ಅಕ್ಟೋಬರ್ ಮಾಸ ಭವಿಷ್ಯ: ಅಕ್ಟೋಬರ್‌ನಲ್ಲಿ ನಿಮ್ಮ ರಾಶಿಗಿರುವ ಅದೃಷ್ಟ ಹಾಗೂ ಸವಾಲುಗಳೇನು? ಇಲ್ಲಿದೆ ಸಂಪೂರ್ಣ ವಿವರ

​ಅಕ್ಟೋಬರ್ ತಿಂಗಳಲ್ಲಿ ಸೂರ್ಯನು ನೀಚನಾಗಿ ಶುಕ್ರ ಹಾಗೂ ಬುಧರ ಜೊತೆ ಇರುವನು. ಗುರುವೂ ಸಿಂಹದಲ್ಲಿ ಸ್ಥಿತನಾಗಿ ಕೇತುವಿನ ಜೊತೆ ಇರುವನು. ಶುಕ್ರ ಸ್ವಕ್ಷೇತ್ರದ ಸ್ಥಿತಿಯಿಂದ ಸುಖಭೋಗದಲ್ಲಿ ಆಸಕ್ತಿ ಹಾಗೂ ಅನುಭವಿಸುವಿಕೆ ಇರಲಿದೆ. ಇದು ಒಳ್ಳೆಯ ಮಾಸವಾಗಿ ಎಲ್ಲರಿಗೂ ಸಂತೋಷವನ್ನೂ ತಂದುಕೊಡಲಿ.

ಮೇಷ ರಾಶಿ:
ಈ ತಿಂಗಳು ಮೇಷ ರಾಶಿಯವರಿಗೆ ಚುರುಕು ಮತ್ತು ಹೊಸ ನಿರ್ಧಾರಗಳ ಕಾಲ. ಉದ್ಯೋಗದಲ್ಲಿ ಬದಲಾವಣೆಯ ಅವಕಾಶ ಎದುರಾಗಬಹುದು. ಹಣಕಾಸಿನಲ್ಲಿ ಆದಾಯದ ಜೊತೆಗೆ ಅನಿರೀಕ್ಷಿತ ಖರ್ಚುಗಳೂ ಕಾಣಿಸಿಕೊಳ್ಳಬಹುದು. ಕುಟುಂಬದವರ ಮಾತಿಗೆ ಮೌಲ್ಯ ನೀಡಿದರೆ ಮನಸ್ತಾಪಗಳು ದೂರವಾಗುತ್ತವೆ. ಪ್ರೇಮದಲ್ಲಿ ಹಳೆಯ ಅಸಮಾಧಾನ ಕರಗುವ ಸಾಧ್ಯತೆ ಇದೆ.

ವೃಷಭ ರಾಶಿ:
ನಿಧಾನವಾಗಿ ಸಾಗಿದರೂ ಫಲಪ್ರದವಾದ ತಿಂಗಳು. ವೃತ್ತಿಯಲ್ಲಿ ನಿಮ್ಮ ಪರಿಶ್ರಮ ಗಮನ ಸೆಳೆಯುತ್ತದೆ. ಬಹುಕಾಲದಿಂದ ಬಾಕಿಯಿದ್ದ ಹಣ ಕೈ ಸೇರುವ ಸಾಧ್ಯತೆ ಇದೆ. ಆಸ್ತಿ ಅಥವಾ ಮನೆಗೆ ಸಂಬಂಧಿಸಿದ ಚರ್ಚೆಗಳು ಮುಂದುವರಿಯಬಹುದು. ಬಂಧುಗಳ ಸಹಕಾರ ದೊರೆಯುತ್ತದೆ. ಆತುರದ ಹೂಡಿಕೆಗೆ ಬದಲಾಗಿ ವಿಚಾರಪೂರ್ವಕ ನಿರ್ಧಾರ ಅಗತ್ಯ.

