Daily Horoscope: ಸ್ನೇಹಿತರ ಸಹವಾಸದಿಂದ ನೀವು ಬದಲಾಗಬಹುದು, ಒಬ್ಬರೇ ಎಲ್ಲಿಗಾದರೂ ಹೋಗಲು ಇಚ್ಛಿಸುವಿರಿ

ನಿತ್ಯಪಂಚಾಂಗ: ಶಾಲಿವಾಹನ ಶಕೆ 1946, ಶೋಭಕೃತ್ ಸಂವತ್ಸರ, ಉತ್ತರಾಯಣ, ವಸಂತ ಋತು, ಮೇಷ ಮಾಸ, ಮಹಾನಕ್ಷತ್ರ : ಭರಣೀ, ಮಾಸ : ವೈಶಾಖ, ಪಕ್ಷ : ಕೃಷ್ಣ, ವಾರ : ಭಾನು, ತಿಥಿ : ದ್ವಿತೀಯಾ, ನಿತ್ಯನಕ್ಷತ್ರ : ಅನುರಾಧಾ, ಯೋಗ : ವರಿಯಾನ್, ಕರಣ : ಕೌಲವ, ಸೂರ್ಯೋದಯ ಬೆಳಗ್ಗೆ 06 ಗಂಟೆ 08 ನಿಮಿಷಕ್ಕೆ, ಸೂರ್ಯಾಸ್ತ ಸಂಜೆ 06 ಗಂಟೆ 49 ನಿಮಿಷಕ್ಕೆ, ರಾಹು ಕಾಲ 05:14 ರಿಂದ 06:49ರ ವರೆಗೆ, ಯಮಘಂಡ ಕಾಲ 12:29 ರಿಂದ 02:04ರ ವರೆಗೆ, ಗುಳಿಕ ಕಾಲ 03:39 ರಿಂದ 05:14ರವರೆಗೆ.

ಮೇಷ: ಎಲ್ಲಿಗಾದರೂ ಸ್ವತಂತ್ರವಾಗಿ ಹೋಗಲು ಇಚ್ಛಿಸುವಿರಿ. ಅಧ್ಯಾತ್ಮಿಕ ವಿಚಾರವನ್ನು ನೀವು ಚರ್ಚಿಸುವಿರಿ. ಪುಣ್ಯಸ್ಥಳಗಳಿಗೆ ನೀವು ಹೋಗುವಿರಿ.‌ ಸ್ನೇಹಿತರ ಸಹವಾಸದಿಂದ ನೀವು ಬದಲಾಗಬಹುದು. ನಿಮ್ಮ ನಡವಳಿಕೆಯಲ್ಲಿ ಬಹಳ ವ್ಯತ್ಯಾಸವನ್ನು ನಿಮ್ಮವರು ಗಮನಿಸುವರು. ಖರೀದಿಸಿದ ವಸ್ತುವು ರಿಪೈರ್ ಗೆ ಬರಬಹುದು. ಹಿರಿಯರಿಗೆ ಗೌರವವನ್ನು ಕೊಡುವಿರಿ. ಅವರ ಆಶೀರ್ವಾದವು ಸಿಗಲಿದೆ. ಗೃಹನಿರ್ಮಾಣವು ಪೂರ್ಣಗೊಳ್ಳಲಿದೆ. ಇಂದಿನ ಕೆಲಸವು ಆಲಸ್ಯದಿಂದ ನಿಧಾನವಾಗಲಿದೆ. ಆದರೂ ಸಮಯವು ವ್ಯರ್ಥವಾಗುತ್ತಿದೆ ಎಂದು ಅನಿಸಬಹುದು.

