀವು ಯೋಚಿಸುತ್ತಿದ್ದೀರಾ? ಚಿಂತೆ ಬಿಟ್ಟಾಕಿ. ಮನೆಯಲ್ಲೆ ಸುಲಭವಾಗಿ ಸಿಹಿ ತಿಂಡಿಗಳನ್ನು ಮಾಡಿ ತಿನ್ನಿ. ಸಾಮಾನ್ಯವಾಗಿ ಎಲ್ಲರೂ ಇಷ್ಟಪಟ್ಟು ತಿನ್ನುವ ಸಿಹಿ ತಿಂಡಿ ಅಂದರೆ ಅದು ಕಾಜು ಬರ್ಫಿ.
Updated on: Jun 21, 2021 | 9:10 AM
ಮಳೆಗಾಲ ಬೇರೆ ಪ್ರಾರಂಭವಾಗಿದೆ. ಹೊರಗಡೆ ಧಾರಕಾರ ಮಳೆ ಸುರಿಯುತ್ತಿದೆ. ಮನೆಯಲ್ಲಿ ಕೂತು ಕೂತು ಸಾಕಾಯ್ತು. ಹೊರಗಡೆ ಹೋಗೋಣ ಅಂದರೆ ಮಳೆ. ಮನೆಯಲ್ಲಿ ಎಷ್ಟು ಅಂತ ಇರೋದಿಕ್ಕೆ ಆಗುತ್ತೆ ಅಂತ ನೀವು ಯೋಚಿಸುತ್ತಿದ್ದೀರಾ? ಚಿಂತೆ ಬಿಟ್ಟಾಕಿ. ಮನೆಯಲ್ಲೆ ಸುಲಭವಾಗಿ ಸಿಹಿ ತಿಂಡಿಗಳನ್ನು ಮಾಡಿ ತಿನ್ನಿ. ಸಾಮಾನ್ಯವಾಗಿ ಎಲ್ಲರೂ ಇಷ್ಟಪಟ್ಟು ತಿನ್ನುವ ಸಿಹಿ ತಿಂಡಿ ಅಂದರೆ ಅದು ಕಾಜು ಬರ್ಫಿ. ಮಕ್ಕಳಿಗಂತೂ ತುಂಬಾ ಇಷ್ಟ. ತಿನ್ನಬೇಕು ಅಂತ ಅನಿಸಿದಾಗೆಲ್ಲ ಬೇಕ್ರಿಗೆ ಹೋಗಿ ತರುತ್ತೀರ. ಇದರ ಬದಲು ನೀವೇ ಮನೆಯಲ್ಲಿ ಸುಲಭವಾಗಿ ಈ ಕಾಜು ಬರ್ಫಿಯನ್ನು ಮಾಡಬಹುದು.
ಕಾಜು ಬರ್ಫಿ ಮಾಡುವುದು ತುಂಬಾ ಸುಲಭ. ಸಕ್ಕರೆ, ತುಪ್ಪ, ಗೋಂಡಬಿ ಮತ್ತು ಖೋಯಾ ಸೇರಿದಂತೆ ಇತರೆ ಸಾಮಾಗ್ರಿಗಳನ್ನು ಬಳಸಿ ಮನೆಯಲ್ಲೇ ಸರಳವಾಗಿ ಕಾಜು ಬರ್ಫಿಯನ್ನು ಮಾಡಬಹುದು. ಗೋಡಂಬಿ ಕಾಜು ಬರ್ಫಿ ಮಾಡಲು ಬೇಕಾದ ಸಾಮಾಗ್ರಿಗಳು ಹೀಗಿವೆ, 2 ಕಪ್ ಗೋಡಂಬಿ 1 ಕಪ್ ಸಕ್ಕರೆ ಅರ್ಧ ಕಪ್ ನೀರು 2 ಚಮಚ ತುಪ್ಪ ಅರ್ಧ ಚಮಚ ಏಲಕ್ಕೆ ಪುಡಿ 500 ಗ್ರಾಂ ಖೋಯಾ ಅಲಂಕರಿಸಲು ಬೆಳ್ಳಿ ಬಣ್ಣದ ಹಾಳೆ (edible silver foil)
ಮಾಡುವ ವಿಧಾನ ಗೋಡಂಬಿಯನ್ನು ಮಿಕ್ಸರ್ ಗ್ರೈಂಡರ್ನ ಹಾಕಿ. ಚೆನ್ನಾಗಿ ಪುಡಿಯಾಗುವರೆಗು ಗೋಡಂಬಿಯನ್ನು ಗ್ರೈಂಡ್ ಮಾಡಿ. ಪಡಿಯಾದ ನಂತರ ಗೋಡಂಬಿ ಪುಡಿಯನ್ನು ಜರಡಿ ಮೂಲಕ ಸೋಸಬೇಕು ಅಥವಾ ಫಿಲ್ಟರ್ ಮಾಡಬೇಕು. ಈ ರೀತಿ ಮಾಡುವುದರಿಂದ ಯಾವುದೇ ಉಂಡೆಗಳೂ ಉಳಿಯುವುದಿಲ್ಲ. ಚೆನ್ನಾಗಿ ಗ್ರೈಂಡ್ ಆಗಿರುವ ಪುಡಿ ಮಾತ್ರ ಸಿಗುತ್ತದೆ. ನಂತರ ಬೇರೆ ಪಾತ್ರೆಯಲ್ಲಿ ಸಕ್ಕರೆ ಮತ್ತು ಖೋಯಾವನ್ನು ಚೆನ್ನಾಗಿ ಮಿಶ್ರಣ ಮಾಡಬೇಕು.
