Google Search 2020 | ಕರ್ನಾಟಕದ ಜನತೆ ಗೂಗಲ್ನಲ್ಲಿ ಅತಿಹೆಚ್ಚು ಹುಡುಕಿದ್ದು ಏನು?

ಪ್ರತಿ ವರ್ಷ ಜನರು ತಿಳದುಕೊಳ್ಳಲು ಬಯಸುತ್ತಿದ್ದ ವಿಷಯಗಳು ವೈವಿಧ್ಯಮಯವಾಗಿರುತ್ತಿದ್ದವು. ಆದರೆ ಈ ಬಾರಿ queries ವಿಭಾಗದಲ್ಲಿ ಕೊರೊನಾ ಸಂಬಂಧಿತ ವಿಷಯಗಳೇ ಸಿಂಹಪಾಲು ಪಡೆದಿವೆ. ಅದನ್ನು ಹೊರತುಪಡಿಸಿದರೆ ಎಸ್ಎಸ್ಎಲ್ಸಿ ಪರೀಕ್ಷಾ ಫಲಿತಾಂಶಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ಹೆಚ್ಚು ಜನರು ಹುಡುಕಿದ್ದಾರೆ.

ಪ್ರಾತಿನಿಧಿಕ ಚಿತ್ರ

preethi shettigar | Updated By: Ghanashyam D M | ಡಿ.ಎಂ.ಘನಶ್ಯಾಮ
Updated on: Dec 27, 2020 | 5:44 PM

ಬೆಂಗಳೂರು: ಹಿಂದೆ ಯಾವುದೇ ಒಂದು ವಿಷಯದ ಬಗ್ಗೆ ಮಾಹಿತಿಯನ್ನು ಪಡೆಯಬೇಕಾದರೆ ಅನೇಕ ಪುಸ್ತಕಗಳನ್ನು ಓದಬೇಕಿತ್ತು, ಗ್ರಂಥಾಲಯಗಳನ್ನು ಹುಡುಕಬೇಕಿತ್ತು, ವಿದ್ವಾಂಸರನ್ನು ಭೇಟಿಯಾಗಬೇಕಿತ್ತು. ಆದರೆ ಈಗ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ. ನಾವು ಇರುವ ಸ್ಥಳದಲ್ಲೇ ಯಾವುದೇ ವಿಷಯವನ್ನು ಕ್ಷಣಮಾತ್ರದಲ್ಲಿ ತಿಳಿದುಕೊಳ್ಳಬಹುದು. ಇದಕ್ಕೆ ಕಾರಣ ಅಂತರ್ಜಾಲ ಲೋಕದಲ್ಲಿ ಆದ ಹಲವಾರು ಆವಿಷ್ಕಾರಗಳು.

ಮಾಹಿತಿ ಹುಡುಕಾಟದ ಮೊದಲ ಮೆಟ್ಟಿಲು ಎನಿಸಿದೆ ಗೂಗಲ್. ಗೊಂದಲಗಳನ್ನು ನಿವಾರಣೆ ಮಾಡುವಲ್ಲಿ ಗೂಗಲ್ ಎತ್ತಿದ ಕೈ. ಕಲಿಯುಗದ ಜನರು ತಮ್ಮನ್ನು ತಾವು ನಂಬುವುದಕ್ಕಿಂತ ಹೆಚ್ಚಾಗಿ ಗೂಗಲ್ ಅನ್ನು ನಂಬುತ್ತಾರೆ. ಅಡುಗೆ ಮಾಡುವುದು ಹೇಗೆ? ಮೇಕಪ್ ಮಾಡಿಕೊಳ್ಳುವುದು ಹೇಗೆ? ಒಂದು ಊರಿನಿಂದ ಮತ್ತೊಂದು ಊರಿಗೆ ಹೋಗುವ ದಾರಿ ಯಾವುದು? ಗಿಡ ನೆಡುವುದು ಹೇಗೆ? ಸೀರೆ ಉಡುವುದು ಹೇಗೆ.. ಈ ರೀತಿಯ ನೂರಾರು ಗೊಂದಲಗಳ ನಿವಾರಕ ಈ ಗೂಗಲ್.