ವೃಷಭ: ಬಾಂಧವ್ಯವನ್ನು ಉಳಿಸಿಕೊಳ್ಳಲು ನೀವು ಬಹಳ ಪ್ರಯತ್ನವನ್ನು ಮಾಡುವಿರಿ. ಎಲ್ಲರೂ ನಿಮಗೆ ಸಹಕರಿಸುವರು ಎಂಬ ಭ್ರಮೆಯನ್ನು ಬಿಡಿ. ಹೊಸ ಉದ್ಯೋಗದಲ್ಲಿ ನಿಮಗೆ ಉತ್ಸಾಹವು ಅಧಿಕವಾಗಿರಲಿದೆ. ಸಣ್ಣ ಪುಟ್ಟ ಸಮಸ್ಯೆಗಳನ್ನು ಲೆಕ್ಕಕ್ಕೆ ತೆಗೆದುಕೊಳ್ಳದೇ ಕೆಲಸ ಮಾಡುವಿರಿ. ಆತ್ಮವಿಶ್ವಾಸದ ಕೊರತೆ ಹೆಚ್ಚು ಕಾಣಬಹುದು. ನಿಮ್ಮನ್ನು ನಂಬಿದವರನ್ನು ನೀವು ಕೈ ಬಿಡಲಾರಿರಿ. ಎಲ್ಲದಕ್ಕೂ ಕಾರಣವನ್ನು ಅನ್ವೇಷಿಸುವಿರಿ. ಪರರ‌ ದುಃಖದಲ್ಲಿ ನೀವು ಭಾಗಿಯಾಗುವಿರಿ. ಕುಟುಂಬದಲ್ಲಿ ನಿಮ್ಮ ಸ್ಥಾನದ ಬಗ್ಗೆ ಗೊತ್ತಾಗುವುದು.

ಮಿಥುನ: ಸಂಗಾತಿಯ ಮೇಲೆ ವಿರಸಭಾವವು ಉಂಟಾಗಬಹುದು. ಸ್ತ್ರೀಯರು ನಿಮಗೆ ಸಹಾಯವನ್ನು ಮಾಡುವರು. ನಿಮ್ಮ ಬಲದ ಬಗ್ಗೆ ಇತರರಿಗೆ ತಿಳಿಯಲಿದೆ. ಅಲಂಕಾರಕ್ಕೆ ಹೆಚ್ಚು ಮಹತ್ತ್ವವನ್ನು ಕೊಡಬಹುದು. ಹಣ ಹೂಡಿಕೆಯನ್ನು ನೀವು ನಿಧಾನವಾಗಿ ಮಾಡುವಿರಿ. ಪ್ರಚಾರವನ್ನು ಇಷ್ಟಪಡುವಿರಿ. ನಿಮ್ಮ ಬಗ್ಗೆ ನೀವೆ ಪ್ರಶಂಸೆ ಮಾಡಿಕೊಳ್ಳುವ ಸ್ಥಿತಿಯನ್ನು ತಂದುಕೊಳ್ಳಬಹುದು. ಕೆಟ್ಟ ಕೆಲಸವನ್ನು ಮಾಡಲು ಹಿಂಜರಿಯುವಿರಿ. ಮಕ್ಕಳ ಜೊತೆ ಸಂತೋಷದಿಂದ ಕಾಲಕಳೆಯುವಿರಿ. ನಿಮ್ಮವರನ್ನು ಕಾಳಜಿ ಮಾಡುವಿರಿ.

ಕಟಕ: ಕುಟುಂಬದ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿ ಹಾಗೂ ಕುತೂಹಲವಿರಬಹುದು. ಅನಗತ್ಯ ಖರ್ಚನ್ನು ಕಡಿಮೆ ಮಾಡಿ. ದುಂದುವೆಚ್ಚವು ನಿಮಗೆ ತೊಂದರೆಯಾದೀತು. ವ್ಯಾಪಾರದಲ್ಲಿ ಕೊಡು ಕೊಳ್ಳುವುದು ಸರಿಯಾಗುವಂತೆ ನೋಡಿಕೊಳ್ಳಿ. ಮೋಸವಾಗುವ ಸಾಧ್ಯತೆ ಇದೆ. ಎಲ್ಲವನ್ನೂ ಇನ್ನೊಬ್ಬರ ತಲೆಗೆ ಹೇರಿ ನೀವು ನಿಶ್ಚಿಂತರಾಗುವಿರಿ. ಸಮಾನಶೀಲರನ್ನು ನೀವು ಸ್ನೇಹ ಮಾಡಿಕೊಳ್ಳಲು ಬಯಸುವುದಿಲ್ಲ. ಯಂತ್ರೋಪಕರಣದ ಮಾರಾಟದಿಂದ ನಿಮಗೆ ಅಲ್ಪ ಲಾಭವಾಗಬುಹುದು. ಉತ್ತಮ ಭೋಜನವನ್ನು ಸಂಗಾತಿಯ ಜೊತೆ ಮಾಡುವಿರಿ.