ನಂತರ ಸಕ್ಕರೆ-ಖೋಯಾ ಮಿಶ್ರಣವನ್ನು ಬಾಣಲೆಯಲ್ಲಿ ಹಾಕಿ. ಅದಕ್ಕೆ ಅರ್ಧ ಕಪ್ ನೀರನ್ನು ಸೇರಿಸಿ 5 ನಿಮಿಷ ಚೆನ್ನಾಗಿ ತಿರುಗಿಸಿ. ಬಳಿಕ ಸಕ್ಕರೆ ಕರಗಿ, ಮಿಶ್ರಣ ದಪ್ಪವಾಗುತ್ತದೆ. ಇದಕ್ಕೆ ಏಲಕ್ಕಿ ಪುಡಿ, ತುಪ್ಪ ಮತ್ತು ಗೋಡಂಬಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಕಾಜು ಬರ್ಫಿ ಮೃದುವಾಗಿರಬೇಕಾದರೆ ಹೆಚ್ಚು ಬೇಯಿಸಬಾರದು.
ಒಂದು ದೊಡ್ಡ ತಟ್ಟೆಯನ್ನು ತೆಗೆದುಕೊಂಡು ಅದಕ್ಕೆ ಸಿದ್ಧವಾರಿರುವ ಮಿಶ್ರಣವನ್ನು ಹಾಕಿ. ಅದರ ಮೇಲೆ ಒಂದು ಚಮಚ ತುಪ್ಪವನ್ನು ಸವರಿ. ಬಳಿಕ ಅದರ ಮೇಲೆ ಬೆಳ್ಳಿ ಬಣ್ಣದ ಹಾಳೆಯನ್ನು ಹಾಕಿ, ವಜ್ರಾಕಾರದಲ್ಲಿ ಕತ್ತಿರಿಸಿ ತಿನ್ನಿ.
ಗೋಡಂಬಿ ಆರೋಗ್ಯಕ್ಕೆ ಎಷ್ಟು ಪ್ರಯೋಜನಕಾರಿ? ಗೋಡಂಬಿ ಪ್ರೋಟೀನ್, ಫೈಬರ್, ಸತು, ರಂಜಕ, ಉತ್ಕರ್ಷಣ ನಿರೋಧಕಗಳಂತಹ ಪೋಷಕಾಂಶಗಳನ್ನು ಹೊಂದಿರುತ್ತದೆ. ಇದು ರಕ್ತದಲ್ಲಿನ ಕೊಲೆಸ್ಟ್ರಾಲ್ನ ನಿಯಂತ್ರಿಸುವ ಸ್ಟಿಯರಿಕ್ ಆಮ್ಲವನ್ನು ಹೊಂದಿರುತ್ತದೆ. ಇದನ್ನು ನಿಯಮಿತವಾಗಿ ಸೇವಿಸುವುದರಿಂದ ದೇಹದಲ್ಲಿನ ಕೊಲೆಸ್ಟ್ರಾಲ್ ಕಡಿಮೆಯಾಗುತ್ತದೆ. ಇದು ಹೃದಯ ಸಂಬಂಧ ಸಮಸ್ಯೆಗಳು ಕಡಿಮೆ ಮಾಡಲು ಸಹಾಯಕವಾಗಿದೆ. ಅಲ್ಲದೆ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಇದನ್ನೂ ಓದಿ
Health Tips: ಕೊವಿಡ್ ಸಮಯದಲ್ಲಿ ನೀವು ಪಾಲಿಸಲೇಬೇಕಾದ ಐದು ಆಹಾರ ಪದ್ಧತಿಗಳು
World Yoga Day 2021: ಇಂದು ಚೀನಾದಲ್ಲೂ ವಿಶ್ವ ಯೋಗ ದಿನಾಚರಣೆ; ಚೀನಿಯರನ್ನೂ ಸೆಳೆಯುತ್ತಿದೆ ಭಾರತ ಮೂಲದ ಯೋಗ
(How to make Cashew Kaju Katli Burfi in home)