ಮಿಥುನ ರಾಶಿ:
ಮಾತಿನ ಮೂಲಕ ಅವಕಾಶಗಳನ್ನು ಪಡೆಯುವ ಸಮಯ. ಹೊಸ ಪರಿಚಯಗಳು ಉದ್ಯೋಗ ಅಥವಾ ವ್ಯವಹಾರದಲ್ಲಿ ದಾರಿ ತೆರೆದುಕೊಡಬಹುದು. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಹೆಚ್ಚಾಗುತ್ತದೆ. ದೂರದ ಪ್ರಯಾಣದ ಯೋಗವೂ ಕಾಣಬಹುದು. ಆದರೆ ಒಂದೇ ಸಮಯದಲ್ಲಿ ಹಲವು ಕೆಲಸಗಳನ್ನು ಹಿಡಿದುಕೊಳ್ಳುವುದರಿಂದ ಒತ್ತಡ ಹೆಚ್ಚದಂತೆ ನೋಡಿಕೊಳ್ಳಬೇಕು.

ಕರ್ಕಾಟಕ ರಾಶಿ:
ಕುಟುಂಬ ಮತ್ತು ವೈಯಕ್ತಿಕ ಜೀವನವೇ ಈ ತಿಂಗಳ ಪ್ರಮುಖ ಕ್ಷೇತ್ರ. ಮನೆಯಲ್ಲೊಂದು ಶುಭಸಂದರ್ಭ ಮೂಡುವ ಸಾಧ್ಯತೆ ಇದೆ. ಉದ್ಯೋಗದಲ್ಲಿ ಜವಾಬ್ದಾರಿ ಹೆಚ್ಚಾದರೂ ಅದರಿಂದ ನಿಮ್ಮ ಸ್ಥಾನಮಾನ ಬಲವಾಗಬಹುದು. ಖರ್ಚುಗಳು ಹೆಚ್ಚಾಗಬಹುದು; ಆದರೂ ಅಗತ್ಯ ಕಾರ್ಯಗಳಿಗೆ ಹಣದ ಕೊರತೆ ಉಂಟಾಗುವುದಿಲ್ಲ. ಭಾವನಾತ್ಮಕ ನಿರ್ಧಾರಗಳಲ್ಲಿ ಎಚ್ಚರ ಇರಲಿ.

ಸಿಂಹ ರಾಶಿ:
ನಿಮ್ಮ ಪ್ರತಿಭೆ ಹೊರಹೊಮ್ಮುವ ತಿಂಗಳು. ಅಧಿಕಾರಿಗಳಿಂದ ಮೆಚ್ಚುಗೆ ಅಥವಾ ಹೊಸ ಹೊಣೆಗಾರಿಕೆ ದೊರೆಯಬಹುದು. ವ್ಯಾಪಾರಿಗಳಿಗೆ ಹೊಸ ಗ್ರಾಹಕರು ಸಿಗುವ ಸಾಧ್ಯತೆ ಇದೆ. ಸ್ನೇಹಿತರ ಮೂಲಕ ಮಹತ್ವದ ಅವಕಾಶವೊಂದು ಬರಬಹುದು. ಪ್ರೇಮಜೀವನದಲ್ಲಿ ಸ್ಪಷ್ಟತೆ ಮೂಡುತ್ತದೆ. ಆದರೆ ಅಹಂಕಾರಕ್ಕಿಂತ ಹೊಂದಾಣಿಕೆಗೆ ಆದ್ಯತೆ ನೀಡುವುದು ಒಳಿತು.

