ಕರ್ನಾಟಕ ವಾಯು ಗುಣಮಟ್ಟ ವರದಿ: ಬೆಂಗಳೂರಿನಲ್ಲಿ ಮಧ್ಯಮ ಹಂತದಲ್ಲಿ ಗಾಳಿ ಮಾಲಿನ್ಯ, ಮಡಿಕೇರಿಯಲ್ಲಿ ಅತ್ಯಂತ ಶುದ್ಧ ಹವಾಮಾನ

ಬೆಂಗಳೂರು, ಅ.22: ರಾಜ್ಯದಲ್ಲಿ ಹಿಂಗಾರು ಮಳೆಯ ವಾತಾವರಣದ ನಡುವೆಯೂ ರಾಜಧಾನಿ ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಗಾಳಿಯ ಗುಣಮಟ್ಟ ಸ್ಥಿರವಾಗಿದೆ. ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ ಹಾಗೂ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ (KSPCB) ಇತ್ತೀಚಿನ ವರದಿಯ ಪ್ರಕಾರ, ಕರಾವಳಿ ಮತ್ತು ಮಲೆನಾಡು ಭಾಗಗಳಲ್ಲಿ ಉತ್ತಮ ವಾಯು ಗುಣಮಟ್ಟ ದಾಖಲಾಗಿದ್ದರೆ, ಕೈಗಾರಿಕಾ ಹಾಗೂ ನಗರೀಕೃತ ಪ್ರದೇಶಗಳಲ್ಲಿ ‘ಸಾಧಾರಣ’ದಿಂದ ‘ಮಧ್ಯಮ’ ಮಟ್ಟದ ವಾಯು ಮಾಲಿನ್ಯ ಕಂಡುಬಂದಿದೆ.

ರಾಜಧಾನಿ ಬೆಂಗಳೂರಿನ ಇಂದಿನ ಸರಾಸರಿ ವಾಯು ಗುಣಮಟ್ಟ ಸೂಚ್ಯಂಕ 68 (ಮಧ್ಯಮ) ಮಟ್ಟದಲ್ಲಿದೆ. ಗಾಳಿಯಲ್ಲಿ PM2.5 ಹಾಗೂ PM10 ಕಣಗಳ ಪ್ರಮಾಣ ಹೆಚ್ಚಾಗಿರುವುದು ಕಂಡುಬಂದಿದೆ. ವಾಹನಗಳ ದಟ್ಟಣೆ ಹಾಗೂ ರಸ್ತೆ ಕಾಮಗಾರಿಗಳು ಇದಕ್ಕೆ ಮುಖ್ಯ ಕಾರಣವಾಗಿದೆ. ಲ್ಕ್ ಬೋರ್ಡ್ ಜಂಕ್ಷನ್, ಪೀಣ್ಯ, ಮೈಸೂರು ರಸ್ತೆ ಮತ್ತು ಮೆಜೆಸ್ಟಿಕ್ ಭಾಗಗಳಲ್ಲಿ AQI 100-115 ಗಡಿ ದಾಟಿದ್ದು ‘ಸಾಧಾರಣ ಕಳಪೆ’ ಮಟ್ಟದಲ್ಲಿದೆ. ಆದರೆ ಜಯನಗರ, ಮಲ್ಲೇಶ್ವರಂ ಮತ್ತು ಸದಾಶಿವನಗರ ಭಾಗಗಳಲ್ಲಿ ವಾಯು ಗುಣಮಟ್ಟ ಉತ್ತಮವಾಗಿದೆ (AQI 50-70).

ರಾಜ್ಯದ ಇತರ ಪ್ರಮುಖ ನಗರಗಳ ವಾಯು ಗುಣಮಟ್ಟ:

ಉತ್ತಮ ವಾಯು ಪ್ರದೇಶಗಳು (Good Category: 0 – 50):

ಮಡಿಕೇರಿ / ಕೊಡಗು: 40 – 50 (ಪರಿಸರ ಸ್ನೇಹಿ & ಶುದ್ಧ ಗಾಳಿ)

ಮಂಗಳೂರು / ಉಡುಪಿ: 45 – 55 (ಕರಾವಳಿ ತೀರದ ಮಳೆಯಿಂದಾಗಿ ಮಾಲಿನ್ಯ ಮುಕ್ತ)

ಮಧ್ಯಮ ಮಟ್ಟದ ಪ್ರದೇಶಗಳು (Moderate Category: 51 – 100):

ಮೈಸೂರು: 58 (ಪ್ರವಾಸಿಗರ ಮತ್ತು ವಾಹನ ದಟ್ಟಣೆ ನಡುವೆಯೂ ನಿಯಂತ್ರಣದಲ್ಲಿದೆ)

ಶಿವಮೊಗ್ಗ & ಚಿಕ್ಕಮಗಳೂರು: 52 – 60

ಹುಬ್ಬಳ್ಳಿ – ಧಾರವಾಡ: 65

ಹೆಚ್ಚಿನ ಮಾಲಿನ್ಯ ಪ್ರದೇಶಗಳು (100 ಕ್ಕೂ ಹೆಚ್ಚು):

ಬಳ್ಳಾರಿ ಮತ್ತು ಕಲಬುರಗಿ: 105 – 120 (ಕೈಗಾರಿಕಾ ಪ್ರದೇಶಗಳು ಹಾಗೂ ಧೂಳಿನ ವಾತಾವರಣದಿಂದ ಕಳಪೆ ಮಟ್ಟ)

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಮೋಡಕವಿದ ವಾತಾವರಣ, ಸಾಂಸ್ಕೃತಿಕ ನಗರಿ ಮೈಸೂರು ಹಾಗೂ ಕರಾವಳಿಯಲ್ಲಿ ಮಳೆ ಹೆಚ್ಚಳ

ಆಸ್ತಮಾ, ಅಲರ್ಜಿ ಹಾಗೂ ಹೃದಯ ಸಂಬಂಧಿ ಸಮಸ್ಯೆ ಇರುವ ಹಿರಿಯ ನಾಗರಿಕರು ಮತ್ತು ಮಕ್ಕಳು ಬೆಳಗಿನ ಜಾವ ಅಥವಾ ತಡರಾತ್ರಿ ವಾಕಿಂಗ್ ಮಾಡುವಾಗ ಮಾಸ್ಕ್ ಧರಿಸಲು ಆರೋಗ್ಯ ಇಲಾಖೆ ಸಲಹೆ ನೀಡಿದೆ. ರಾಜ್ಯಾದ್ಯಂತ ಹಲವೆಡೆ ಬೀಳುತ್ತಿರುವ ಸಾಧಾರಣ ಮಳೆಯಿಂದಾಗಿ ಗಾಳಿಯಲ್ಲಿರುವ ಧೂಳಿನ ಕಣಗಳು ನೆಲಸಮವಾಗುತ್ತಿದ್ದು, ದೆಹಲಿ ಸೇರಿದಂತೆ ಉತ್ತರ ಭಾರತದ ನಗರಗಳಿಗೆ ಹೋಲಿಸಿದರೆ ಕರ್ನಾಟಕದಲ್ಲಿ ವಾಯು ಮಾಲಿನ್ಯ ಪರಿಸ್ಥಿತಿ ತೀರಾ ಹತೋಟಿಯಲ್ಲಿದೆ.

ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