Kia Seltos X-Line: ನೂತನ ವೈಶಿಷ್ಟ್ಯಗಳೊಂದಿಗೆ ಕಿಯಾ ಸೆಲ್ಟೋಸ್ ಎಕ್ಸ್ ಲೈನ್ ಬಿಡುಗಡೆ
Kia Seltos X-Line: ಸೆಲ್ಟೋಸ್ ಒಂದು ಯಶಸ್ವಿ ಉತ್ಪನ್ನವಾಗಿದೆ ಮತ್ತು ಟಾಪ್-ಆಫ್-ಲೈನ್ ಎಕ್ಸ್ ಲೈನ್ ಟ್ರಿಮ್ ಅನ್ನು ಬಿಡುಗಡೆ ಮಾಡುವುದರೊಂದಿಗೆ, ನಾವು ಇನ್ನೊಂದು ಪ್ರೀಮಿಯಂ ಕಾರನ್ನು ಭಾರತೀಯರಿಗೆ ಪರಿಚಯಿಸುತ್ತಿದ್ದೇವೆ.
ನವ ದೆಹಲಿ. ಕಿಯಾ ಇಂಡಿಯಾ ತನ್ನ ಜನಪ್ರಿಯ ಎಸ್‌ಯುವಿ ಸೆಲ್ಟೋಸ್‌ನ ಹೊಸ ಕಾರನ್ನು ಪರಿಚಯಿಸಿದೆ. ಕೊರಿಯಾದ ಕಾರು ಕಂಪೆನಿಯಾಗಿರುವ ಕಿಯಾ ಬಿಡುಗಡೆ ಮಾಡಿರುವ ಹೊಸ ಕಾರಿಗೆ ಸೆಲ್ಟೋಸ್ ಎಕ್ಸ್ ಲೈನ್ ಎಂದು ಹೆಸರಿಡಲಾಗಿದ್ದು, ಈ ಹಿಂದಿನ ಸೆಲ್ಟೋಸ್ಗಿಂತ ಹೊಸ ಕಾರಿನಲ್ಲಿ ಹಲವು ಅಪ್ಗ್ರೇಡ್ಗಳನ್ನು ನೀಡಲಾಗಿದೆ.
ಸೆಲ್ಟೋಸ್ ಎಕ್ಸ್ ಲೈನ್ ಒಳಾಂಗಣ ವಿನ್ಯಾಸವು ಈ ಹಿಂದಿನ ಸೆಲ್ಟೋಸ್ನಲ್ಲಿ ಇರುವಂತೆಯೇ ಇದೆ. ಇದಾಗ್ಯೂ ಕಿಯಾ ಹೊಸ ಫಾಕ್ಸ್ ಲೆಥರ್ ಅಪ್‌ಹೋಲ್ಸ್ಟರಿಯೊಂದಿಗೆ ಡಾರ್ಕ್ ಥೀಮ್ ನೀಡಿದೆ. ಹಾಗೆಯೇ 10.25-ಇಂಚಿನ ಟಚ್‌ಸ್ಕ್ರೀನ್ ಡಿಸ್‌ಪ್ಲೇಯನ್ನು ನೀಡಿದ್ದು, ಇದು UVO ಸಂಪರ್ಕಿತ ಕಾರ್ ವ್ಯವಸ್ಥೆಯೊಂದಿಗೆ ಆಂಡ್ರಾಯ್ಡ್ ಆಟೋ ಮತ್ತು ಆ್ಯಪಲ್ ಕಾರ್‌ಪ್ಲೇ ಕಾರ್ಯ ನಿರ್ವಹಿಸಲಿದೆ. ಇನ್ನು ಎಸಿ, ವಾಯು ಶುದ್ಧೀಕರಣ ವ್ಯವಸ್ಥೆ, ಸನ್ ರೂಫ್ ಇದರಲ್ಲೂ ನೀಡಲಾಗಿದೆ.
ಎಂಜಿನ್: ಕಿಯಾ ಸೆಲ್ಟೋಸ್ ಎಕ್ಸ್-ಲೈನ್ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ. 1.4-ಲೀಟರ್ ಟರ್ಬೋ ಚಾರ್ಜ್ಡ್ ಪೆಟ್ರೋಲ್ ಎಂಜಿನ್ 138 ಬಿಎಚ್‌ಪಿ ಪವರ್ ಮತ್ತು 242 ಎನ್ಎಂ ಗರಿಷ್ಠ ಟಾರ್ಕ್ ಉತ್ಪಾದಿಸಿದರೆ, 1.5-ಲೀಟರ್ ಡೀಸೆಲ್ ಎಂಜಿನ್ 250 ಎನ್ಎಂ ಗರಿಷ್ಠ ಟಾರ್ಕ್ 113 ಬಿಎಚ್‌ಪಿ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಕಿಯಾ ಪೆಟ್ರೋಲ್ ಎಂಜಿನ್ ಘಟಕವನ್ನು 7-ಸ್ಪೀಡ್ ಡಿಸಿಟಿ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಜೋಡಿಸಿದೆ. ಹಾಗೆಯೇ ಡೀಸೆಲ್ ಮಾಡೆಲ್ನಲ್ಲಿ 6-ಸ್ಪೀಡ್ ಆಟೋಮ್ಯಾಟಿಕ್ ಟಾರ್ಕ್ ಘಟಕವನ್ನು ನೀಡಲಾಗಿದೆ.
ಬೆಲೆ: ಸೆಲ್ಟೋಸ್‌ನ ಪೆಟ್ರೋಲ್ ಎಕ್ಸ್ ಲೈನ್ 7 ಡಿಸಿಟಿ ಬೆಲೆ 17.79 ಲಕ್ಷ ರೂಪಾಯಿಗಳಾಗಿದ್ದು, ಡೀಸೆಲ್ ಎಕ್ಸ್ ಲೈನ್ 6 ಎಟಿ ರೂಪಾಂತರದ ಬೆಲೆ 18.10 ಲಕ್ಷ ರೂಪಾಯಿಗಳು.
ಸೆಲ್ಟೋಸ್ ಒಂದು ಯಶಸ್ವಿ ಉತ್ಪನ್ನವಾಗಿದೆ ಮತ್ತು ಟಾಪ್-ಆಫ್-ಲೈನ್ ಎಕ್ಸ್ ಲೈನ್ ಟ್ರಿಮ್ ಅನ್ನು ಬಿಡುಗಡೆ ಮಾಡುವುದರೊಂದಿಗೆ, ನಾವು ಇನ್ನೊಂದು ಪ್ರೀಮಿಯಂ ಕಾರನ್ನು ಭಾರತೀಯರಿಗೆ ಪರಿಚಯಿಸುತ್ತಿದ್ದೇವೆ ಎಂದು ಕಿಯಾ ಇಂಡಿಯಾದ ಕಾರ್ಯನಿರ್ವಾಹಕ ನಿರ್ದೇಶಕರು ಮತ್ತು ಮುಖ್ಯ ಮಾರಾಟ ಕಾರ್ಯತಂತ್ರದ ಅಧಿಕಾರಿ ಟೇ-ಜಿನ್ ಪಾರ್ಕ್ ತಿಳಿಸಿದ್ದಾರೆ.