ಕನ್ಯಾ ರಾಶಿ:
ಯೋಜನೆ ರೂಪಿಸಿ ಮುನ್ನಡೆಯುವವರಿಗೆ ಉತ್ತಮ ಫಲ. ಉದ್ಯೋಗ ಬದಲಾವಣೆ ಬಯಸುವವರಿಗೆ ಪ್ರಯತ್ನ ಫಲ ನೀಡಬಹುದು. ಹಣಕಾಸಿನಲ್ಲಿ ಸಣ್ಣ ಸಣ್ಣ ಉಳಿತಾಯಗಳು ಮುಂದೆ ದೊಡ್ಡ ನೆರವಾಗುತ್ತವೆ. ಆರೋಗ್ಯದ ಕಡೆ ನಿರ್ಲಕ್ಷ್ಯ ಬೇಡ. ಕುಟುಂಬದಲ್ಲಿ ನಿಮ್ಮ ಸಲಹೆಗೆ ಗೌರವ ಸಿಗುತ್ತದೆ. ಹಳೆಯ ಸಮಸ್ಯೆಯೊಂದಕ್ಕೆ ಪರಿಹಾರ ದೊರೆಯುವ ಸೂಚನೆ ಇದೆ.

ತುಲಾ ರಾಶಿ:
ಸಂಬಂಧಗಳ ದೃಷ್ಟಿಯಿಂದ ಮಹತ್ವದ ತಿಂಗಳು. ಹೊಸ ಸ್ನೇಹವು ಗಾಢ ಬಾಂಧವ್ಯಕ್ಕೆ ತಿರುಗಬಹುದು. ದಾಂಪತ್ಯದಲ್ಲಿ ಪರಸ್ಪರ ಅರ್ಥಮಾಡಿಕೊಳ್ಳುವಿಕೆ ಹೆಚ್ಚುತ್ತದೆ. ವೃತ್ತಿಯಲ್ಲಿ ಸ್ಪರ್ಧೆ ಇದ್ದರೂ ನಿಮ್ಮ ಸೌಮ್ಯ ನಡೆ ನಿಮಗೆ ಅನುಕೂಲವಾಗುತ್ತದೆ. ಸೌಂದರ್ಯ, ಕಲೆ, ವ್ಯಾಪಾರ ಕ್ಷೇತ್ರದಲ್ಲಿರುವವರಿಗೆ ವಿಶೇಷ ಚಲನೆ ಕಂಡುಬರಬಹುದು.

ವೃಶ್ಚಿಕ ರಾಶಿ:
ಒಳಗಿನ ಶಕ್ತಿಯನ್ನು ಹೊರತರುವ ಕಾಲ. ಬಹುಕಾಲದಿಂದ ಮುಂದೂಡುತ್ತಿದ್ದ ಕೆಲಸವೊಂದು ವೇಗ ಪಡೆಯಬಹುದು. ಶತ್ರುಗಳ ಮಾತಿಗೆ ಹೆಚ್ಚು ಮಹತ್ವ ನೀಡದೆ ನಿಮ್ಮ ಕಾರ್ಯದ ಮೇಲೆ ಗಮನ ಹರಿಸುವುದು ಒಳಿತು. ಹಣಕಾಸಿನಲ್ಲಿ ನಿಧಾನವಾದ ಸುಧಾರಣೆ ಕಂಡುಬರುತ್ತದೆ. ರಹಸ್ಯವಾಗಿಟ್ಟಿದ್ದ ಯೋಜನೆಯೊಂದು ಕಾರ್ಯರೂಪಕ್ಕೆ ಬರುವ ಸಾಧ್ಯತೆ ಇದೆ.

ಧನು ರಾಶಿ:
ಪ್ರಯಾಣ, ಜ್ಞಾನ ಮತ್ತು ಹೊಸ ಅನುಭವಗಳು ತಿಂಗಳ ಮುಖ್ಯ ವಿಷಯವಾಗಬಹುದು. ದೂರದ ಸ್ಥಳದಿಂದ ಶುಭಸುದ್ದಿ ಬರಬಹುದು. ಉದ್ಯೋಗದಲ್ಲಿ ಹೊಸ ಜವಾಬ್ದಾರಿ ಅಥವಾ ತರಬೇತಿಯ ಅವಕಾಶ ದೊರೆಯಬಹುದು. ವಿದ್ಯಾರ್ಥಿಗಳಿಗೆ ಉತ್ತಮ ಪ್ರಗತಿ. ಕುಟುಂಬದಲ್ಲಿ ಹಿರಿಯರ ಆಶೀರ್ವಾದ ದೊರೆಯುತ್ತದೆ. ಆದರೆ ಅತಿಯಾದ ಆತ್ಮವಿಶ್ವಾಸದಿಂದ ನಿರ್ಧಾರ ಕೈಗೊಳ್ಳಬೇಡಿ.

