ಆಟೋ, ಓಲಾ- ಉಬರ್​ಗೆ ಸೆಡ್ಡು ಹೊಡೆದ ಬಿಎಂಟಿಸಿ: ಇನ್ಟ್ರಾ ಲೇಔಟ್ ಬಸ್ ಸರ್ವಿಸ್ ಪ್ಲ್ಯಾನ್​ ಸಕ್ಸಸ್

ಬೆಂಗಳೂರು, ಆಗಸ್ಟ್​ 11: ಅದು ಸಿಲಿಕಾನ್ ಸಿಟಿ ಬೆಂಗಳೂರಲ್ಲೇ (bangaluru) ಮೊಟ್ಟಮೊದಲ ಬಾರಿಗೆ ಬಿಎಂಟಿಸಿ ಮತ್ತು ಡಲ್ಟ್ ಜಂಟಿಯಾಗಿ ಆರಂಭಿಸಿದ ಇನ್ಟ್ರಾ ಲೇಔಟ್ ಬಸ್ ಸರ್ವಿಸ್ (Intra Layout Bus Service). ಈ ಏರಿಯಾದಲ್ಲಿ ಜನರು ಇತ್ತೀಚಿಗೆ ಯಾರು ಆಟೋ, ಕ್ಯಾಬ್​ಗಳನ್ನು ಬುಕ್ ಮಾಡ್ತಾನೆ ಇಲ್ವಂತೆ. ಕಾರಣ ಮನೆ ಮುಂಭಾಗಕ್ಕೆ ಐದೋ ಹತ್ತು ನಿಮಿಷಕ್ಕೆ ಬಸ್​ಗಳು ಸಂಚಾರ ಮಾಡುತ್ತಿದ್ದು, ಪಿಕ್ ಅಪ್ ಡ್ರಾಪ್ ಮಾಡಲಾಗುತ್ತಿದೆ.

ಇನ್ಟ್ರಾ ಲೇಔಟ್ ಬಸ್ ಸರ್ವಿಸ್

ಬಿಎಂಟಿಸಿ -ಡಲ್ಟ್ ಜಂಟಿಯಾಗಿ ಹೆಚ್ಎಸ್ಆರ್ ಲೇಔಟ್​ಗೆ ಇನ್ಟ್ರಾ ಲೇಔಟ್ ಬಸ್ ಸರ್ವಿಸ್ ಆರಂಭಿಸಿದರು. ಆ ಮೂಲಕ ರಾಜಧಾನಿ ಬೆಂಗಳೂರಲ್ಲಿ ಮೊದಲ ಬಾರಿಗೆ ಹೆಚ್ಎಸ್ಆರ್ ಲೇಔಟ್​ನಲ್ಲಿ ಈ ಸರ್ವಿಸ್ ಅನ್ನು ಆರಂಭ ಮಾಡಲಾಯಿತು. ಹೆಚ್ಎಸ್ಆರ್ ಲೇಔಟ್ ಇನ್ ಟ್ರಾ ಸರ್ವಿಸ್​ಗಾಗಿ ಹತ್ತು ಬಿಎಂಟಿಸಿ ಬಸ್​ಗಳನ್ನು ನಿಯೋಜನೆ ಮಾಡಲಾಗಿತ್ತು.

ಇದನ್ನೂ ಓದಿ: ಆರ್ಥಿಕ ಸಂಕಷ್ಟದಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯ; 50 ಮಂದಿಯ 21 ಕೋಟಿ ರೂ. ನಿವೃತ್ತಿ ವೇತನ ಬಾಕಿ

