Alcohol: ಮದ್ಯಪಾನ ಮಾಡುವ ಜೋಶ್ನಲ್ಲಿ ಈ ಐದು ಪದಾರ್ಥ ತಗೋಬೇಡಿ, ತಿಂದರೆ ಡೇಂಜರ್!
ಅಸಲಿಗೆ ಆಲ್ಕೋಹಾಲ್ ಅಂದರೆ ಮದ್ಯಪಾನ ಮಾಡುವುದು ವೈಯಕ್ತಿಕವಾಗಿ ಮತ್ತು ಸಾಮಾಜಿಕ ಕಳಕಳಿಯಿಂದ ಒಳ್ಳಯದಲ್ಲ. ಅಂತಹುದರಲ್ಲಿ ಮದ್ಯಪಾನ ಮಾಡುವಾಗ ಸರಿಯಾದ ಆಹಾರ ಕ್ರಮ ತೆಗೆದುಕೊಳ್ಳದಿದ್ದರೆ ಆರೋಗ್ಯ ಹದಗೆಡುತ್ತದೆ ಎಂದು ವೈದ್ಯರು ಸಲಹೆ ನೀಡುತ್ತಾರೆ. ಜೊತೆಗೆ ಖಾಲಿ ಹೊಟ್ಟೆಯಲ್ಲಿ ಆಲ್ಕೋಹಾಲ್ ಸೇವನೆ ಮಾಡುವುದರಿಂದ ಆರೋಗ್ಯ ಸಮಸ್ಯೆಗಳು ಬರಬಹುದು. ಇನ್ನು ಟೇಸ್ಟ್ ಸಖತ್ತಾಗಿರುತ್ತೆ ಅಂತಲೋ, ಕಿಕ್ ಬರಲೀ ಅಂತಲೋ ಮಸಾಲೆಯುಕ್ತ ಪದಾರ್ಥ ಹೆಚ್ಚಾಗಿ ತೆಗೆದುಕೊಳ್ಳುವ ವಾಡಿಕೆಯಿದೆ. ಈ ಹಿನ್ನೆಲೆಯಲ್ಲಿ ಮದ್ಯಪಾನ ಮಾಡುವಾಗ ಯಾವ ಆಹಾರಗಳನ್ನು ಸೇವಿಸಬಾರದು ಎಂಬುದನ್ನು ಇಲ್ಲಿ ವಿವರಿಸಲಾಗಿದೆ (Foods For Alcohol):
1. ಬೀನ್ಸ್ ಅಥವಾ ಕಾಯಿಪಲ್ಲೆಗಳು:
ಆಲ್ಕೋಹಾಲ್ ಕುಡಿಯುವಾಗ ನೀವು ಖಂಡಿತವಾಗಿಯೂ ಬೀನ್ಸ್ ಮತ್ತು ಕಾಯಿಪಲ್ಲೆಗಳನ್ನು ತಪ್ಪಿಸಬೇಕು. ಬೀನ್ಸ್ ಮತ್ತು ಕಾಯಿಪಲ್ಲೆಗಳಲ್ಲಿ ಕಬ್ಬಿಣದ ಅಂಶ ಹೆಚ್ಚಾಗಿರುತ್ತದೆ. ಆದರೆ ವೈನ್ ಜೊತೆಯಲ್ಲಿ ಸೇವಿಸಿದಾಗ, ನಿಮ್ಮ ದೇಹವು ಸಾಕಷ್ಟು ಕಬ್ಬಿಣವನ್ನು ಪಡೆಯುವುದಿಲ್ಲ.
1 / 5
2. ಬ್ರೆಡ್
ಬ್ರೆಡ್ ಅನ್ನು ಬಿಯರ್ ಜೊತೆಗೆ ತೆಗೆದುಕೊಳ್ಳಬಾರದು. ಏಕೆಂದರೆ.. ಬಿಯರ್ ಕುಡಿದ ನಂತರ ಸಹಜವಾಗಿಯೇ ಹೊಟ್ಟೆ ಉಬ್ಬಿದಂತಾಗುತ್ತದೆ. ಬಿಯರ್ ಮತ್ತು ಬ್ರೆಡ್ ಯೀಸ್ಟ್ ಹೆಚ್ಚಿನ ಪ್ರಮಾಣದಲ್ಲಿ ಇರುತ್ತದೆ. ಎರಡನ್ನೂ ಒಟ್ಟಿಗೆ ತೆಗೆದುಕೊಂಡರೆ.. ಅದು ಹೊಟ್ಟೆಗೆ ಹೆವಿಯಾಗಿ ಬೇಗ ಜೀರ್ಣವಾಗುವುದಿಲ್ಲ. ಇದರ ಪರಿಣಾಮವಾಗಿ ಜೀರ್ಣ ಸಮಸ್ಯೆಗಳು ಉದ್ಭವವಾಗುತ್ತವೆ.
2 / 5
3. ಫ್ರೆಂಚ್ ಫ್ರೈಸ್:
ಮದ್ಯಪಾನ ಮಾಡುವಾಗ ಫ್ರೆಂಚ್ ಫ್ರೈಸ್ ಅಂತಹ ಮಸಾಲೆಯುಕ್ತ ಆಹಾರಗಳನ್ನು ತಪ್ಪಿಸಿ. ಇದರಲ್ಲಿ ಸೋಡಿಯಂ ಅಧಿಕವಾಗಿದೆ. ಆಲ್ಕೋಹಾಲ್ ಜೊತೆಗೆ ಫ್ರೆಂಚ್ ಫ್ರೈಸ್ ಸೇವನೆಯು ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ.
3 / 5
4. ಚಾಕೊಲೇಟ್:
ಕುಡಿಯುವಾಗ ಅಥವಾ ಮದ್ಯಪಾನ ಮಾಡಿದ ನಂತರ ಚಾಕೊಲೇಟ್ ತಿನ್ನಬೇಡಿ. ಚಾಕೊಲೇಟ್‌ನಲ್ಲಿ ಕೆಫೀನ್, ಕೊಬ್ಬು ಮತ್ತು ಕೋಕೋ ಪದಾರ್ಥಗಳು ಅಧಿಕವಾಗಿವೆ. ಇತರ ಆಮ್ಲೀಯ ಆಹಾರಗಳಂತೆ, ಇವೆರಡರ ಸಂಯೋಜನೆಯು ಜೀರ್ಣ ಸಮಸ್ಯೆಗಳನ್ನು ಉಂಟುಮಾಡಬಹುದು.
4 / 5
5. ಪಿಜ್ಜಾ:
ಆಲ್ಕೋಹಾಲ್ ಸೇವಿಸುವಾಗ ಪಿಜ್ಜಾ ತೆಗೆದುಕೊಳ್ಳಬೇಡಿ. ಪಿಜ್ಜಾದಲ್ಲಿರುವ ಆಮ್ಲೀಯ ಟೊಮೆಟೊ GERD, ಆಸಿಡ್ ರಿಫ್ಲಕ್ಸ್ ಮತ್ತು ಎದೆಯುರಿ ಉಂಟುಮಾಡಬಹುದು. ಆದರೆ ಟೊಮೆಟೊ ಇಲ್ಲದೆ ಯಾವುದೇ ಇತರ ಪಿಜ್ಜಾವನ್ನು ತಿನ್ನಬಹುದು.