ಮಕರ ರಾಶಿ:
ಪರಿಶ್ರಮಕ್ಕೆ ಪ್ರತಿಫಲ ಸಿಗುವ ಸಮಯ. ವೃತ್ತಿಯಲ್ಲಿ ಸ್ಥಿರತೆ ಹೆಚ್ಚಾಗುತ್ತದೆ. ಮೇಲಧಿಕಾರಿಗಳ ಗಮನ ನಿಮ್ಮ ಕಾರ್ಯಕ್ಷಮತೆಯತ್ತ ಸೆಳೆಯಬಹುದು. ಸಾಲ ಅಥವಾ ಹಣಕಾಸಿನ ಒತ್ತಡವಿದ್ದರೆ ಹಂತ ಹಂತವಾಗಿ ಪರಿಹಾರದ ದಾರಿ ಕಾಣಬಹುದು. ಮನೆಯ ವಿಷಯದಲ್ಲಿ ಮಹತ್ವದ ನಿರ್ಧಾರ ತೆಗೆದುಕೊಳ್ಳುವ ಸಂದರ್ಭ ಬರಬಹುದು.

ಕುಂಭ ರಾಶಿ:
ಹೊಸ ಆಲೋಚನೆಗಳು ನಿಮ್ಮನ್ನು ಮುನ್ನಡೆಸುತ್ತವೆ. ಉದ್ಯೋಗದಲ್ಲಿ ವಿಭಿನ್ನ ರೀತಿಯ ಕೆಲಸ ಮಾಡುವ ಅವಕಾಶ ಸಿಗಬಹುದು. ಸ್ನೇಹಿತರು ಅಥವಾ ಪರಿಚಿತರ ಮೂಲಕ ವ್ಯವಹಾರಿಕ ಸಂಪರ್ಕಗಳು ಹೆಚ್ಚಾಗುತ್ತವೆ. ಪ್ರೇಮದಲ್ಲಿ ಅನಿರೀಕ್ಷಿತ ತಿರುವು ಸಾಧ್ಯ. ಹಣ ಬಂದಂತೆ ಖರ್ಚು ಮಾಡುವ ಬದಲು ಮುಂದಿನ ದಿನಗಳಿಗಾಗಿ ಉಳಿಸುವುದು ಒಳಿತು.

ಮೀನ ರಾಶಿ :
ಆತ್ಮವಿಶ್ವಾಸ ಮತ್ತು ಆಂತರಿಕ ನೆಮ್ಮದಿ ಹೆಚ್ಚಿಸುವ ತಿಂಗಳು. ಕುಟುಂಬದ ಸಮಸ್ಯೆಯೊಂದು ಮಾತುಕತೆಯಿಂದ ಬಗೆಹರಿಯಬಹುದು. ಉದ್ಯೋಗದಲ್ಲಿ ನಿಧಾನಗತಿಯಿದ್ದರೂ ಪ್ರಗತಿಯ ನೆಲೆ ಗಟ್ಟಿಯಾಗುತ್ತದೆ. ಆಧ್ಯಾತ್ಮಿಕ ಚಿಂತನೆ, ದೇವತಾ ಆರಾಧನೆ ಅಥವಾ ಪುಣ್ಯಕ್ಷೇತ್ರದ ಭೇಟಿ ಮನಸ್ಸಿಗೆ ನೆಮ್ಮದಿ ನೀಡಬಹುದು. ಹೊಸ ಆಶಯವೊಂದು ಮುಂದಿನ ದಿನಗಳಿಗೆ ದಾರಿ ತೋರಿಸುತ್ತದೆ.

– ಲೋಹಿತ್ ಹೆಬ್ಬಾರ್
​

ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