ಜಿಐ-ಟ್ಯಾಗ್ ಹೊಂದಿರುವ ಕಲಬುರಗಿ ತೊಗರಿ ಬೇಳೆಗೆ ಮತ್ತೊಂದು ಗರಿ: ಶೇ.30ರಷ್ಟು ಹೆಚ್ಚಿನ ಬೆಲೆಗೆ ಮಾಲ್ಡೀವ್ಸ್ಗೆ ರಫ್ತು
ಜಿಐ-ಟ್ಯಾಗ್ ಹೊಂದಿರುವ ಕಲಬುರಗಿ ತೊಗರಿ ಬೇಳೆಯನ್ನು ಶೇ.30ರಷ್ಟು ಹೆಚ್ಚಿನ ಬೆಲೆಗೆ ಮಾಲ್ಡೀವ್ಸ್ಗೆ ರಫ್ತಾಗಿದ್ದು, ಆ ಮೂಲಕ ಈ ಭಾಗದ ಪ್ರಮುಖ ಕೃಷಿ ಉತ್ಪನ್ನಕ್ಕೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೊಸ ಮೈಲಿಗಲ್ಲು ಸಿಕ್ಕಂತಾಗಿದೆ. ‘ಗುಲ್ಬರ್ಗಾ ತೂರ್ ದಾಲ್’ ಎಂದೂ ಕರೆಯಲ್ಪಡುವ ‘ಕಲಬುರಗಿ ತೊಗರಿ ಬೇಳೆ’ಗೆ 2019ರಲ್ಲಿ ಜಿಐ ನೋಂದಣಿ ದೊರೆತಿದೆ. ಕರ್ನಾಟಕದ ನೋಂದಾಯಿತ ಜಿಐ ಉತ್ಪನ್ನಗಳ ಪೈಕಿ ಗುಲ್ಬರ್ಗಾ ತೂರ್ ದಾಲ್ ಅನ್ನು APEDA ಪಟ್ಟಿ ಮಾಡಿದೆ.
Updated on:Sep 26, 2026 | 12:02 PM
ಕಲಬುರಗಿ, ಸೆಪ್ಟೆಂಬರ್ 26: ಜಿಐ ಟ್ಯಾಗ್ ಪಡೆದ ಒಂದು ಟನ್ ಕಲಬುರಗಿ ತೊಗರಿ ಬೇಳೆಯನ್ನು ಮಾಲ್ಡೀವ್ಸ್ಗೆ ರಫ್ತು ಮಾಡಲಾಗಿದ್ದು, ಆ ಮೂಲಕ ಈ ಭಾಗದ ಪ್ರಮುಖ ಕೃಷಿ ಉತ್ಪನ್ನಕ್ಕೆ ಹೊಸ ಅಂತಾರಾಷ್ಟ್ರೀಯ ಮಾರುಕಟ್ಟೆ ತೆರೆದುಕೊಂಡಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ತೊಗರಿ ಬೇಳೆಯ ಬೆಲೆ ಕೆ.ಜಿಗೆ ಸುಮಾರು 60 ರೂಪಾಯಿ ಇದ್ದರೆ, ರಫ್ತು ಆಧಾರಿತ ಮಾರಾಟ ವ್ಯವಸ್ಥೆಯ ಮೂಲಕ ರೈತರಿಗೆ ಕೆ.ಜಿಗೆ 82 ರೂಪಾಯಿ ದೊರೆಯುತ್ತಿದೆ. ಇದು ಶೇ.30ಕ್ಕೂ ಹೆಚ್ಚು ಬೆಲೆ ಹೆಚ್ಚಳವಾಗಿದೆ. ಜಿಐ ಟ್ಯಾಗ್ ಪಡೆದ ಕೃಷಿ ಉತ್ಪನ್ನಗಳನ್ನು ಉತ್ತೇಜಿಸುವುದು ಹಾಗೂ ರೈತ ಆಧಾರಿತ ಬ್ರ್ಯಾಂಡ್ಗಳನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬಲಪಡಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಇದು ಮಹತ್ವದ ಹೆಜ್ಜೆ ಎಂದು ಪಿಯೂಷ್ ಗೋಯಲ್ ಪೋಸ್ಟ್
Gulbarga Tur Dal heads to the Maldives.