ದಿನದಲ್ಲಿ ಒಂದು ಬಾರಿಯಾದರೂ ಗೂಗಲ್ ಒಪನ್ ಮಾಡಿ ನೋಡದೆ ಇದ್ದರೆ ಸಮಾಧಾನವೇ ಇಲ್ಲ ಎನ್ನುವ ಜನರ ಸಂಖ್ಯೆಯೂ ದೊಡ್ಡದಿದೆ. ಗೂಗಲ್ ಅನ್ನು ನಂಬಿ ನಡೆಯುವವರ ಪಟ್ಟಿಯಲ್ಲಿ ಕರ್ನಾಟಕವು ಹಿಂದೆ ಉಳಿದಿಲ್ಲ. ಈ ಬಾರಿ ಕರ್ನಾಟಕದ ಜನತೆ ಗೂಗಲ್ನಲ್ಲಿ ಹೆಚ್ಚಾಗಿ ಸರ್ಚ್ ಮಾಡಿರುವ ವಿಷಯ ಯಾವುದು?

ಈ ವರ್ಷ ಕೊರೊನಾ ಕಾರಣದಿಂದಾಗಿಯೋ ಏನೋ ಕ್ವಾರಂಟೈನ್ (Quarantine) ಬಗ್ಗೆಯೇ ಹೆಚ್ಚು ಜನರು ಸರ್ಚ್ ಮಾಡಿದ್ದಾರೆ. ನಂತರದ ಸ್ಥಾನದಲ್ಲಿ ಸೇವಾ ಸಿಂಧು (SEVA SINDHU) ಇದೆ. ಮನೆಯಲ್ಲೇ ಕುಳಿತು ಓದಿನ ವಿಷಯದ ಬಗ್ಗೆ ಕಾಳಜಿ ವಹಿಸಬೇಕಾಗಿರುವ ಈಗಿನ ಪರಿಸ್ಥಿತಿಯಲ್ಲಿ ಕೆಸಿಇಟಿ ಪರೀಕ್ಷೆಯ (KCET 2020 Admission exam) ಬಗ್ಗೆಯೂ ಜನರು ಹೆಚ್ಚು ಸರ್ಚ್ ಮಾಡಿದ್ದಾರೆ. ಸಿನಿಮಾದ ಬಗ್ಗೆಯೂ ಜನರು ಹೆಚ್ಚು ಗಮನಕೊಟ್ಟಿದ್ದು ವೈಲ್ಡ್ ಕರ್ನಾಟಕ -2019 (Wild Karnataka 2019 film) ಚಿತ್ರವು 4ನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಬಾರಿ ಕರ್ನಾಟಕ ಬಂದ್ (Karnataka Bandh-Topic) ಕೂಡ ಗೂಗಲ್ ಸರ್ಚ್ನಲ್ಲಿ 5ನೇ ಸ್ಥಾನ ಪಡೆದುಕೊಂಡಿದೆ.

ವೈಲ್ಡ್ ಕರ್ನಾಟಕ ಸಿನಿಮಾದ ಪೋಸ್ಟರ್

ಹೆಚ್ಚು ತಿಳಿದುಕೊಳ್ಳಲು ಬಯಸಿದ್ದು ಕೋವಿಡ್ ಬಗ್ಗೆ ಪ್ರತಿ ವರ್ಷ ಜನರು ತಿಳದುಕೊಳ್ಳಲು ಬಯಸುತ್ತಿದ್ದ ವಿಷಯಗಳು ವೈವಿಧ್ಯಮಯವಾಗಿರುತ್ತಿದ್ದವು. ಆದರೆ ಈ ಬಾರಿ queries ವಿಭಾಗದಲ್ಲಿ ಕೊರೊನಾ ಸಂಬಂಧಿತ ವಿಷಯಗಳೇ ಸಿಂಹಪಾಲು ಪಡೆದಿವೆ. ಅದನ್ನು ಹೊರತುಪಡಿಸಿದರೆ ಎಸ್ಎಸ್ಎಲ್ಸಿ ಪರೀಕ್ಷಾ ಫಲಿತಾಂಶಕ್ಕೆ ಸಂಬಂಧಿಸಿದ ಮಾಹಿತಿಯನ್ನು ಹೆಚ್ಚು ಜನರು ಹುಡುಕಿದ್ದಾರೆ.

ಕರ್ನಾಟಕ ಕೋವಿಡ್ (karnataka covid), ಕರ್ನಾಟಕ ಕೊರೊನಾ ವೈರಸ್ (karnataka coronavirus), ಕೊರೊನಾ ಇನ್ ಕರ್ನಾಟಕ (corona in karnataka) ಟಾಪ್-3 query ಪದಗಳಾಗಿವೆ. ಎಸ್ಎಸ್ಎಲ್ಸಿ ಪರೀಕ್ಷೆಗೆ ಸಂಬಂಧಿಸಿದಂತೆ sslc result 2020, sslc result karnataka 2020 ಕ್ರಮವಾಗಿ 4 ಮತ್ತು 5ನೇ ಸ್ಥಾನದಲ್ಲಿವೆ.