ವಾಲ್​ನಟ್​ ಸೇವನೆಯಿಂದ ತೂಕ ಹೆಚ್ಚುತ್ತದೆ ಎಂಬ ಆತಂಕ ಬಿಡಿ.. ನಿಯಮಿತವಾಗಿ ಸೇವಿಸಿ ಹೃದಯದ ಆರೋಗ್ಯ ಕಾಪಾಡಿಕೊಳ್ಳಿ

ವಾಲ್​ನಟ್​ ಸೇವನೆಯಿಂದ ತೂಕ ಹೆಚ್ಚುತ್ತದೆ ಎಂಬ ಆತಂಕ ಬಿಡಿ.. ನಿಯಮಿತವಾಗಿ ಸೇವಿಸಿ ಹೃದಯದ ಆರೋಗ್ಯ ಕಾಪಾಡಿಕೊಳ್ಳಿ
ವಾಲ್​ನಟ್​

ವಾಲ್​ನಟ್​​ನಲ್ಲಿ ಆರೋಗ್ಯಕರ ಕೊಬ್ಬು ಮತ್ತು ಪೋಷಕಾಂಶಗಳು ಯಥೇಚ್ಛವಾಗಿವೆ. ಹೀಗೆ ಕೊಬ್ಬು ಇದ್ದರೂ ಕೂಡ ತೂಕವನ್ನು ಹೆಚ್ಚಿಸುವುದಿಲ್ಲ. ಕಾರಣ ಇದರಲ್ಲಿರುವ ಒಮೆಗಾ -3 ಫ್ಯಾಟಿ ಆ್ಯಸಿಡ್​ ಮತ್ತು ನಾರಿನ ಅಂಶಗಳು.

Lakshmi Hegde

|

Mar 21, 2021 | 3:35 PM

ಉತ್ತಮ ಆರೋಗ್ಯ ಹೊಂದಲು ಫ್ರೂಟ್​​ಗಳಷ್ಟೇ ಅಲ್ಲ, ನಟ್ಸ್​ಗಳೂ ಸಹಕಾರಿ. ನಟ್ಸ್​​ಗಳು ಪೋಷಕಾಂಶಗಳ ಆಗರ. ಹಾಗೇ ಕ್ಯಾಲರಿಗಳ ಪ್ರಮಾಣವೂ ಅಧಿಕವಾಗಿರುತ್ತದೆ. ಒಳ್ಳೆಯ ಕೊಬ್ಬನ್ನೂ ಹೊಂದಿರುತ್ತವೆ. ಹೀಗಾಗಿ ನಿಯಮಿತವಾಗಿ ನಟ್ಸ್​​ಗಳ ಸೇವನೆಯಿಂದ ಹಲವು ಕಾಯಿಲೆಗಳಿಂದ ದೂರ ಇರಬಹುದು..ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಅದರಲ್ಲಿ ಒಂದಾದ ವಾಲ್​ನಟ್​ಗಳ ಸೇವನೆಯಿಂದ ಏನೇನು ಅನುಕೂಲವಿದೆ ಎಂಬ ಮಾಹಿತಿ ಇಲ್ಲಿದೆ ನೋಡಿ..

ವಾಲ್​ನಟ್​ಗಳು ವರ್ಷದ ಎಲ್ಲ ಸೀಸನ್​ಗಳಲ್ಲೂ ಸಿಗುತ್ತವೆ. ಅವನ್ನು ಚೆನ್ನಾಗಿ ಪ್ಯಾಕ್​ ಮಾಡಿಟ್ಟರೆ ಕೆಡುವುದಿಲ್ಲ. ವಾಲ್​ನಟ್​ನ್ನು ಹಾಗೆಯೇ ತಿನ್ನಬಹುದು. ಇನ್ನು ವಾಲ್​ನಟ್​ ಕೇಕ್​, ಬರ್ಫಿ, ಮಿಠಾಯಿ, ಹಲ್ವಾದಂಥ ತಿಂಡಿಯನ್ನೂ ತಯಾರಿಸಿ, ಸವಿಯಬಹುದು. ಇನ್ನು ಒಣದ್ರಾಕ್ಷಿ, ಬಾದಾಮಿಗಳಂತೆ ವಾಲ್​ನಟ್​ನ್ನೂ ಕೂಡ ರಾತ್ರಿಯಿಡೀ ನೆನೆಸಿಟ್ಟು, ಬೆಳಗ್ಗೆಯೂ ತಿನ್ನಬಹುದು. ಆದರೆ ಕೆಲವರಿಗೆ ವಾಲ್​ನಟ್​ ಇಷ್ಟವಿದ್ದರೂ ತಿನ್ನಲು ಹಿಂದೇಟು ಹಾಕುತ್ತಾರೆ. ಇದರ ಸೇವನೆಯಿಂದ ತೂಕ ಹೆಚ್ಚುತ್ತದೆ ಎಂದು ಭಾವಿಸುತ್ತಾರೆ. ಆದರೆ ವಾಸ್ತವದಲ್ಲಿ ವಾಲ್​ನಟ್​​ಗಳಿಂದ ತೂಕ ಹೆಚ್ಚುವುದಿಲ್ಲ.

