ಹೊಸ ವರ್ಷಕ್ಕೆ ಪ್ರಯಾಣಿಕರಿಗೆ BMTC ಗುಡ್ ನ್ಯೂಸ್: ಟಿಕೆಟ್​ ದರ ಇಳಿಕೆ

ಬೆಂಗಳೂರು: ಹೊಸ ವರ್ಷದ ಆರಂಭದಲ್ಲೇ BMTC ಪ್ರಯಾಣಿಕರಿಗೆ ಸಿಹಿ ಸುದ್ದಿ ನೀಡಿದೆ. ಐಷಾರಾಮಿ ಬಸ್ ಟಿಕೆಟ್ ಹಾಗೂ ಪಾಸ್ ದರವನ್ನು ಇಳಿಕೆ ಮಾಡುವ ನಿರ್ಧಾರಕ್ಕೆ ಬಂದಿದೆ.

ಹವಾ ನಿಯಂತ್ರಿತ ಸ್ಥಳಗಳಲ್ಲಿ ಕೊರೊನಾ ಸೋಂಕು ಹೆಚ್ಚು ವೇಗವಾಗಿ ಹರಡಲಿದೆ ಎನ್ನಲಾಗಿದೆ. ಈ ಕಾರಣಕ್ಕೆ ಆರಂಭದಲ್ಲಿ ಎಸಿ ಬಸ್​ಗಳ ಸಂಚಾರಕ್ಕೆ ರಾಜ್ಯ ಸರ್ಕಾರ ಹಿಂದೇಟು ಹಾಕಿತ್ತು. ನಂತರ ಎಸಿ ಬಸ್​ಗಳನ್ನು ಕೂಡ ರಸ್ತೆಗೆ ಇಳಿಸಿತ್ತು. ಆದರೆ, ಈಗ ಮೊದಲಿನಷ್ಟು ಪ್ರಯಾಣಿಕರು ಎಸಿ ಬಸ್​ನಲ್ಲಿ ಸಂಚಾರ ಮಾಡುತ್ತಿಲ್ಲ. ಹೀಗಾಗಿ, ಪ್ರಯಾಣಿಕರನ್ನು ಆಕರ್ಷಿಸಲು ಹವಾ ನಿಯಂತ್ರಿತ ಬಸ್​ಗಳ ಟಿಕೆಟ್​ ಹಾಗೂ ಪಾಸ್​ದರವನ್ನು ಶೇ.20 ಇಳಿಕೆ ಮಾಡಿದೆ.

ಜನವರಿ 1ರಿಂದ ಈ ಹೊಸ ಆದೇಶ ಅನ್ವಯ ಆಗಲಿದೆ. ಏರ್​ಪೋರ್ಟ್​  ರ್ಪೋರ್ಟ್, ವೈಲ್ ಫೀಲ್ಡ್, ಕಾಡಗೋಡಿ, ಹೊಸಕೋಟೆ, ಬನ್ನೇರುಘಟ್ಟ ಸೇರಿದಂತೆ ವಿವಿಧ ಭಾಗಗಳಲ್ಲಿ ಐಷಾರಾಮಿ ಬಸ್​ಗಳು ಸಂಚಾರ ಮಾಡುತ್ತಿವೆ.