ಅಬ್ಬಬ್ಬಾ ತರಹೇವಾರಿ ವಂಚನೆಗಳು.. ಹಾಸನದಲ್ಲಿ ಬೇಬಿ ಟ್ಯಾಂಕರ್ ಮಾಫಿಯಾ! ಸೂತ್ರಧಾರ ಕಾನ್ಸ್​ಟೇಬಲ್​ ಸೇರಿ ಐವರ ವಿರುದ್ಧ ಕೇಸ್

Baby Tanker Mafia in Hassan: ಚಾಲಕನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಪ್ರಕರಣ ಬಯಲಾಗಿದೆ. ದಂಧೆ ಬಯಲಾಗುತ್ತಿದ್ದಂತೆ ಕಾರ್ಯಾಚರಣೆ ನಡೆಸಿದ ಹಾಸನ ನಗರ ಠಾಣೆ ಪೊಲೀಸರು ಆರು ಟ್ಯಾಂಕರ್​​ಗಳನ್ನು ವಶಕ್ಕೆ ಪಡೆದು ಪರಿಶೀಲಿಸಿದಾಗ ಬೇಬಿ ಟ್ಯಾಂಕರ್ ಅಳವಡಿಸಿರುವುದು ಪತ್ತೆಯಾಗಿದೆ!

ಅಬ್ಬಬ್ಬಾ ತರಹೇವಾರಿ ವಂಚನೆಗಳು.. ಹಾಸನದಲ್ಲಿ ಬೇಬಿ ಟ್ಯಾಂಕರ್ ಮಾಫಿಯಾ! ಸೂತ್ರಧಾರ ಕಾನ್ಸ್​ಟೇಬಲ್​ ಸೇರಿ ಐವರ ವಿರುದ್ಧ ಕೇಸ್
ಅಬ್ಬಬ್ಬಾ ತರಹೇವಾರಿ ವಂಚನೆಗಳು.. ಹಾಸನದಲ್ಲಿ ಬೇಬಿ ಟ್ಯಾಂಕರ್ ಮಾಫಿಯಾ! ಸೂತ್ರಧಾರ ಕಾನ್ಸ್​ಟೇಬಲ್​ ಸೇರಿ ಐವರ ವಿರುದ್ಧ ಕೇಸ್

ಹಾಸನ: ಹಾಸನದಲ್ಲಿ ಪೆಟ್ರೋಲ್, ಡೀಸೆಲ್ ಸರಬರಾಜು ಸೋಗಿನಲ್ಲಿ ಅವ್ಯಾಹತವಾಗಿ ನಡೆಯುತ್ತಿದ್ದ ಬೇಬಿ ಟ್ಯಾಂಕರ್ ಮಾಫಿಯಾ ಬಯಲಿಗೆ ಬಂದಿದೆ. ಪೊಲೀಸ್ ಕಾನ್ಸ್​ಟೇಬಲ್​ ಭಾಸ್ಕರ್ ಸೇರಿ ಐವರ ವಿರುದ್ಧ ಹಾಸನ ನಗರ ಪೊಲೀಸ್ ಠಾಣೆಯಲ್ಲಿ ಕೇಸ್​ ದಾಖಲಾಗಿದೆ. ಬಹುಶಃ ಕರ್ನಾಟಕವಷ್ಟೇ ಅಲ್ಲ; ಇಡೀ ದೇಶದಲ್ಲಿ ಇದೇ ಮೊದಲ ಬಾರಿಗೆ ಇಂತಹ ಕುಕೃತ್ಯ ಬಯಲಿದೆ ಬಂದಿದೆ ಎನ್ನಲಾಗಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಸರಬರಾಜು ಮಾಡುವ ದೊಡ್ಡ ದೊಡ್ಡ ಟ್ಯಾಂಕರುಗಳಲ್ಲಿ ಒಳಗಡೆಯಿಂಲೇ ಗುಪ್ತವಾಗಿ ಸಣ್ಣ ಟ್ಯಾಂಕರ್ ಅನ್ನು ಮೊದಲೇ ಸಿದ್ಧ ಮಾಡಿಟ್ಟುಕೊಂಡು, ಅದರಲ್ಲಿ ಇಂಧನ ಉಳಿಸಿಕೊಂಡು ಪೆಟ್ರೋಲ್​ ಬಂಕ್​ ಮಾಲೀಕರನ್ನು‌ ವಂಚಿಸುತ್ತಿದ್ದ ಜಾಲ ಇದಾಗಿದೆ.