ವಾಲ್​ನಟ್​​ನಲ್ಲಿ ಆರೋಗ್ಯಕರ ಕೊಬ್ಬು ಮತ್ತು ಪೋಷಕಾಂಶಗಳು ಯಥೇಚ್ಛವಾಗಿವೆ. ಹೀಗೆ ಕೊಬ್ಬು ಇದ್ದರೂ ಕೂಡ ತೂಕವನ್ನು ಹೆಚ್ಚಿಸುವುದಿಲ್ಲ. ಕಾರಣ ಇದರಲ್ಲಿರುವ ಒಮೆಗಾ -3 ಫ್ಯಾಟಿ ಆ್ಯಸಿಡ್​ ಮತ್ತು ನಾರಿನ ಅಂಶಗಳು. ಇದರ ನಿಯಮಿತ ಸೇವನೆಯಿಂದ ಚಯಾಪಚಯ ಪ್ರಕ್ರಿಯೆ ಸರಾಗವಾಗಿ ಆಗುತ್ತದೆ. ಮಧುಮೇಹ, ಬೊಜ್ಜು ಮತ್ತು ಹೃದಯಸಂಬಂಧಿ ಕಾಯಿಲೆಗಳಿಂದಲೂ ನಮ್ಮನ್ನು ಪಾರು ಮಾಡುತ್ತದೆ.

ಏನೇನೆಲ್ಲ ಅನುಕೂಲಗಳು? ಹೃದಯದ ಆರೋಗ್ಯಕ್ಕೆ ಒಳ್ಳೆಯದು: ವಾಲ್​​​ನಟ್​​ನಲ್ಲಿರುವ ಉತ್ತಮ ಕೊಬ್ಬುಗಳು ದೇಹದಲ್ಲಿರುವ ಕೆಟ್ಟ ಕೊಲೆಸ್ಟ್ರಾಲ್​ಗಳನ್ನು ನಿಯಂತ್ರಿಸುತ್ತವೆ. ಇದರಿಂದ ಹೃದಯ ಸಂಬಂಧಿ ಸಮಸ್ಯೆಯಿಂದ ದೂರ ಇರಬಹುದು.

ಜೀರ್ಣಕ್ರಿಯೆಗೆ ಸಹಕಾರಿ: ವಾಲ್​ನಟ್​ ನಾರಿನ ಅಂಶ ಹೊಂದಿದ್ದು, ಕರುಳಿನ ಆರೋಗ್ಯವನ್ನು ವೃದ್ಧಿಸುತ್ತದೆ. ಇದರಿಂದ ಜೀರ್ಣಕ್ರಿಯೆ ಉತ್ತಮವಾಗುತ್ತದೆ. ಹಾಗೇ ಇದರಲ್ಲಿರುವ ವಿಟಮಿನ್ ಇ ಮತ್ತು ಒಮೆಗಾ 3 ಫ್ಯಾಟಿ ಆ್ಯಸಿಡ್​ಗಳು ಮಿದುಳಿನ ಆರೋಗ್ಯಕ್ಕೂ ತುಂಬ ಒಳ್ಳೆಯದು.

ಅಲರ್ಜಿಯುಂಟಾಗಬಹುದು ಎಚ್ಚರ ! ವಾಲ್​​ನಟ್​ ಸೇವನೆಯಿಂದ ಅನೇಕ ಉಪಯೋಗಗಳು ಇವೆ. ಹಾಗಂತ ತುಂಬ ತಿನ್ನಬಾರದು. ಇನ್ನು ಕೆಲವರಿಗೆ ಇದು ಅಲರ್ಜಿಯನ್ನೂ ಉಂಟು ಮಾಡಬಹುದು. ಹಾಗಾಗಿ ನಿಮ್ಮ ದೇಹಕ್ಕೆ ಹೊಂದುತ್ತದೆಯೋ ಎಂಬುದನ್ನು ನೋಡಿಕೊಂಡು, ಹಿತಮಿತವಾಗಿ ಸೇವಿಸಿ.

ಇದನ್ನೂ ಓದಿ: Health Tips: ಡಯಟ್ ಮಾಡೋಕೆ ಆಗ್ತಿಲ್ಲ ಎಂದು ಚಿಂತೆ ಬೇಡ; ಫಿಟ್​ ಆಗಿ, ಆರೋಗ್ಯಕರವಾಗಿರಲು ಇಷ್ಟೆಲ್ಲ ದಾರಿಗಳಿವೆ ನೋಡಿ..

ಗ್ಯಾಸ್ಟ್ರಿಕ್​ ಹೇಳಿಕೊಳ್ಳಲಾಗದ ಸಂಕಟ; ತೊಂದರೆಗೆ ಇಲ್ಲಿದೆ ಪರಿಹಾರ!

Follow us on

Related Stories

Most Read Stories

Click on your DTH Provider to Add TV9 Kannada