ಸಿಂಹ: ನಿಮ್ಮ ವಸ್ತುಗಳ ಬಗ್ಗೆ ಕಾವಲು ಇರಲಿ. ಕಳೆದುಹೋಗುವ ಸಾಧ್ಯತೆ ಇದೆ. ಧಾರ್ಮಿಕ ಕಾರ್ಯಗಳಲ್ಲಿ ತೊಡಗಿಕೊಳ್ಳಬಹುದು. ಹಳೆಯ ಖಾಯಿಲೆಗಳು ಪುನಃ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಏಕಾಂತವನ್ನು ನೀವು ಇಂದು ಬಯಸಬಹುದು. ಬಹಳ ವರ್ಷದ ಸ್ನೇಹಿತರು ದೂರಾಗಬಹುದು. ಎಲ್ಲದನ್ನೂ ಎದುರಿಸುತ್ತೇನೆ ಎಂಬ ಹುಂಬು ಧೈರ್ಯ ಬೇಡ. ನಿಮ್ಮ ಪ್ರಸ್ತುತಿಯ ಬಗ್ಗೆ ಜನರು ಆಡಿಕೊಂಡಾರು. ಕಛೇರಿಯಲ್ಲಿ ನಿಮ್ಮ ಬಗ್ಗೆ ಮಿಶ್ರ ಅಭಿಪ್ರಾಯವು ಬರಬಹುದು. ಕಳೆದ ದಿ‌ಗಳನ್ನು ನೆನೆದುಕೊಂಡು ಖಷಿ ಪಡುವಿರಿ. ಹೊಟ್ಟೆಯ ಭಾಗದಲ್ಲಿ ನೋವು ಕಾಣಿಸೀತು.

ಕನ್ಯಾ: ಆಸ್ತಿಯ ಖರೀದಿಯಲ್ಲಿ ಹೆಚ್ಚು ಆಸಕ್ತಿ ಬರಬಹುದು. ಹೊಸ ಯೋಜನೆಯನ್ನು ತಲೆಯಿಂದ ತೆಗದು ಹಾಕಿ. ನಿಮ್ಮ ಬಗ್ಗೆ ಆಡುಕೊಳ್ಳುವವರ ಸಂಖ್ಯೆ ಹೆಚ್ಚಾದೀತು. ಮನಸ್ಸು ಅಸಮತೋಲನದಿಂದ ಇರಬಹುದು. ಭವಿಷ್ಯವನ್ನು ಕಟ್ಟಿಕೊಳ್ಳುವಲ್ಲಿ ನೀವು ಬಹಳ ಶ್ರಮವಹಿಸಬೇಕಾದೀತು. ನಿಮ್ಮ ಉತ್ಸಾಹವನ್ನು ಅನಾರೋಗ್ಯವು ಕುಗ್ಗಿಸಬಹುದು. ಎಲ್ಲರೊಡನೆ ಆತ್ಮೀಯತೆಯನ್ನು ಇಟ್ಟುಕೊಳ್ಳಬಹುದು. ಸಾಕಷ್ಟು ಹಣವು ವ್ಯಯವಾದರೂ ಕಾರ್ಯವು ಮಾತ್ರ ಹಾಗೆಯೇ ಉಳಿದಿರಬಹುದು. ಆರೋಗ್ಯವನ್ನು ಗಮನಸಿಕೊಳ್ಳುವುದು ಉತ್ತಮ.

ತುಲಾ: ಸಮಯವನ್ನು ಸದಪಯೋಗ ಮಾಡಿಕೊಳ್ಳಲು ಬಯಸುವಿರಿ. ಕುಟುಂಬದ ಜೊತೆ ಹೆಚ್ಚು ಸಮಯವನ್ನು ಕಳೆಯಬಹುದು. ಸಂಗಾತಿಯ ಪ್ರಿಯವಾದ ಉಡುಗೊರೆಯನ್ನು ಕೊಡಬಹುದು. ಉದ್ಯೋಗದ ಸ್ಥಳದಲ್ಲಿ ಪ್ರೇಮವು ಆರಂಭವಾಗಬಹುದು. ಸ್ವಂತ ಕೆಲಸಗಳಿಗೆ ಇನ್ನೊಬ್ಬರನ್ನು ಆಶ್ರಯಿಸಲು ಇಷ್ಟಪಡುವುದಿಲ್ಲ. ಅಕಸ್ಮಾತ್ ತಿರುವುಗಳು ನಿಮಗೆ ಅನುಕೂಲವನ್ನು‌ ಮಾಡಲಿವೆ. ಕುತೂಹಲಕಾರಿ ವಿಷಯವನ್ನು ತಿಳಿಯಲು ಹೆಚ್ಚು ಉತ್ಸುಕರಾಗುವಿರಿ. ನಗರಗಳಲ್ಲಿ ಸಂಚಾರ ಮಾಡಲು ಇಷ್ಟಪಡುವಿರಿ.