ಹತ್ತು ಬಸ್​ಗಳಿಂದ ಪ್ರತಿದಿನ ಐದು ಸಾವಿರ ಪ್ರಯಾಣಿಕರು ಸಂಚಾರ ಮಾಡ್ತಿದ್ರೆ, ಪ್ರತಿ ತಿಂಗಳು ಹದಿನೈದು ಲಕ್ಷ ರೂ. ಆದಾಯ ಗಳಿಸುತ್ತಿದೆ. ಅಗರ ಜಂಕ್ಷನ್​ನಿಂದ ಹೆಚ್ಎಸ್ಆರ್ ಲೇಔಟ್​ನಿಂದ ಮತ್ತೆ ಅಗರ ಜಂಕ್ಷನ್​ವರೆಗೆ ಸಂಚಾರ ಮಾಡುತ್ತಿರುವ ಹತ್ತು ಬಿಎಂಟಿಸಿ ಬಸ್​ಗಳು. ಈ ಬಗ್ಗೆ ಪ್ರಯಾಣಿಕರು ಸಂತಸ ವ್ಯಕ್ತಪಡಿಸುತ್ತಾರೆ.

ಇನ್ನೂ ಈ ಇನ್ಟ್ರಾ ಬಸ್ ಸರ್ವಿಸ್ ಬೆಳಿಗ್ಗೆ 5 ರಿಂದ ರಾತ್ರಿ 10 ಗಂಟೆಯವರೆಗೆ ಸಂಚಾರ ಮಾಡುತ್ತದೆ. ಅಗರ ಜಂಕ್ಷನ್ ನಿಂದ ಹೆಚ್ಎಸ್ಆರ್ ಲೇಔಟ್​ವರೆಗೆ 28 ಸ್ಟಾಪ್​ಗಳನ್ನು ನೀಡಲಾಗುತ್ತದೆ. ಇದರಿಂದ ಹೆಚ್ಎಸ್ಆರ್ ಲೇಔಟ್​ನಲ್ಲಿ ಸದ್ಯ ಆಟೋ ಕ್ಯಾಬ್​ಗಳ ಸಂಖ್ಯೆ ತುಂಬಾ ಕಡಿಮೆ ಆಗಿದೆಯಂತೆ.

ನಮ್ಮ ಏರಿಯಾಗೂ ಇನ್ ಟ್ರಾ ಸರ್ವಿಸ್ ಆರಂಭಿಸಿ ಎಂದು ರಾಜಧಾನಿಯ ಬೇರೆಬೇರೆ ಏರಿಯಾ ನಿವಾಸಿಗಳ ಅಸೋಸಿಯೇಷನ್​ಗಳು ಬಿಎಂಟಿಸಿಗೆ ಮನವಿ ಮಾಡುತ್ತಿದ್ದಾರಂತೆ. ನಮಗೆ ಇದರಿಂದ ತುಂಬಾ ಸಹಾಯ ಆಗಿದೆ ಎಂದು ಸ್ಥಳೀಯ ನಿವಾಸಿ ಶ್ರೀ ರಾಮ್ ಹೇಳುತ್ತಾರೆ.

ಇದನ್ನೂ ಓದಿ: ತುಂಗಭದ್ರಾ ಡ್ಯಾಂ ಗೇಟ್ ಕಟ್​ಗೆ ಸ್ಫೋಟಕ ಕಾರಣ ಕೊಟ್ಟ ಎಚ್​​ಡಿಕೆ, ಜತೆಗೊಂದು ಸಲಹೆ

ಕ್ಯಾಬ್​, ಆಟೋ ಬುಕ್ ‌ಮಾಡ್ಕೊಂಡು ಮಳೆಯಲ್ಲಿ ನಾವು ಬರೋದಿಲ್ಲ ಅಂತ ಕ್ಯಾನ್ಸಲ್ ಮಾಡೋದು, ಗಂಟೆಗಟ್ಟಲೆ ಅವರಿಗೆ ವೈಟ್ ‌ಮಾಡ್ಕೊಂಡು ನೂರು ಇನ್ನೂರು ರೂ. ನೀಡುವ ಬದಲು ನಮ್ಮ ಬಿಎಂಟಿಸಿಯೇ ನಮಗೆ ಬೆಸ್ಟ್ ಅಂತ ಪ್ರಯಾಣಿಕರು ಪ್ರತಿದಿನ ಇನ್ಟ್ರಾ ಲೇಔಟ್ ಬಸ್​ನಲ್ಲಿ ಹ್ಯಾಪಿ ಪ್ರಯಾಣ ಮಾಡ್ತಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.