Horoscope: ದಿನಭವಿಷ್ಯ, ಈ ರಾಶಿಯವರು ಮಾಡುವ ನಿರ್ಧಾರವು ಗಟ್ಟಿಯಾಗಿರಲಿ

ಇಂದಿನ ನಿಮ್ಮ ರಾಶಿ ಭವಿಷ್ಯ (Daily horoscope) ಹೇಗಿದೆ? ಹಾಗೂ ಯಾವ ಸಮಯಕ್ಕೆ ಏನು ಮಾಡಬೇಕು ಮತ್ತು ಏನು ಮಾಡಬಾರದು? ಹೀಗೆ ಎಲ್ಲವನ್ನು ತಿಳಿದುಕೊಳ್ಳುತ್ತಾರೆ. ಜೊತೆಗೆ ಪಂಚಾಗವನ್ನು ಸಹ ಓದುತ್ತಾರೆ. ಹಾಗಾದರೆ ಇಂದಿನ (2023 ಜುಲೈ​ 31) ರಾಶಿ ಭವಿಷ್ಯದಲ್ಲಿ ಯಾರ ರಾಶಿ ಫಲ ಹೇಗಿದೆ, ಯಾರಿಗೆ ಲಾಭ ಕಾದಿದೆ, ಯಾರಿಗೆ ನಷ್ಟ ಕಾದಿದೆ ಹಾಗೂ ಯಾರಿಗೆ ಶುಭ, ಅಶುಭ? ಮಾಹಿತಿ ಇಲ್ಲಿದೆ.

ನಿತ್ಯಪಂಚಾಂಗ: ಶಾಲಿವಾಹನ ಶಕೆ 1946, ಶೋಭಕೃತ್ ಸಂವತ್ಸರ, ದಕ್ಷಿಣಾಯನ, ವರ್ಷ ಋತು, ಕರ್ಕಾಟಕ ಮಾಸ, ಮಹಾನಕ್ಷತ್ರ: ಪುಷ್ಯಾ, ಮಾಸ: ಅಧಿಕ ಶ್ರಾವಣ, ಪಕ್ಷ: ಶುಕ್ಲ, ವಾರ: ಸೋಮ, ತಿಥಿ: ತ್ರಯೋದಶೀ, ನಿತ್ಯನಕ್ಷತ್ರ: ಉತ್ತರಾಷಾಢ, ಯೋಗ: ವೈಧೃತಿ, ಕರಣ: ತೈತಿಲ, ಸೂರ್ಯೋದಯ ಬೆಳಗ್ಗೆ 06 ಗಂಟೆ 16 ನಿಮಿಷಕ್ಕೆ, ಸೂರ್ಯಾಸ್ತ ಸಂಜೆ 07 ಗಂಟೆಗೆ, ರಾಹು ಕಾಲ ಬೆಳಗ್ಗೆ 07:52 ರಿಂದ 09:28ರ ವರೆಗೆ, ಯಮಘಂಡ ಕಾಲ ಬೆಳಗ್ಗೆ 11:03 ರಿಂದ ಮಧ್ಯಾಹ್ನ 12:39ರ ವರೆಗೆ, ಗುಳಿಕ ಕಾಲ ಮಧ್ಯಾಹ್ನ 02:14 ರಿಂದ 03:50ರ ವರೆಗೆ.

ಸಿಂಹ: ಸಂಪತ್ತಿಗಾಗಿ ಅನೇಕ ವೃತ್ತಿಗಳನ್ನು ಆಶ್ರಯಿಸುವಿರಿ. ದುರಭ್ಯಾಸವನ್ನು ಬಿಡುವ ಮನಸ್ಸಿದ್ದರೂ ಬಿಡುವುದು ಕಷ್ಟವಾದೀತು. ಬದುಕಿಗೆ ಅನಿರೀಕ್ಷಿತ ತಿರುವುಗಳು ಬರಬಹುದು. ಕೆಲಸವು ಮುಂದೆ ಸಾಗದೇ ಇರುವುದು ನಿಮಗೆ ಕಿರಿಕಿರಿ ಎನಿಸೀತು. ಸಿಕ್ಕ ಸಂಪತ್ತಿನಿಂದ ಖುಷಿಯಾಗಿರಿ. ನಿಮ್ಮ ವಸ್ತುವನ್ನು ಇನ್ನೊಬ್ಬರಿಗೆ ಕೊಡಲು ಕಷ್ಟವಾದೀತು. ನಿಮಗಾಗಿ‌ ನೀವು ಸಮಯವನ್ನು ಮಾಡಿಕೊಳ್ಳುವಿರಿ. ಸಂಗಾತಿಯ ಮಾತುಗಳು ನಿಮಗೆ ಹಿತವೆನಿಸೀತು‌. ಪ್ರಯಾಣದಿಂದ ಆಯಾಸವಾಗಲಿದೆ. ಸಮಾರಂಭಕ್ಕೆ ತೆರಳುವ ಸಾಧ್ಯತೆ ಇದೆ.