ಹಾಸನದ HPCLನಿಂದ ತಿಪಟೂರಿಗೆ ಪೆಟ್ರೋಲ್, ಡೀಸೆಲ್ ಸರಬರಾಜು ಮಾಡುತ್ತಿದ್ದ ಟ್ಯಾಂಕರ್​ಗಳಲ್ಲಿ ಈ ಕುವ್ಯವಸ್ಥೆ ಮಾಡಿಕೊಂಡಿರುವುದು ಪತ್ತೆಯಾಗಿದೆ. ಕಾನ್ಸ್​ಟೇಬಲ್ ಭಾಸ್ಕರ್ ಕುಟುಂಬದ ಹಲವರ ಹೆಸರಿನಲ್ಲಿ ಈ ಟ್ಯಾಂಕರ್​ಗಳು ಚಾಲ್ತಿಯಲ್ಲಿದ್ದವು. ತಮಗೆ ಸೇರಿದ 15 ಟ್ಯಾಂಕರ್​ಗಳ ಒಳಗೆ ಈ ವಿಶಿಷ್ಟ ವಿನ್ಯಾಸ (ಪುಟ್ಟ ಬೇಬಿ ಟ್ಯಾಂಕರ್ ಜೋಡಣೆ -Baby Tanker) ಮಾಡಿಕೊಂಡಿದ್ದರು. ಬರೋಬ್ಬರಿ ತಲಾ ಒಂದು ಟ್ಯಾಂಕರ್​​ಗೆ ನೂರು ಲೀಟರ್ ಕಡಿಮೆ ಬರುತ್ತಿತ್ತು.

ಬೇಬಿ ಟ್ಯಾಂಕರ್​ನಲ್ಲಿ ಭಾರೀ ವಂಚನೆ:
ಇದರ ಬಗ್ಗೆ ಅನುಮಾನಗೊಂಡ ಪೆಟ್ರೋಲ್ ಬಂಕ್ ಮಾಲೀಕರುಗಳು ಪೊಲೀಸರಿಗೆ ದೂರು ನೀಡಿದ್ದರು. ತಿಪಟೂರು ನಗರ ಠಾಣೆಯಲ್ಲಿ ಮೊದಲು ಎಫ್​ಐಆರ್ ದಾಖಲಾಗಿ, ನಂತರ ಇದೀಗ ಹಾಸನ ನಗರ ಠಾಣೆಗೆ ಪ್ರಕರಣ ವರ್ಗಾವಣೆಗೊಂಡಿದೆ.

ಚಾಲಕನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಪ್ರಕರಣ ಬಯಲಾಗಿದೆ. ದಂಧೆ ಬಯಲಾಗುತ್ತಿದ್ದಂತೆ ಕಾರ್ಯಾಚರಣೆ ನಡೆಸಿದ ಹಾಸನ ನಗರ ಠಾಣೆ ಪೊಲೀಸರು ಆರು ಟ್ಯಾಂಕರ್​​ಗಳನ್ನು ವಶಕ್ಕೆ ಪಡೆದು ಪರಿಶೀಲಿಸಿದಾಗ ಬೇಬಿ ಟ್ಯಾಂಕರ್ (Petrol Bunk Baby Tanker Mafia) ಅಳವಡಿಸಿರುವುದು ಪತ್ತೆಯಾಗಿದೆ!

ಹಾಸನ ನಗರ ಠಾಣೆಯ ಕಾನ್ಸ್​ಟೇಬಲ್​ ಭಾಸ್ಕರ್ (Hassan constable) ಸೇರಿ ಐವರ ವಿರುದ್ದ ಕೇಸ್ ದಾಖಲಿಸಿಕೊಂಡಿದ್ದಾರೆ. ಅನೇಕ ದಿನಗಳಿಂದ‌ ಹೀಗೆ ಕೊಟ್ಯಾಂತರ ರೂಪಾಯಿ ವಂಚಿಸಿರುವುದು ಬೆಳಕಿಗೆ ಬಂದಿದ್ದು, ಪೊಲೀಸರು ಪ್ರಕರಣದ ತನಿಖೆಯನ್ನು ಚುರುಕುಗೊಳಿಸಿದ್ದಾರೆ.

ಗುರು ರಾಘವೇಂದ್ರ ಬ್ಯಾಂಕ್ ವಂಚನೆ: ಬಿಜೆಪಿ ಮಾಜಿ ಎಂ​ಎಲ್​ಸಿ ಅಶ್ವಥ್ ನಾರಾಯಣ್ 12 ಕೋಟಿ ಸಾಲ ಕಟ್ಟಿಲ್ಲ -ಠೇವಣಿದಾರರ ಅಳಲು

(HPCL Petrol Bunk Baby Tanker Mafia in Hassan 5 booked including constable)