1 MT of the GI-tagged premium pulse from Karnataka, known for its exceptional taste, has been exported to the Maldives.
The farmers who have made this possible with their hard work get over 30% higher prices for their produce in… pic.twitter.com/0fD5bkKvtH
— Piyush Goyal (@PiyushGoyal) September 24, 2026
ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಕೂಡ ಪೋಸ್ಟ್ ಮಾಡುವ ಮೂಲಕ ಈ ಬೆಳವಣಿಗೆಯನ್ನು ಸ್ವಾಗತಿಸಿದ್ದಾರೆ. ಕರ್ನಾಟಕದ ಜಿಐ ಟ್ಯಾಗ್ ಪಡೆದ ಕಲಬುರಗಿ ತೊಗರಿ ಬೇಳೆಗೆ ಜಾಗತಿಕ ಮಾರುಕಟ್ಟೆ ಪ್ರವೇಶವನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಇದು ಮಹತ್ವದ ಹೆಜ್ಜೆ ಎಂದು ಅವರು ಹೇಳಿದ್ದಾರೆ. ತಮ್ಮ ಕಠಿಣ ಪರಿಶ್ರಮದಿಂದ ಈ ಸಾಧನೆಗೆ ಕಾರಣರಾದ ರೈತರಿಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತಮ್ಮ ಉತ್ಪನ್ನಕ್ಕೆ ಶೇ.30ಕ್ಕೂ ಅಧಿಕ ಬೆಲೆ ದೊರೆಯುತ್ತಿದೆ ಎಂದವರು ತಿಳಿಸಿದ್ದಾರೆ.
ಇದನ್ನೂ ಓದಿ: ಕಲಬುರ್ಗಿಯಲ್ಲಿ ಕನೇರಿ ಶ್ರೀಗಳ ಸಮಾವೇಶಕ್ಕೆ ತೀವ್ರ ವಿರೋಧ: ಬಸವ ತತ್ವ ಸಂಘಟನೆಗಳ ಆಕ್ರೋಶ, ಹಿಂದೂ ಮುಖಂಡರಿಂದಲೂ ಆಕ್ಷೇಪ
‘ಗುಲ್ಬರ್ಗಾ ತೂರ್ ದಾಲ್’ ಎಂದೂ ಕರೆಯಲ್ಪಡುವ ‘ಕಲಬುರಗಿ ತೊಗರಿ ಬೇಳೆ’ಗೆ 2019ರಲ್ಲಿ ಜಿಐ ನೋಂದಣಿ ದೊರೆತಿದೆ. ಕರ್ನಾಟಕದ ನೋಂದಾಯಿತ ಜಿಐ ಉತ್ಪನ್ನಗಳ ಪೈಕಿ ಗುಲ್ಬರ್ಗಾ ತೂರ್ ದಾಲ್ ಅನ್ನು APEDA ಪಟ್ಟಿ ಮಾಡಿದೆ. ಜಿಐ ನೋಂದಣಿ ದಾಖಲೆಗಳಲ್ಲಿ ಈ ಉತ್ಪನ್ನವನ್ನು ಕೃಷಿ ಉತ್ಪನ್ನವಾಗಿ ಗುರುತಿಸಲಾಗಿದ್ದು, ಕೃಷಿ ವಿಜ್ಞಾನಗಳ ವಿಶ್ವವಿದ್ಯಾಲಯ ಹಾಗೂ ಕರ್ನಾಟಕ ತೊಗರಿ ಅಭಿವೃದ್ಧಿ ಮಂಡಳಿ ಲಿಮಿಟೆಡ್ ನೋಂದಾಯಿತ ಮಾಲೀಕರಾಗಿವೆ. ಕಲಬುರಗಿ ಕರ್ನಾಟಕದ ಪ್ರಮುಖ ತೊಗರಿ ಬೆಳೆಯುವ ಪ್ರದೇಶಗಳಲ್ಲಿ ಒಂದಾಗಿದ್ದು, ಈ ಭಾಗದ ಕೃಷಿ ಆರ್ಥಿಕತೆಯಲ್ಲಿ ತೊಗರಿ ಬೆಳೆಗೆ ಮಹತ್ವದ ಸ್ಥಾನವಿದೆ. ಕಲಬುರಗಿಯಲ್ಲಿ ಕೇಂದ್ರ ಕಚೇರಿ ಹೊಂದಿರುವ KSPAML ರಾಜ್ಯದ ದ್ವಿದಳ ಧಾನ್ಯ ಕ್ಷೇತ್ರದ ಅಭಿವೃದ್ಧಿಗೆ ನೋಡಲ್ ಸಂಸ್ಥೆಯಾಗಿದ್ದು, ಎಫ್ಪಿಒಗಳು ಮತ್ತು ಇತರ ಪಾಲುದಾರರೊಂದಿಗೆ ಮೌಲ್ಯವರ್ಧನೆ ಹಾಗೂ ಮಾರುಕಟ್ಟೆ ಸಂಪರ್ಕಗಳಿಗಾಗಿ ಕಾರ್ಯನಿರ್ವಹಿಸುತ್ತದೆ.
ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 12:01 pm, Sat, 26 September 26
