Alcohol: ಗಂಡು, ಹೆಣ್ಣಿನ ಮೆದುಳಿನ ಮೇಲೆ ವಿಭಿನ್ನ ಪರಿಣಾಮ ಬೀರುತ್ತೆ ಆಲ್ಕೋಹಾಲ್

ಮದ್ಯಪಾನವು ಗಂಡು ಹಾಗೂ ಹೆಣ್ಣಿನ ಮೆದುಳಿನ ಮೇಲೆ ವಿಭಿನ್ನ ಪರಿಣಾಮವನ್ನು ಬೀರಲಿದೆ ಎಂಬುದು ಇತ್ತೀಚೆಗೆ ಇಲಿಗಳ ಮೇಲೆ ನಡೆಸಿರುವ ಸಂಶೋಧನೆಯಿಂದ ತಿಳಿದುಬಂದಿದೆ.  ಆಲ್ಕೋಹಾಲ್ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಬಳಸುತ್ತಾರೆ  ಹಾಗೂ ಇದು ಪರಿಣಾಮಕಾರಿ ಮಾದಕವಸ್ತುಗಳಲ್ಲಿ ಒಂದಾಗಿದೆ. ಕೆಲವರಿಗೆ ಮದ್ಯಪಾನ ಚಟವಾಗಿದ್ದರೆ ಇನ್ನೂ ಕೆಲವರು ಒತ್ತಡ, ಖಿನ್ನತೆಯಿಂದಾಗಿ ಮದ್ಯಪಾನ ಮಾಡುತ್ತಾರೆ.

ಮದ್ಯಪಾನ ಮಾಡಿದ ತಕ್ಷಣ ಅದು ಮೆದುಳಿನ ಮೇಲೆ ಪರಿಣಾಮವನ್ನು ಬೀರಲು ಶುರು ಮಾಡುತ್ತದೆ. ಹೊಸ ಸಂಶೋಧನೆಯೊಂದರಲ್ಲಿ ಮದ್ಯವು ಗಂಡು ಮತ್ತು ಹೆಣ್ಣಿನ ಮೆದುಳುಗಳ ಮೇಲೆ ವಿಭಿನ್ನ ಪರಿಣಾಮಗಳನ್ನು ಬೀರುತ್ತದೆ ಎಂದು ತೋರಿಸಿದೆ.

ಶೈಕ್ಷಣಿಕ ಜರ್ನಲ್ eNeuro ನಲ್ಲಿ  ಪ್ರಕಟವಾದ ವರದಿ ಪ್ರಕಾರ, ಮದ್ಯವು ಪುರುಷರು ಮತ್ತು ಮಹಿಳೆಯರ ಮೆದುಳಿನ ಮೇಲೆ ಬೇರೆ ಬೇರೆ ರೀತಿಯ ಪರಿಣಾಮ ಬೀರುತ್ತದೆ ಎಂದು ಹೇಳುತ್ತದೆ.

ಆಧಾರವೆಂಬಂತೆ ವಿಜ್ಞಾನಿಗಳು ಮದ್ಯಪಾನದ ಪರಿಣಾಮಗಳು ಕುರಿತು ಇಲಿಗಳ ಮೆದುಳಿನ ಅಮಿಗ್ಡಾಲಾ ಚಟುವಟಿಕೆಯಲ್ಲಿ ಬದಲಾವಣೆಗಳನ್ನು ಗಮನಿಸಿದ್ದಾರೆ.

ಆದರೆ ಈ ಬದಲಾವಣೆ ಮತ್ತು ಪರಿಣಾಮವು ಗಂಡು ಮತ್ತು ಹೆಣ್ಣು ಇಲಿಗಳಲ್ಲಿ ವಿಭಿನ್ನವಾಗಿ ಕಂಡುಬಂದಿದೆ. ಅಮೆರಿಕದಲ್ಲಿ ಶೇ.85 ರಷ್ಟು ಆಲ್ಕೋಹಾಲ್ ಸೇವನೆ ಮಾಡುವವರಲ್ಲಿ ಶೇ.5ರಷ್ಟು ಮಂದಿಯಲ್ಲಿ ಮಾನಸಿಕ ಸಮಸ್ಯೆಗಳು ಕಾಡುತ್ತಿವೆ.

ಮದ್ಯಪಾನ ಮಾಡಿದ ಪುರುಷರಲ್ಲಿ ಮಾನಸಿಕ ಸ್ಥಿತಿ ಬದಲಾಗುವುದು ಕಂಡುಬಂದಿದೆ. ಆದರೆ ಆಲ್ಕೋಹಾಲ್ ಕುಡಿದ ಮಹಿಳೆಯರಲ್ಲಿ ಸ್ಥಿತಿಯು ಬದಲಾಗದೇ ಇರುವುದು ಕಂಡುಬಂದಿದೆ.

ಸಾಕಷ್ಟು ಅಧ್ಯಯನಗಳಲ್ಲಿ ಮದ್ಯಪಾನದಿಂದಾಗುವ ಪ್ರಯೋಜನಗಳು ಹಾಗೂ ಅದರಿಂದ ವ್ಯಕ್ತಿ ಅನುಭವಿಸುವ ಖಿನ್ನತೆಯ ಬಗ್ಗೆ ವಿವರಣೆ ನೀಡಲಾಗಿದೆ.