ಮೈಸೂರು: ಪತಿಯಿಂದ ದೂರವಾಗಿದ್ದ ಮಹಿಳೆ ಬರ್ಬರ ಹತ್ಯೆ

ಮೈಸೂರು: ಪತಿಯಿಂದ ದೂರವಾಗಿದ್ದ ಮಹಿಳೆ ಬರ್ಬರವಾಗಿ ಕೊಲೆಯಾಗಿದ್ದಾಳೆ. ಈ ಘಟನೆ ಮೈಸೂರು ತಾಲೂಕಿನ ಸಾತಗಳ್ಳಿಯ ಬಳಿ ನಡೆದಿದೆ. 35 ವರ್ಷದ ಅಮ್ರೀನ್ ಕೊಲೆಯಾದ ಮಹಿಳೆ. ರಿಜ್ವಾನ್ ಎಂಬಾತ ಅಮ್ರೀನ್ನನ್ನು ಹತ್ಯೆಗೈದ ಆರೋಪಿ. ಮದುವೆ ವಿಚಾರಕ್ಕೆ ರಿಜ್ವಾನ್ ಅಮ್ರೀನ್ನನ್ನು ಬರ್ಬರವಾಗಿ ಕೊಲೆ ಮಾಡಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಪ್ರಕರಣ ಮೈಸೂರು ಗ್ರಾಮಾಂತರ ಠಾಣಾ ವ್ಯಾಪ್ತಿಯಲ್ಲಿ ದಾಖಲಾಗಿದೆ.

ಅಮ್ರೀನ್ ಗಂಡನಿಂದ ದೂರವಾಗಿದ್ದಳು. ಪತಿಯನ್ನು ತೊರೆದ ಆಕೆಗೆ ಎರಡು ಮಕ್ಕಳಿದ್ದವು. ವಿವಾಹಿತನಾಗಿದ್ದರೂ ಅಮ್ರೀನ್ ಜೊತೆ ರಿಜ್ವಾನ್ ಸ್ನೇಹ ಬೆಳೆಸಿದ್ದ. ಒಂದು ವರ್ಷದಿಂದ ಇಬ್ಬರ ನಡುವೆ ಸ್ನೇಹವಿತ್ತು. ಮೈಸೂರಿನ ಅಂಬೇಡ್ಕರ್ ನಗರದಲ್ಲಿ ಅಮ್ರೀನ್ಗೆ ಆರೋಪಿ ರಿಜ್ವಾನ್ ಮನೆ ಮಾಡಿ ಕೊಟ್ಟಿದ್ದ ಎಂಬ ಮಾಹಿತಿ ತಿಳಿದುಬಂದಿದೆ. ಅಮ್ರೀನ್ ಪತ್ನಿಯನ್ನು ಬಿಟ್ಟು ತನ್ನನ್ನ ಮದುವೆ ಆಗುವಂತೆ ಪೀಡಿಸುತ್ತಿದ್ದಳಂತೆ. ಆದರೆ ಅಮ್ರೀನ್ ಬೇಡಿಕೆಯನ್ನು ರಿಜ್ವಾನ್ ನಿರಾಕರಿಸದ್ದ.

ರಿಜ್ವಾನ್ ಬೇಡಿಕೆಯನ್ನು ನಿರಾಕರಿಸಿದ್ದರು ಕೂಡಾ ಅಮ್ರೀನ್ ಮದುವೆ ಮಾಡಿಕೊಳ್ಳುವಂತೆ ಒತ್ತಡ ಹೇರುತ್ತಿದ್ದಳಂತೆ. ಹೀಗಾಗಿ ನಿನ್ನೆ ಆಟೋದಲ್ಲಿ ಕರೆದುಕೊಂಡು ಹೋಗಿದ್ದ ರಿಜ್ವಾನ್ ಸಾತಗಳ್ಳಿ ಬಳಿ ಕತ್ತು ಕೊಯ್ದು ಮೃತದೇಹವನ್ನು ಬಿಸಾಕಿ ಪರಾರಿಯಾಗಿದ್ದ. ಸದ್ಯ ಆರೋಪಿ ರಿಜ್ವಾನ್ನನ್ನು ಪೊಲೀಸರು ಬಂಧಿಸಿದ್ದಾರೆ.

ಇದನ್ನೂ ಓದಿ

ಲಾಕ್​ಡೌನ್​ ಸಮಯದಲ್ಲಿ ಮುಖದ ಬೇಡದ ಕೂದಲು ದೂರವಾಗಿಸಲು ಇಲ್ಲಿದೆ ಸರಳ ವಿಧಾನ

ತಂಗಿ ಜತೆ ಜಗಳವಾಡಿದ್ದಕ್ಕೆ ಬೈದ ತಂದೆ; ತರಕಾರಿ ಕತ್ತರಿಸುವ ಚಾಕುವಿನಿಂದ ಅಪ್ಪನಿಗೆ ಇರಿದು ಕೊಂದೇಬಿಟ್ಟ 13 ವರ್ಷದ ಮಗ

(mysuru Man has murdered a woman for marriage matter)