ವೃಶ್ಚಿಕ: ನಿಮಗಿಂದು ಉದ್ಯೋಗದಲ್ಲಿ ಸ್ಥಾನದ ಬಗ್ಗೆ ಚಿಂತೆ ಕಾಡಬಹುದು. ಕೆಲಸದಿಂದ ತೆಗೆಯುವ ಆತಂಕವೂ ಇರಲಿದೆ. ಸಾಲದ‌ಚಿಂತೆಯೂ ಇದರಿಂದ ಅಧಿಕವಾದೀತು. ಅನಿರೀಕ್ಷಿತವಾಗಿ ಯಾವುದೂ ನಡೆಯದು. ಎಲ್ಲವೂ ನೀವು ಕಲ್ಪಿಸಿಕೊಂಡಂತೆ ಆಗಬಹುದು. ಸ್ನೇಹಿತರ ಭೇಟಿಯು ನಿಮಗೆ ಸಂತೋಷವನ್ನು ತಂದೀತು. ಸ್ವಂತ ವ್ಯಾಪಾರವು ನಿಮ್ಮ ಶ್ರಮವನ್ನು ಹೆಚ್ಚು ಮಾಡಬಹುದು. ಬೇರೆಯವರ ಬಗ್ಗೆ ಅಸೂಯೆಯು ಬರಬಹುದು. ಅಸ್ಪಷ್ಟವಾದ ನಿಮ್ಮ ಯೋಜನೆಗಳಿಗೆ ಸರಿಯಾದ ರೂಪವನ್ನು ಕೊಡುವಿರಿ. ದಾಂಪತ್ಯದಲ್ಲಿ ಪರಸ್ಪರ ಭಾವ ವಿನಿಮಯದ ಕೊರತೆಯಿಂದ ಬಾಂಧವ್ಯವು ಸೊರಗಬಹುದು.

ಧನು: ನಿಮ್ಮ ಮಕ್ಕಳು ವಿದ್ಯಾಭ್ಯಾಸದಲ್ಲಿ ಆಸಕ್ತರಾಗಿದ್ದರೆ ಅದನ್ನು ತಪ್ಪಿಸುವ ಕೆಲಸ ಮಾಡಬೇಡಿ. ನಿಮ್ಮ ಸ್ಥಿತಿಯಂತೆ ಎಲ್ಲರ ಸ್ಥಿತಿಯೂ ಆಗಿದೆ ಎಂದುಕೊಳ್ಳಬೇಡಿ. ಅವರವರ ಜೀವನವು ಅವರದ್ದಾಗಿರುತ್ತದೆ. ನಿಮಗೆ ಗೌರವ ಸಿಗದೆ ಕಡೆ ಸುಮ್ಮನೇ ಹೋಗಬೇಡಿ. ದಾಂಪತ್ಯದಲ್ಲಿ ಹೆಚ್ಚಿನ ಸುಖವನ್ನು ನೀವು ಪಡೆಯಬಹುದಾಗಿದೆ. ಆಸ್ತಿಯ ವಿಚಾರದಲ್ಲಿ ಸ್ವಲ್ಪ ಗೊಂದಲವಿರಲಿದ್ದು ಅದನ್ನು ಕುಳಿತು ಮಾತನಾಡುವುದಕ್ಕಿಂತ ಸರಿಯಾದ ಲೆಕ್ಕಾಚಾರ ಮಾಡಿಕೊಳ್ಳುವುದು ಉತ್ತಮ. ನಿಮ್ಮನ್ನು ಕೆರಳಿಸುವ ಮಾತುಗಳು ಕೇಳಿಬರಬಹುದು. ತಾಳ್ಮೆಯಿಂದ ಇರುವುದು ಉತ್ತಮ.

