ವನ್ಯಜೀವಿಗಳೊಂದಿಗೆ ಟಿಕ್-ಟಾಕ್ ವಿಡಿಯೋ ಮಾಡಲು ಹೋದ ಯುವಕ ಅಂದರ್!
ಬಾಗಲಕೋಟೆ: ನಮ್ಮ ಯುವಕರಿಗೆ ಸದಾ ತಮ್ಮ ಪ್ರತಿಭೆಯನ್ನು ಹೊರಹಾಕುವ ತವಕ, ಕಾತುರ. ಇದಕ್ಕೆ ಅನುಗುಣವಾಗಿ ಇಂದಿನ ಯುವಪೀಳಿಗೆಗೆ ತಮ್ಮ ಟ್ಯಾಲೆಂಟ್ ತೋರಿಸಲು ಸಿಕ್ಕಿರುವ ಬ್ರಹ್ಮಾಸ್ತ್ರ ಟಿಕ್-ಟಾಕ್. ಮನಸ್ಸಿಗೆ ತೋಚುವಂತೆ, ಜನರಿಗೆ ನಾಟುವಂಥ ಹತ್ತು ಹಲವಾರು ವಿಡಿಯೋಗಳನ್ನು ಮಾಡಿ ಫೇಮಸ್ ಆಗುವ ಆಸೆ. ಇಂಥದ್ದೇ ಆಸೆ ಹೊತ್ತ ಯುವಕ ವನ್ಯಜೀವಿಗಳೊಂದಿಗೆ ಟಿಕ್ ಟಾಕ್ವಿಡಿಯೋ ಮಾಡಲು ಹೋಗಿ ಎಡವಟ್ಟು ಮಾಡಿಕೊಂಡಿರುವ ಘಟನೆ ಬಾಗಲಕೋಟೆ ಜಿಲ್ಲೆಯ ಹುನಗುಂದ ತಾಲೂಕಿನ ಮಮದಾಪುರ ಗ್ರಾಮದಲ್ಲಿ ನಡೆದಿದೆ. ಮೊಲ ಮತ್ತು ನಮ್ಮ ರಾಷ್ಟ್ರಪಕ್ಷಿಯಾದ ನವಿಲಿನೊಂದಿಗೆ ಟಿಕ್ […]
Updated on: Jun 11, 2020 | 4:58 PM
ಬಾಗಲಕೋಟೆ: ನಮ್ಮ ಯುವಕರಿಗೆ ಸದಾ ತಮ್ಮ ಪ್ರತಿಭೆಯನ್ನು ಹೊರಹಾಕುವ ತವಕ, ಕಾತುರ. ಇದಕ್ಕೆ ಅನುಗುಣವಾಗಿ ಇಂದಿನ ಯುವಪೀಳಿಗೆಗೆ ತಮ್ಮ ಟ್ಯಾಲೆಂಟ್ ತೋರಿಸಲು ಸಿಕ್ಕಿರುವ ಬ್ರಹ್ಮಾಸ್ತ್ರ ಟಿಕ್-ಟಾಕ್. ಮನಸ್ಸಿಗೆ ತೋಚುವಂತೆ, ಜನರಿಗೆ ನಾಟುವಂಥ ಹತ್ತು ಹಲವಾರು ವಿಡಿಯೋಗಳನ್ನು ಮಾಡಿ ಫೇಮಸ್ ಆಗುವ ಆಸೆ. ಇಂಥದ್ದೇ ಆಸೆ ಹೊತ್ತ ಯುವಕ ವನ್ಯಜೀವಿಗಳೊಂದಿಗೆ ಟಿಕ್ ಟಾಕ್ವಿಡಿಯೋ ಮಾಡಲು ಹೋಗಿ ಎಡವಟ್ಟು ಮಾಡಿಕೊಂಡಿರುವ ಘಟನೆ ಬಾಗಲಕೋಟೆ ಜಿಲ್ಲೆಯ ಹುನಗುಂದ ತಾಲೂಕಿನ ಮಮದಾಪುರ ಗ್ರಾಮದಲ್ಲಿ ನಡೆದಿದೆ. 
ಮೊಲ ಮತ್ತು ನಮ್ಮ ರಾಷ್ಟ್ರಪಕ್ಷಿಯಾದ ನವಿಲಿನೊಂದಿಗೆ ಟಿಕ್ ಟಾಕ್ ಮಾಡಿದ ಮಮದಾಪುರ ಗ್ರಾಮದ ವಿಠ್ಠಲ ವಾಲಿಕಾರನ್ನು ಪೊಲೀಸರು ಬಂಧಿಸಿದ್ದಾರೆ. ವಿಠ್ಠಲ ವಾಲಿಕಾರ ಅಕ್ರಮವಾಗಿ ಕಾಡು ಮೊಲ ಹಾಗೂ ನವಿಲನ್ನ ಬೇಟೆಯಾಡಿ ನಂತರ ಅವುಗಳೊಂದಿಗೆ ವಿಡಿಯೊ ಮಾಡಿ ಟಿಕ್-ಟಾಕ್ನಲ್ಲಿ ಶೇರ್ ಮಾಡಿದ್ದ. ಇದನ್ನು ಗಮನಿಸಿದ ಪ್ರಾದೇಶಿಕ ವಲಯ ಅರಣ್ಯ ಇಲಾಖೆಯ ಅಧಿಕಾರಿಗಳ ಈತನ ವಿರುದ್ಧ ಕೇಸ್ ದಾಖಲಿಸಿದ್ದರು. ಸದ್ಯಕ್ಕೆ ಪೊಲೀಸರು ಯುವಕನನ್ನು ವನ್ಯಜೀವಿ ಸಂರಕ್ಷಣಾ ಕಾಯ್ದೆ1972ರ ಅಡಿ ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ನೀಡಿದ್ದಾರೆ.