ಕನ್ಯಾ: ಮನೆಯವರು ನಿಮ್ಮ ಬಗ್ಗೆ ಆಡಿಕೊಳ್ಳಬಹುದು. ಇತರರ ಬಗ್ಗೆ ನಿಮ್ಮ‌ ಬಳಿ ದೂರನ್ನು ಹೇಳಬಹುದು. ದಂಪತಿಗಳ ನಡುವೆ ಬರುವ ಸಣ್ಣ ಕಲಹವೂ ದೊಡ್ಡದಾಗಬಹುದು. ಸುಮ್ಮನಿರುವುದು ಒಳ್ಳೆಯದು. ನಂಬಿಕೆಯನ್ನು ಉಳಿಸಿಕೊಳ್ಳಲು ಬಹಳ ಪ್ರಯತ್ನವನ್ನು ಮಾಡುವಿರಿ. ಆಲಸ್ಯದಿಂದ ಕೆಲಸಕ್ಕೆ ವಿರಾಮವನ್ನು ಮಾಡುವಿರಿ. ಕಾನೂನಿಗೆ ವಿರುದ್ಧವಾದ ತಂತ್ರವನ್ನು ಮಾಡುವುದು ಬೇಡ. ವಾಹನದಿಂದ ನಿಮಗೆ ತೊಂದರೆಯಾಗಬಹುದು. ಖರೀದಿಸುವಾಗ ನಿಮಗೆ ವಂಚನೆಯಾಗಿದೆ. ಪಕ್ಷಪಾತದ ಧೋರಣೆಯನ್ನು ಮಾಡುವುದು ಬೇಡ.

ತುಲಾ: ಮಕ್ಕಳಿಗೆ ವಿವಾಹವನ್ನು ಮಾಡಲು ಪ್ರಯಾಸಪಡುವಿರಿ. ಒಂದರ ಮೇಲೆ‌ ಒಂದರಂತೆ ಖರ್ಚುಗಳು ಕಾಣಿಸಿಕೊಳ್ಳುವುದು. ಆದಾಯವು ನಿರೀಕ್ಷಿತ ಹಂತಕ್ಕೆ ಹೋದರೂ ಖರ್ಚನ್ನು ಕಡಿಮೆ ಮಾಡಿಕೊಳ್ಳಲು ಕಷ್ಟಪಡುವಿರಿ. ಅಧಿಕಾರದ ಮಾತಿನಿಂದ ಏನನ್ನೂ ಸಾಧಿಸಲಾಗದು. ಮಾತು ಮೃದುವಾಗಿ ಇರಲಿ. ವಿದೇಶ ಹೋಗಲು ಕೆಲವು ತೊಂದರೆಗಳು ಬರಬಹುದು. ಕಚೇರಿಯಲ್ಲಿ ಯಾರದೋ ತಪ್ಪಿಗೆ ನೀವು ತಲೆಯನ್ನು ತಗ್ಗಿಸಬೇಕಾದೀತು. ಸುಖದ ದಾರಿಗಳನ್ನು ನೀವು ಹುಡುಕುವಿರಿ. ಸ್ನೇಹಿತರು ನಿಮ್ಮ ದಾರಿಯನ್ನು ತಪ್ಪಿಸಲು ಪ್ರಯತ್ನಿಸುವರು. ನಿಮ್ಮ ನಿರ್ಧಾರವು ಗಟ್ಟಿಯಾಗಿರಲಿ.

ವೃಶ್ಚಿಕ: ಕೆಲಸಕ್ಕೆ ಸಮಯದ ಕೊರತೆ ಕಾಣಿಸಬಹುದು. ಉದ್ಯೋಗದ ವಿಚಾರದಲ್ಲಿ ನೀವು ವಂಚನೆಗೆ ಸಿಕ್ಕಿಕೊಳ್ಳುವ ಸಾಧ್ಯತೆ ಇದೆ. ಸಂಗಾತಿಯನ್ನು ಮೆಚ್ಚಿಸಲು ನಮ್ಮ‌ ತಂತ್ರವು ವಿಫಲವಾದೀತು. ಉತ್ತಮ ವಸ್ತುಗಳನ್ನು ಮನೆಗೆ ತರುವಿರಿ. ಮಕ್ಕಳಿಗೆ ನಿಮ್ಮಂದ ಉಡುಗೊರೆ ಸಿಗಲಿದೆ. ನಿಮ್ಮ‌ ಸಣ್ಣ ತಪ್ಪು ದೊಡ್ಡ ಅನಾಹುತಕ್ಕೆ ಕಾರಣವಾಗಬಹುದು. ಸತ್ಯವನ್ನೇ ಹೇಳುವುದಿದ್ದರೂ ಸರಿಯಾಗಿ ಹೇಳುವುದನ್ನು ರೂಢಿಸಿಕೊಳ್ಳಿ. ನೀವಿಂದು ಆಕರ್ಷಕವಾಗಿ ಕಾಣಿಸುವಿರಿ. ಸ್ನೇಹಿತರ ಜೊತೆ ಹೆಚ್ಚು ಸಮಯವನ್ನು ಕಳೆಯುವಿರಿ. ಕೆಲಸವನ್ನು ನಿಷ್ಠೆಯಿಂದ ಮಾಡುವಿರಿ. ಪ್ರಾಮಾಣಿಕ ಪ್ರಯತ್ನವು ಫಲಿಸಬಹುದು.

ಮತ್ತಷ್ಟು ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