ಮಕರ: ಅತಿಯಾದ ಅಸತ್ಮವಿಶ್ವಾಸವೂ ಅಹಂಕಾರದಂತೆ ತೋರಬಹುದು. ಗೆಳೆತನದಲ್ಲಿ ಬಹಳ ಚುರುಕಿದ್ದರೂ ಕೆಲವು ಸಂದರ್ಭಗಳಿಗೆ ಬಳಕೆಗೆ ಬಾರದು. ಅಲ್ಪ ಕಾಲದ ಆನಂದಕ್ಕೆ ಹೆಚ್ಚು ಮೊತ್ತವನ್ನು ಕೊಡಬೇಕಾದೀತು. ಇಂದು ಮುಕ್ತಾಯವಾಗದಷ್ಟು ಕೆಲಸ, ಕಾರ್ಯಗಳು ಇಂದು ಇರಲಿವೆ. ದೂರ ಪ್ರಯಾಣವನ್ನು ಕೈ ಬಿಡುವುದು ಉತ್ತಮ. ಕೆಲಸದಲ್ಲಿ ತನ್ಮಯತೆಯ ಕೊರತೆ ಇರಲಿದೆ. ಬಹಳ ಪ್ರಯತ್ನದ ಫಲವಾಗಿ ಸಂಪಾದಿಸಬೇಕಿದೆ. ದೈವಾನುಕೂಲವು ಅಷ್ಟಾಗಿ ಇಲ್ಲದ ಕಾರಣ ಕೆಲಸವನ್ನು ನಿಮ್ಮದೇ ಜಾಗರೂಕತೆಯಿಂದ ಮಾಡುವುದು ಉತ್ತಮ.

ಕುಂಭ: ನೀವು ಇಂದು ನಿಶ್ಚಿಂತೆಯಿಂದ ಇರಬೇಕು ಎಂದು ಅನ್ನಿಸಿದರೂ ಕೆಲಸಗಳು ಒಂದಾದಮೇಲೆ ಒಂದರಂತೆ ಬರಬಹುದು. ವಿದ್ಯಾರ್ಥಿಗಳು ಆಲಸ್ಯದಿಂದ ಆಟದಲ್ಲಿ ಮಗ್ನರಾಗುವರು. ವ್ಯಾಪಾರದ ನಷ್ಟವನ್ನು ತೂಗಲು ಹೊಸ ತಂತ್ರವನ್ನು ರೂಪಿಸಬಹುದು. ಗಂಭಿರವಾದ ನಿಮ್ಮ ವರ್ತನೆಯು ನಿಮ್ಮವರಲ್ಲಿ ಆತಂಕವನ್ನು ತರಿಸಬಹುದು. ಬರುವ ಸಣ್ಣ ಪುಟ್ಟ ಸಮಸ್ಯೆಗಳನ್ನು ಎದುರಿಸಲು ನೀವು ಸಮರ್ಥರಿದ್ದೀರಿ. ಬಂಧುಗಳ ಮನೆಯಲ್ಲಿ ನೀವು ವಾಸಮಾಡಬಹುದು. ನಕರಾತ್ಮಕ ಅಂಶಗಳನ್ನು ಗುರುತಿಸುವ ದೃಷ್ಟಿಯು ಕಡಿಮೆಯಾಗಬಹುದು. ನಿಮ್ಮ ಕಲ್ಪನೆಗಳು ಅರ್ಧ ಸರಿಯಾಗಬಹುದು.

ಮೀನ: ಇಂದು ನಿಮ್ಮದೇ ಆದ ಕಾರ್ಯಗಳು ಇರಲಿವೆ. ಬೇರೆಯವರಿಗೆ ಸಮಯವನ್ನು ಕೊಡುವುದು ಕಷ್ಟವಾದೀತು. ಮನೆಯಲ್ಲಿ ಎಲ್ಲರ ಜೊತೆ ಸಂತೋಷದಿಂದ ಇರುವಿರಿ. ಯಾರನ್ನೂ ಅವಲಂಬಿಸಬಾರದು ಎಂಬ ಸತ್ಯವು ನಿಮಗೆ ತಿಖಿಯಬಹುದು. ದೇವರ ಮೇಲೆ ಶ್ರದ್ಧೆ, ಭಕ್ತಿಗಳು ಕಡಿಮೆಯಾದೀತು. ಹೆಚ್ಚಿನ ಸಮಯವನ್ನು ವಿಶ್ರಾಂತಿಗೆ ಇಡುವಿರಿ. ಅಂದುಕೊಂಡ ಕೆಲಸಗಳು ಅಪೂರ್ಣವಾದಾವು. ನಿಮ್ಮ ಆಯ್ಕೆ ಸರಿಯಿದೆ ಎಂದು ಕಾಲಾನಂತರದಲ್ಲಿ ನಿಮ್ಮ ಅನುಭವಕ್ಕೆ ಬರಬಹುದು. ದುಃಸ್ವಪ್ನಗಳು ಬೀಳಬಹುದು. ಸ್ವಲ್ಪ ಭಯಗೊಳ್ಳುವಿರಿ.

ಲೋಹಿತಶರ್ಮಾ 8762924271 (what’s app only)